ជាតិ
៩ខែ ពេទ្យគន្ធបុប្ផាទាំង៥ទីតាំងចំណាយជាង ៣៣លានដុល្លា ជួយកុមារកម្ពុជា
× ភ្នំពេញ៖ ក្នុងរយៈពេល៩ខែឆ្នាំ២០១៩ មន្ទីរពេទ្យគន្ធបុប្ផាទាំង៥ទីតាំង ចំណាយថវិកា ៣៣លាននិង៥សែនដុល្លារ។ នេះបើតាមការលើកឡើងរបស់អ្នកស្រី ងួន សុខា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជានាយកប្រតិបត្តិមូលនិធិគន្ធបុប្ផាកម្ពុជា ក្នុងពិធីប្រគល់ថវិការបស់គណៈកម្មការទ្រទ្រង់មូលនិធិគន្ធបុប្ឋាខេត្តកំពង់ឆ្នាំង នៅថ្ងៃទី១៩ខែតុលានេះ។
សេចក្តីប្រកាសរបស់មូលនិធិគន្ធបុប្ផាកម្ពុជា បានស្រង់សម្តីលោកស្រី ងួន សុខា ថា មន្ទីរពេទ្យគន្ធបុប្ផាចំណាយសរុប ៣៣,៥ លានដុល្លាក្នុងរយៈពេល៩ខែឆ្នាំនេះ ដោយក្នុងនោះមូលនិធិគន្ធបុប្ផាកម្ពុជាបានផ្ដល់ជូន ៩លានដុល្លារ។ មូលនិធិគន្ធបុប្ផាកម្ពុជា ត្រូវបានរដ្ឋាភិបាលបង្កើតឡើងកាលពីឆ្នាំ២០១៨ ដើម្បីប្រមូលថវិកាសប្បុរសធម៌ជួយទ្រទ្រង់ដំណើរការមន្ទីរពេទ្យគន្ធបុប្ផា។
លោកស្រី ងួន សុខា ក៏បានលើកឡើងពីគោលបំណងរបស់មូលនិធិគន្ធបុប្ផាកម្ពុជា ដែលមិនត្រឹមតែស្វែងរកប្រភពមូលនិធិសម្រាប់ទ្រទ្រង់ដល់និរន្តរភាពរបស់មន្ទីរពេទ្យគន្ធបុប្ផាប៉ុណ្ណោះទេ តែដើម្បីបណ្តុះ សាបព្រោះ និងលើកកម្ពស់ស្មារតីជួយគ្នាទោវិញទៅមក ក្រោមពាក្យស្លោក«ខ្មែរ ជួយ ខ្មែរ»៕
© រក្សាសិទ្ធិដោយ thmeythmey.com