ខេត្តកំពង់ឆ្នាំង - គោលដៅទី៤នៃសិក្ខាសាលាតាមបណ្ដាខេត្តប្រចាំឆ្នាំ២០១៩

អត្ថបទពាណិជ្ជកម្ម

ខេត្តកំពង់ឆ្នាំង - គោលដៅទី៤នៃសិក្ខាសាលាតាមបណ្ដាខេត្តប្រចាំឆ្នាំ២០១៩

18, Oct 2019 , 11:41 am

រូបភាព

ដោយ: ថ្មីៗ

កាលពីថ្ងៃទី១៧ ខែតុលា ឆ្នាំ២០១៩ ក្រុមហ៊ុន ហ្គោលដេន អេហ្វអិកស៍ លីង ឃែភីថល បានចូលរួមចំណែកក្នុងការចែករំលែកចំណេះដឹង ជំនាញ ក៏ដូចជាបទពិសោធន៍សម្បូរបែបទាក់ទងនឹងការវិនិយោគរបស់ខ្លួននៅខេត្តកំពង់ឆ្នាំង ដែលជាគោលដៅទី៤នៃសិក្ខាសាលាតាមបណ្ដាខេត្តឆ្នាំ២០១៩ និងត្រូវបានសហការរៀបចំដោយគណៈកម្មការមូលបត្រកម្ពុជា រដ្ឋបាលខេត្តកំពង់ឆ្នាំង និងក្រុមហ៊ុនសមភាគីកណ្តាល ខេមបូឌាន ដេរីវ៉េទីវ អ៊ិចឆេង ក្រោមអធិបតីឯកឧត្តម សុខ ដារ៉ា អគ្គនាយករងនៃគណៈកម្មការមូលបត្រកម្ពុជា តំណាងដ៏ខ្ពង់ខ្ពស់ឯកឧត្តម ស៊ូ សុជាតិ អគ្គនាយកនៃគណៈកម្មការមូលបត្រកម្ពុជា និងឯកឧត្តម ស្រ៊ន សំឬទ្ធី អភិបាលរងនៃគណៈអភិបាលខេត្តកំពង់ឆ្នាំង តំណាងដ៏ខ្ពង់ខ្ពស់ឯកឧត្តម ឈួរ ច័ន្ទឌឿន អភិបាលនៃគណៈអភិបាលខេត្តកំពង់ឆ្នាំង។ ក្រោមប្រធានបទ «អ្វីជាការជួញដូរឧបករណ៍និស្សន្ទ៖ ការត្រៀមខ្លួន ការវិនិយោគ និងការយល់ដឹងពាក់ព័ន្ធ?» សិក្ខាសាលាតាមបណ្ដាខេត្តឆ្នាំ២០១៩ ផ្ដោតសំខាន់ទៅលើការផ្សព្វផ្សាយនិងពង្រីកការយល់ដឹងអំពីការវិនិយោគលើឧបករណ៍និស្សន្ទនៅទូទាំងប្រទេសកម្ពុជា បង្កើនទំនុកចិត្តរបស់វិនិយោគិន និងជួយឱ្យពួកគាត់មានភាពរួចរាល់ក្នុងការវិនិយោគលើឧបករណ៍និស្សន្ទ ដែលជាផលិតផលហិរញ្ញវត្ថុដ៏ពេញនិយមមួយនៅលើពិភពលោក។

ឯកឧត្ដម សុខ ដារ៉ា បានផ្ដល់កិត្តិយសប្រកាសបើកកម្មវិធីសិក្ខាសាលាតាមបណ្ដាខេត្តឆ្នាំ២០១៩នៅខេត្តកំពង់ឆ្នាំងនេះ។ ឯកឧត្ដម បានគូសបញ្ជាក់ពីបេសកកម្មរបស់គណៈកម្មការមូលបត្រកម្ពុជាក្នុងការពង្រឹងបទប្បញ្ញត្តិសម្រាប់ទីផ្សារឧបករណ៍និស្សន្ទនៅកម្ពុជា និងបានលើកទឹកចិត្តឱ្យវិនិយោគិនបង្កើនចំណេះដឹង ត្រៀមខ្លួនរួចរាល់ ក៏ដូចជាជ្រើសរើសក្រុមហ៊ុនដែលទទួលបានអាជ្ញាបណ្ណពីគណៈកម្មការមូលបត្រកម្ពុជា ដើម្បីគ្រប់គ្រងហានិភ័យនៅពេលវិនិយោគ ស្របពេលដែលកិច្ចខិតខំប្រឹងប្រែងការពារវិនិយោគិន កំពុងបន្តយ៉ាងសកម្ម។

ឯកឧត្ដម សុខ ដារ៉ា បានមានប្រសាសន៍ថា៖ «បទប្បញ្ញាត្តិពាក់ព័ន្ធផ្សេងៗត្រូវបានដាក់ឱ្យអនុម័តជាបន្តបន្ទាប់ ដើម្បីធានាបាននូវសណ្ដាប់ធ្នាប់ ប្រសិទ្ធភាព និងតម្លាភាពនៅក្នុងទីផ្សារ។ ក្នុងនាមជាអាជ្ញធរ ក៏មិនអាចភ្លេចទេពីការការពារវិនិយោគិន។ យន្តការនៃការការពារវិនិយោគិនមួយដ៏សំខាន់ក្នុងចំណោមយន្តការដែលមាននោះ គឺការរក្សាសុវត្ថិភាពសាច់ប្រាក់។»

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុនៃក្រុមហ៊ុន ហ្គោលដេន អេហ្វអិកស៍ លីង ឃែភីថល ត្រូវបានអញ្ជើញឱ្យធ្វើជាវាគ្មិនកិត្តិយស ដើម្បីផ្ដល់ចំណេះដឹងអំពីការជួញដូរផលិតផលឧបករណ៍និស្សន្ទ ការទប់ស្កាត់និងការកាត់បន្ថយហានិភ័យពីការវិនិយោគ និងយុទ្ធសាស្ត្រល្អៗដើម្បីទាញយកផលគាប់ប្រសើរពីការវិនិយោគ។ ក្រោមការដឹកនាំរបស់គណៈកម្មការមូលបត្រកម្ពុជា លោក សំណាង ក៏បានបង្ហាញពីជំហររបស់ក្រុមហ៊ុនក្នុងការបន្តរួមអភិវឌ្ឍទីផ្សារឧបករណ៍និស្សន្ទកម្ពុជាឱ្យល្អប្រសើរដូចប្រទេសរីកចម្រើនផ្សេងទៀតផងដែរ ។

    នៅចុងបញ្ចប់នៃកម្មវិធីសិក្ខាសាលាតាមបណ្ដាខេត្តនៅខេត្តកំពង់ឆ្នាំង ឯកឧត្តម ស្រ៊ន សំឬទ្ធី បានផ្ដល់កិត្តិយសថ្លែងបិទកម្មវិធី និងបានអរគុណដល់គណៈកម្មការមូលបត្រកម្ពុជា និងក្រុមហ៊ុន ខេមបូឌាន ដេរីវ៉េទីវ អ៊ិចឆេង ដែលបាននាំយកសិក្ខាសាលាផ្ដល់ចំណេះដឹងទាក់ទងនឹងការវិនិយោគដល់ប្រជាជននៅក្នុងខេត្តមួយនេះ។ ឯកឧត្តម ក៏បានរំលឹកសិក្ខាកាមឱ្យវិនិយោគជាមួយតែក្រុមហ៊ុនជំនាញ និងអាជ្ញាបណ្ណត្រឹមត្រូវ ដើម្បីបង្ការហានិភ័យ។

    គួរបញ្ជាក់ផងដែរថា ចាប់តាំងពីឆ្នាំ២០១៨មក ក្រុមហ៊ុន ហ្គោលដេន អេហ្វអិកស៍ លីង ឃែភីថល បានចូលរួមសិក្ខាសាលាតាមបណ្ដាខេត្តនៅខេត្តព្រះសីហនុ ខេត្តកំពង់ចាម ខេត្តសៀមរាប ខេត្តបន្ទាយមានជ័យ ខេត្តបាត់ដំបង ខេត្តតាកែវ ខេត្តកំពត និងខេត្តកែបរួចមកហើយ ហើយក្រុមហ៊ុននឹងបន្តដំណើរនិងចែករំលែកចំណេះជំនាញវិនិយោគដល់សាធារណៈជននៅគ្រប់ខេត្តក្រុងទាំងអស់នៃព្រះរាជាណាចក្រកម្ពុជា។

    *ប្រសិនបើលោកអ្នកចង់ដឹងព័ត៌មានបន្ថែម ឬចុះឈ្មោះចូលរួមសិក្ខាសាលាតាមបណ្ដាខេត្តនេះ សូមទំនាក់ទំនងមកក្រុមហ៊ុនយើងខ្ញុំតាមរយៈគេហទំព័រ www.goldenfxlink.com ឬទំព័រហ្វេសប៊ុក Golden FX Link Capital Co., Ltd. ឬទូរស័ព្ទមកលេខ 023 22 6666។