ជាតិ
តំបន់ផ្សេងៗបន្តមានភ្លៀងធ្លាក់ ឯជួរភ្នំដងរែកកម្រិតទឹកភ្លៀងនឹងថយចុះ រូបពីក្រសួងធនធានទឹក
× ភ្នំពេញ៖ ជ្រលងសម្ពាធខ្ពស់ពីប្រទេសចិន កំពុងរំកិលអូសបន្លាយមកលើភាគខាងជើង និងភាគឦសានកម្ពុជា ខណៈនៅភាគខាងក្រោមទទួលរងនូវខ្យល់នាំមកនូវសំណើមបក់ពីសមុទ្រចិនខាងត្បូង។ នេះបើតាមការព្យាករអាកាសធាតុប្រចាំសប្ដាហ៍របស់ក្រសួងធនធានទឹកនិងឧតុនិយម ដែលរាប់ចាប់ពីថ្ងៃទី១៨ ដល់ថ្ងៃទី២៤ខែតុលា។
បាតុភូតខាងលើនេះនឹងបង្កឲ្យកម្រិតទឹកភ្លៀងថយចុះ នៅខេត្តឧត្តរមានជ័យ បន្ទាយមានជ័យ ព្រះវិហារ ស្ទឹងត្រែង ក្រចេះ និងខេត្តមណ្ឌលគិរី។
រីឯខេត្តបាត់ដំបង ប៉ៃលិន សៀមរាម កំពង់ធំ ពោធិ៍សាត់ និងខេត្តកំពង់ឆ្នាំង អាចនឹងមានភ្លៀងធ្លាក់ពីតិចទៅមធ្យម។ តែចាប់ពីថ្ងៃទី២០ ដល់ថ្ងៃទី២៤ខែតុលា កម្រិតទឹកភ្លៀងនឹងចុះមកតិច។
រីឯខេត្តកំពង់ចាម ត្បូងឃ្មុំ កំពង់ស្ពឺ កណ្ដាល ព្រៃវែង ស្វាយរៀង តាកែវ កំពត ព្រះសីហនុ កែប កោះកុង និងរាជធានីភ្នំពេញ អាចនឹងមានភ្លៀងធ្លាក់ពីតិចទៅបង្គួរ ហើយផ្នែកខ្លះអាចមានភ្លៀងធ្លាក់ច្រើន។
ជាមួយគ្នានេះ ក្រសួងបានអំពាវឲ្យសាធារណជនប្រុងប្រយ័ត្នចំពោះបាតុភូតផ្គរ រន្ទះ និងខ្យល់កន្ត្រាក់៕
© រក្សាសិទ្ធិដោយ thmeythmey.com