ជាតិ
បទសម្ភាសន៍
ក្លឹបប្រតិបត្តិករទេសចរណ៍ខេត្តសៀមរាប រៀបចំដំណើរជាក្បួនរថយន្តទៅថៃ ដើម្បីផ្សព្វផ្សាយវិស័យទេសចរណ៍
× សៀមរាប៖ នៅចុងខែតុលានេះ ក្រុមប្រតិបត្តិករទេសចរណ៍ខេត្តសៀមរាប នឹងរៀបចំដំណើរទេសចរណ៍តាមក្បួនរថយន្តមួយទៅកាន់បណ្ដាខេត្តនៅជាប់ព្រំដែនប្រទេសកម្ពុជា ពិសេសជាប់ខេត្តសៀមរាប ក្នុងបំណងដើម្បីផ្សព្វផ្សាយពីគោលដៅទេសចរណ៍ពីគ្នាទៅវិញទៅមក ក៏ដូចជាបង្ហាញពីភាពងាយស្រួលនៃដំណើរឆ្លងកាត់ព្រំដែនដោយរថយន្តផ្ទាល់ខ្លួន។ ប្រធានក្លឹបប្រតិបត្តិករទេសចរណ៍ខេត្តសៀមរាប លោក កៅ ហ្វីលីព រំពឹងថា ព្រឹត្តិការណ៍នេះនឹងទាក់ទាញអ្នកចូលរួមច្រើន ពិសេសគឺបានផ្សព្វផ្សាយពីគោលដៅទេសចរណ៍ពីគ្នាទៅវិញទៅមក។
ព័ត៌មានលម្អិត សូមស្ដាប់បទសម្ភាសរវាងអ្នកសារព័ត៌មានថ្មីៗជាមួយលោក កៅ ហ្វីលីព ប្រធានប្រតិបត្តិករទេសចរណ៍ខេត្តសៀមរាបដូចតទៅ
តាមគម្រោងនៃដំណើរទេសចរណ៍តាមក្បួនរថយន្តរយៈពេល៣យប់៤ថ្ងៃនេះ គឺនឹងមានការសម្របសម្រួលពីអាជ្ញាធរថៃ ដោយផ្តើមឆ្លងកាត់ពីច្រកអន្ដរជាតិប៉ោយប៉ែត ទៅខេត្តប្រាឈិនបុរី បន្តទៅខេត្តខៅយ៉ៃ ខេត្តនគររាជសីមា និងខេត្តបុរីរាម បន្ទាប់មកត្រឡប់ចូលកម្ពុជាវិញតាមច្រកអូរស្មាច់ ខេត្តឧត្ដរមានជ័យ។ លោក ហ្វីលីព រំពឹងថានឹងមានអ្នកចូលរួមប្រមាណ១៥០នាក់ តាមក្បួនរថយន្តពី៣០ទៅ៥០រថយន្ត។
នាពេលកន្លងមក មានប្រជាជនកម្ពុជាមួយចំនួនបានឆ្លងកាត់ទៅស្វែងរកសេវាព្យាបាលឬការកម្សាន្តនៅបណ្ដាខេត្តថៃជាប់ព្រំប្រទល់កម្ពុជា រួមមានខេត្តអូរប៊ុន ខេត្តបុរីរាម និងខេត្តសុរិន្ទជាដើម តែប្រជាជនថៃតិចណាស់ដែលបានដឹងពីភាពងាយស្រួលក្នុងការបើករថយន្តផ្ទាល់ខ្លួនចូលមកកម្ពុជាឬខេត្តសៀមរាប។ ដូច្នេះតាមរយៈព្រឹត្តិការណ៍ខាងលើនេះ ក្រុមប្រតិបត្តិកររំពឹងថា នឹងអាចផ្សព្វផ្សាយពីភាពងាយស្រួលទាំងនេះ ដើម្បីទាក់ទាញទេសចរថៃមកកម្សាន្តជាលក្ខណៈគ្រួសារនៅចុងសប្ដាហ៍ឬពេលមានបុណ្យទានម្ដងៗ៕
Tag:
ប្រតិបត្តិករទេសចរណ៍
សៀមរាប
កៅ ហ្វីលីព
ទេសចរណ៍
© រក្សាសិទ្ធិដោយ thmeythmey.com