អាជ្ញាធរភ្នំពេញ ត្រៀមទីតាំង៩០០កន្លែងសម្រាប់ធ្វើពិធី«អកអំបុក» នៅថ្ងៃទី៩ វិច្ឆិកា

ជាតិ

អាជ្ញាធរភ្នំពេញ ត្រៀមទីតាំង៩០០កន្លែងសម្រាប់ធ្វើពិធី«អកអំបុក» នៅថ្ងៃទី៩ វិច្ឆិកា

19, Oct 2019 , 7:59 am

រូបភាព

លោក មាន ចាន់យ៉ាដា អភិបាលរងរាជធានីភ្នំពេញ។ រូបថត៖ ក្រសួងព័ត៌មាន។

ដោយ: អ៊ូ សុខមាន (OU Sokmean)

ភ្នំពេញ៖ អាជ្ញាធររាជធានីភ្នំពេញ បានត្រៀមទីតាំងសម្រាប់រៀបចំពិធីទទួលទានអំបុក ឬអកអំបុកជាង៩០០កន្លែង នៅថ្ងៃទី៩វិច្ឆិកា ឆ្នាំ២០១៩។

បើតាមក្រសួងព័ត៌មាន ដែលស្រង់សម្តីលោក មាន ចាន់យ៉ាដា អភិបាលរងរាជធានីភ្នំពេញ បានបញ្ជាក់កាលពីថ្ងៃទី១៧ តុលាថា ការរៀបចំទីតាំងទាំង៩០០កន្លែងនេះ ដើម្បីទទួលទានអំបុក ដែលបង្ហាញការការពារជាតិ សាសនា និងព្រះមហាក្សត្រ។ លោក មាន ចាន់យ៉ាដា ក៏បានស្នើឱ្យប្រជាពលរដ្ឋចូលរួមទទួលអំបុកនៅថ្ងៃនោះ ទាំងអស់គ្នាផងដែរ។

អត្ថបទទាក់ទង

៩ វិច្ឆិកា ត្រូវបានប្រកាសជាថ្ងៃត្រូវទទួលទាន «អំបុក» ទូទាំងប្រទេស

សូមរម្លឹកថា ការរៀបចំពិធីទទួលអំបុកទូទាំងប្រទេសនៅថ្ងៃទី៩វិច្ឆិកានោះ គឺការអនុវត្តតាមការប្រកាសដោយផ្ទាល់របស់សម្តេច ហ៊ុន សែន នៅក្នុងពិធីចែកសញ្ញាបត្ររបស់និស្សិតនៃសាកលវិទ្យាល័យប៊ែលធី នៅមជ្ឈមណ្ឌលកោះពេជ្រ កាលពីថ្ងៃទី២ ខែតុលា ៕