អន្តរជាតិ
ប្រមុខការពារជាតិចិន ព្រមានថា គ្មានកម្លាំងណាអាចរារាំងការបង្រួបបង្រួមរបស់ចិនឡើយ
រដ្ឋមន្ត្រីការពារជាតិចិន Wei Fenghe ថ្លែងសុន្ទរកថានៅវេទិកាសន្តិសុខ «សៀងសាន ប៉េកាំង លើកទី ៩» នៅចន្ទ ២១ តុលា ២០១៩ ប្រភពរូប៖ Reuters
×![]()
រដ្ឋមន្ត្រីការពារជាតិចិន លោក វៃ ហ្វឹងហឺ (Wei Fenghe) លើកឡើងថា ការដោះស្រាយបញ្ហាតៃវ៉ាន់ គឺជា ផលប្រយោជន៍ជាតិដ៏ធំធេងរបស់ប្រទេសលោក ហើយព្រមានទៀតថា គ្មានកម្លាំងណាមួយអាចរារាំងការបង្រួបបង្រួមរបស់ចិនបានឡើយ។ 
ថ្លែងបើកវេទិកា «សៀងសាន ប៉េកាំង លើកទី ៩» នៅថ្ងៃទី២១ ខែតុលា លោក វៃ ហ្វឹងហឺ និយាយថា សកម្មភាពបំបែកខ្លួនគ្រប់រូបភាព នឹងត្រូវបរាជ័យ។ លោក បន្តថា៖ «ចិន គឺជាប្រទេសធំតែមួយលើពិភពលោក ដែលពុំទាន់បង្រួបបង្រួមទាំងស្រុង»។
ដោយពន្លះចំៗទៅតៃវ៉ាន់ ប្រមុខការពារជាតិវ័យ៦៥ឆ្នាំរូបនេះ សង្កត់ធ្ងន់ ការដោះស្រាយបញ្ហាតៃវ៉ាន់ដើម្បីធ្វើឲ្យការបង្រួបបង្រួមពេញលេញរបស់ចិនក្លាយជាពិត គឺជានិន្នាការដែលមិនអាចប្រកែកបាន, ផលប្រយោជន៍ជាតិដ៏ធំធេងរបស់ចិន ,មាគ៌ាដ៏ត្រឹមត្រូវក្នុងការដើរតាម និងជាការចង់បានរបស់ប្រជាជនចិនទាំងអស់។
តាមការចុះផ្សាយរបស់ទីភ្នាក់ងារព័ត៌មាន Reuters លោក វៃ ព្រមានទៀតថា គ្មាននរណាម្នាក់ និងកម្លាំងណាមួយ អាចបញ្ឈប់ការបង្រួបបង្រួមទឹកដីទាំងស្រុងរបស់ចិនបានឡើយ។ ម្យ៉ាងទៀត លោក លើកឡើងថា ប្រទេសចិនតាំងចិត្តយ៉ាងមុតមាំក្នុងការលើកកម្ពស់ការអភិវឌ្ឍប្រកបដោយសន្តិភាពក្នុងទំនាក់ទំនងជាមួយតៃវ៉ាន់ ព្រមទាំងការបង្រួមបង្រួមប្រទេសចិនទាំងមូលប្រកបដោយសន្តិភាពផងដែរ។ ទោះជាបែបនេះក្តី បើតាមលោក វៃ ចិននឹងមិនអនុញ្ញាតជាដាច់ខាចឲ្យតៃវ៉ាន់ប្រកាសឯករាជ្យ ហើយក៏មិនបើកផ្លូវឲ្យមានការជ្រៀតជ្រែកពីកម្លាំងបរទេសណាមួយផងដែរ។
សូមបញ្ជាក់ថា ភាពតានតឹងរវាងចិននិងតៃវ៉ាន់ កើនឡើងកម្តៅកាន់តែខ្លាំង នៅមុនពេលបោះឆ្នោតជ្រើសរើសប្រធានាធិបតីតៃវ៉ាន់ នាដើមឆ្នាំ២០២០ខាងមុខ។ កោះតៃវ៉ាន់បានស្តីបន្ទោសចិនចំពោះការគ្រប់គ្រងផ្តាច់ការ និងសម្រាប់ការគំរាមកំហែងដល់សន្តិភាពក្នុងតំបន់ ខណៈរដ្ឋាភិបាលក្រុងប៉េកាំងឯណោះវិញ បានដាក់សម្ពាធលើកោះតៃវ៉ាន់ ដោយប្រឡេះយកសម្ព័ន្ធមិត្តការទូតដែលនៅសេសសល់របស់ក្រុងតៃប៉ិម្តងមួយៗ។
ក្នុងសារមួយដែលលោកប្រធានាធិបតី ស៊ី ជិនភីង បានបញ្ជាក់ជាថ្មីនៅដើមឆ្នាំនេះ ចិនចាត់ទុកកោះតៃវ៉ាន់ជាទឹកដីដ៏សំខាន់របស់ខ្លួន ដែលនឹងវាយយកដាក់ក្រោមការគ្រប់គ្រងរបស់ទីក្រុងប៉េកាំងដោយបង្ខំ ប្រសិនបើចាំបាច់៕
ថ្លែងបើកវេទិកា «សៀងសាន ប៉េកាំង លើកទី ៩» នៅថ្ងៃទី២១ ខែតុលា លោក វៃ ហ្វឹងហឺ និយាយថា សកម្មភាពបំបែកខ្លួនគ្រប់រូបភាព នឹងត្រូវបរាជ័យ។ លោក បន្តថា៖ «ចិន គឺជាប្រទេសធំតែមួយលើពិភពលោក ដែលពុំទាន់បង្រួបបង្រួមទាំងស្រុង»។
ដោយពន្លះចំៗទៅតៃវ៉ាន់ ប្រមុខការពារជាតិវ័យ៦៥ឆ្នាំរូបនេះ សង្កត់ធ្ងន់ ការដោះស្រាយបញ្ហាតៃវ៉ាន់ដើម្បីធ្វើឲ្យការបង្រួបបង្រួមពេញលេញរបស់ចិនក្លាយជាពិត គឺជានិន្នាការដែលមិនអាចប្រកែកបាន, ផលប្រយោជន៍ជាតិដ៏ធំធេងរបស់ចិន ,មាគ៌ាដ៏ត្រឹមត្រូវក្នុងការដើរតាម និងជាការចង់បានរបស់ប្រជាជនចិនទាំងអស់។
តាមការចុះផ្សាយរបស់ទីភ្នាក់ងារព័ត៌មាន Reuters លោក វៃ ព្រមានទៀតថា គ្មាននរណាម្នាក់ និងកម្លាំងណាមួយ អាចបញ្ឈប់ការបង្រួបបង្រួមទឹកដីទាំងស្រុងរបស់ចិនបានឡើយ។ ម្យ៉ាងទៀត លោក លើកឡើងថា ប្រទេសចិនតាំងចិត្តយ៉ាងមុតមាំក្នុងការលើកកម្ពស់ការអភិវឌ្ឍប្រកបដោយសន្តិភាពក្នុងទំនាក់ទំនងជាមួយតៃវ៉ាន់ ព្រមទាំងការបង្រួមបង្រួមប្រទេសចិនទាំងមូលប្រកបដោយសន្តិភាពផងដែរ។ ទោះជាបែបនេះក្តី បើតាមលោក វៃ ចិននឹងមិនអនុញ្ញាតជាដាច់ខាចឲ្យតៃវ៉ាន់ប្រកាសឯករាជ្យ ហើយក៏មិនបើកផ្លូវឲ្យមានការជ្រៀតជ្រែកពីកម្លាំងបរទេសណាមួយផងដែរ។
សូមបញ្ជាក់ថា ភាពតានតឹងរវាងចិននិងតៃវ៉ាន់ កើនឡើងកម្តៅកាន់តែខ្លាំង នៅមុនពេលបោះឆ្នោតជ្រើសរើសប្រធានាធិបតីតៃវ៉ាន់ នាដើមឆ្នាំ២០២០ខាងមុខ។ កោះតៃវ៉ាន់បានស្តីបន្ទោសចិនចំពោះការគ្រប់គ្រងផ្តាច់ការ និងសម្រាប់ការគំរាមកំហែងដល់សន្តិភាពក្នុងតំបន់ ខណៈរដ្ឋាភិបាលក្រុងប៉េកាំងឯណោះវិញ បានដាក់សម្ពាធលើកោះតៃវ៉ាន់ ដោយប្រឡេះយកសម្ព័ន្ធមិត្តការទូតដែលនៅសេសសល់របស់ក្រុងតៃប៉ិម្តងមួយៗ។
ក្នុងសារមួយដែលលោកប្រធានាធិបតី ស៊ី ជិនភីង បានបញ្ជាក់ជាថ្មីនៅដើមឆ្នាំនេះ ចិនចាត់ទុកកោះតៃវ៉ាន់ជាទឹកដីដ៏សំខាន់របស់ខ្លួន ដែលនឹងវាយយកដាក់ក្រោមការគ្រប់គ្រងរបស់ទីក្រុងប៉េកាំងដោយបង្ខំ ប្រសិនបើចាំបាច់៕
Tag:
ចិន
តៃវ៉ាន់
Wei Fenghe
© រក្សាសិទ្ធិដោយ thmeythmey.com
