កីឡាជាតិ
ជាតិ
លោក ស សុខា៖ Soccer League ជាថ្នាលបណ្តុះធនធានកីឡាករឲ្យឈានទៅរកកម្រិតអាជីព
×![]()
ជាពានពាក់កណ្តាលអាជីពក៏ពិតមែន តែ Soccer League ទទួលបានការចាប់អារម្មណ៍ច្រើនពីក្រុមបាល់ទាត់នានា។ ជាក់ស្តែងនៅឆ្នាំនេះ ពានរង្វាន់បង្កើតឡើងដោយសហភាពសហព័ន្ធយុវជនកម្ពុជាមួយនេះ បានទាក់ទាញក្រុមចំនួន៧២ឲ្យចូលរួម ដែលមានការកើនឡើងគួរឲ្យកត់សម្គាល់។ ក្រៅពីរួមចំណែកជួយអភិវឌ្ឍវិស័យបាល់ទាត់កម្ពុជា Soccer League បានផ្តល់ឱកាសឲ្យយុវជនបានជួបជុំគ្នា និងបង្ហាញសមត្ថភាព ដើម្បីសម្រេចគោលបំណងរបស់ពួកគេ ដែលចង់ក្លាយជាកីឡាករអាជីព។
លោក ស សុខា អនុប្រធានសហភាពសហព័ន្ធយុវជនកម្ពុជា បាននិយាយថា ព្រឹត្តិការណ៍ Soccer League ដែលជាពានរង្វាន់បាល់ទាត់ពាក់កណ្តាលអាជីពដ៏ធំមួយនៅកម្ពុជា បានរួមចំណែកជួយអភិវឌ្ឍន៍កីឡាបាល់ទាត់កម្ពុជា។ លោក កត់សម្គាល់ឃើញថា កីឡាករមួយចំនួន ដែលចូលរួមលេងក្នុងពានរង្វាន់នេះ កំពុងប្រកបអាជីពជាមួយក្លិបក្នុងក្របខណ្ឌលីគកំពូល។
លោក ស សុខា អស់សំណើចពេលចាប់ឆ្នោតប៉ះក្រុមស.ស.យ.ក ខេត្តព្រៃវែង
«អ្វីដែលយើងបានរកឃើញក្នុងចំណោមកីឡាករ Soccer League ដែលយើងបានបង្កើតមានមួយចំនួនបច្ចុប្បន្នកំពុងលេងលីគជាមួយក្លិបអាជីព។ កត្តានេះបង្ហាញឲ្យឃើញថា កីឡាករដែលចូលរួមលេងនៅឆ្នាំនេះ អាចនឹងទទួលបានការចាប់អារម្មណ៍ពីក្លិបនានា ដើម្បីយកទៅហ្វឹកហាត់ពង្រឹងសមត្ថភាពបន្ថែមឲ្យឈានទៅរកកម្រិតអាជីព»។ លោក ស សុខា លើកឡើងបែបនេះក្នុងសន្និសីទសារព័ត៌មាន និងពិធីចាប់ឆ្នោតពានរង្វាន់ Soccer League 2019 កាលពីថ្ងៃទី២០ តុលា នាសណ្ឋាគារសុខាភ្នំពេញ។
ប្រធានគណៈកម្មការរៀបចំពានរង្វាន់ Soccer League រូបនេះបានសង្កត់ធ្ងន់ថា ពានរង្វាន់នេះមិនមែនបង្កើតឡើងដើម្បីស្វែងរកប្រាក់ចំណេញ ឬផ្តល់ផលប្រយោជន៍ឲ្យបុគ្គលណាឡើយ ពោលគឺដើម្បីយុវជនកម្ពុជាទាំងអស់គ្នា។ តាមរយៈព្រឹត្តិការណ៍នេះលោករំពឹងថា នឹងក្លាយជាចលករក្នុងការទាក់ទាញយុវជនឲ្យចូលរួមលេងកីឡាបាល់ទាត់កាន់តែច្រើន។
លោក ហ៊ុន ម៉ានី ពេលចូលរួមចាប់ឆ្នោតការប្រកួតពានរង្វាន់ Soccer League ប្រចាំឆ្នាំ២០១៩
លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានមានប្រសាសន៍ថា ពានរង្វាន់ Soccer League ត្រូវបានបង្កើតឡើងនៅឆ្នាំ២០១២ ដើម្បីរួមចំណែកអភិវឌ្ឍន៍វិស័យកីឡាបាល់ទាត់កម្ពុជា ក៏ដូចជាផ្តល់ឱកាសឲ្យយុវជន ដែលមិនមែនជាកីឡាករអាជីពបានបង្ហាញសមត្ថភាព និងទេពកោសល្យជាដើម។
ក្នុងឱកាសធ្វើជាធិបតីក្នុងពិធីចាប់ឆ្នោតប្រកួត លោក ហ៊ុន ម៉ានី បានមានប្រសាសន៍ថា៖«គោលបំណងនៃការប្រកួត គឺដើម្បីផ្តល់ឱកាសដល់យុវជនក្នុងការជួបជុំគ្នា រឹតចំណងមិត្តភាព សាមគ្គីភាព និងបង្កើនកិច្ចសហប្រតិបត្តិការ តាមរយៈការប្រកួតបាល់ទាត់។ ពិសេសដើម្បីជំរុញទឹកចិត្តយុវជនដែលមិនមែនជាកីឡាករអាជីពឲ្យលេងកីឡា ដើម្បីសុខភាពទាំងផ្លូវកាយ និងផ្លូវចិត្ត ក៏ដូចជាផ្តល់ឱកាសដល់យុវជនបានបង្ហាញសមត្ថភាព និងទេពកោសល្យជាដើម»។
លោក ហ៊ុន ម៉ានី លើកបង្ហាញក្រដាសឈ្មោះក្រុមក្នុងពិធីចាប់ឆ្នោតការប្រកួត Soccer League
លោកបានបន្ថែមថា៖«កីឡាក៏នឹងរួមចំណែកអប់រំស្មារតីយុវជនឲ្យប្រើប្រាស់ពេលវេលាទំនេរពីការសិក្សា និងការងាររបស់ខ្លួនមកលេងកីឡា ជាជាងប្រព្រឹត្តអំពើអបាយមុខផ្សេងៗដូចជាការសេពគ្រឿងញៀន ការប្រើអំពើហិង្សាក្នុងគ្រួសារ និងសង្គម ការលេងល្បែងពាលាអាវ៉ាសែជាដើម»។
ទន្ទឺមនឹងនេះ ប្រធានសហភាពសហព័ន្ធយុវជនកម្ពុជារូបនេះ ជំរុញឲ្យកីឡាករទាំងអស់ប្រឹងប្រែងប្រកួតឲ្យអស់ពីសមត្ថភាព និងគោរពលក្ខខណ្ឌ និងបទបញ្ជាការប្រកួតឲ្យបានត្រឹមត្រូវក្រោមស្មារតីលេងដោយយុត្តិធម៌ និង Fair Play។ ទោះបីពានរង្វាន់នេះបានប្រព្រឹត្តទៅ៤លើករួចមកហើយក្តី តែលោក ហ៊ុន ម៉ានី ជឿជាក់ថា កំហុសឆ្គងអាចនឹងបន្តកើតមានចំពោះការរៀបចំពានរង្វាន់មួយនេះ។
ការប្រកួតបាល់ទាត់ដណ្តើមពានរង្វាន់ Soccer League ប្រចាំឆ្នាំ២០១៩ មានក្រុមចូលរួមប្រកួតប្រជែងចំនួន៧២ក្រុម ដោយបែងចែកជា១៦ពូល(A-P)។ ការប្រកួតនឹងប្រព្រឹត្តទៅចាប់ថ្ងៃទី២ ខែវិច្ឆិកា ដល់ថ្ងៃទី៧ ខែធ្នូ ឆ្នាំ២០១៩។ កាលពីឆ្នាំ២០១៦ មានក្រុមចូលរួមចំនួន៦០ក្រុម ២០១៥មាន៤៧ក្រុម ២០១៣មាន៤០ក្រុម និង២០១២ មាន២០ក្រុម៕
លោក ស សុខា អនុប្រធានសហភាពសហព័ន្ធយុវជនកម្ពុជា បាននិយាយថា ព្រឹត្តិការណ៍ Soccer League ដែលជាពានរង្វាន់បាល់ទាត់ពាក់កណ្តាលអាជីពដ៏ធំមួយនៅកម្ពុជា បានរួមចំណែកជួយអភិវឌ្ឍន៍កីឡាបាល់ទាត់កម្ពុជា។ លោក កត់សម្គាល់ឃើញថា កីឡាករមួយចំនួន ដែលចូលរួមលេងក្នុងពានរង្វាន់នេះ កំពុងប្រកបអាជីពជាមួយក្លិបក្នុងក្របខណ្ឌលីគកំពូល។
លោក ស សុខា អស់សំណើចពេលចាប់ឆ្នោតប៉ះក្រុមស.ស.យ.ក ខេត្តព្រៃវែង
«អ្វីដែលយើងបានរកឃើញក្នុងចំណោមកីឡាករ Soccer League ដែលយើងបានបង្កើតមានមួយចំនួនបច្ចុប្បន្នកំពុងលេងលីគជាមួយក្លិបអាជីព។ កត្តានេះបង្ហាញឲ្យឃើញថា កីឡាករដែលចូលរួមលេងនៅឆ្នាំនេះ អាចនឹងទទួលបានការចាប់អារម្មណ៍ពីក្លិបនានា ដើម្បីយកទៅហ្វឹកហាត់ពង្រឹងសមត្ថភាពបន្ថែមឲ្យឈានទៅរកកម្រិតអាជីព»។ លោក ស សុខា លើកឡើងបែបនេះក្នុងសន្និសីទសារព័ត៌មាន និងពិធីចាប់ឆ្នោតពានរង្វាន់ Soccer League 2019 កាលពីថ្ងៃទី២០ តុលា នាសណ្ឋាគារសុខាភ្នំពេញ។
ប្រធានគណៈកម្មការរៀបចំពានរង្វាន់ Soccer League រូបនេះបានសង្កត់ធ្ងន់ថា ពានរង្វាន់នេះមិនមែនបង្កើតឡើងដើម្បីស្វែងរកប្រាក់ចំណេញ ឬផ្តល់ផលប្រយោជន៍ឲ្យបុគ្គលណាឡើយ ពោលគឺដើម្បីយុវជនកម្ពុជាទាំងអស់គ្នា។ តាមរយៈព្រឹត្តិការណ៍នេះលោករំពឹងថា នឹងក្លាយជាចលករក្នុងការទាក់ទាញយុវជនឲ្យចូលរួមលេងកីឡាបាល់ទាត់កាន់តែច្រើន។
លោក ហ៊ុន ម៉ានី ពេលចូលរួមចាប់ឆ្នោតការប្រកួតពានរង្វាន់ Soccer League ប្រចាំឆ្នាំ២០១៩
លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានមានប្រសាសន៍ថា ពានរង្វាន់ Soccer League ត្រូវបានបង្កើតឡើងនៅឆ្នាំ២០១២ ដើម្បីរួមចំណែកអភិវឌ្ឍន៍វិស័យកីឡាបាល់ទាត់កម្ពុជា ក៏ដូចជាផ្តល់ឱកាសឲ្យយុវជន ដែលមិនមែនជាកីឡាករអាជីពបានបង្ហាញសមត្ថភាព និងទេពកោសល្យជាដើម។
ក្នុងឱកាសធ្វើជាធិបតីក្នុងពិធីចាប់ឆ្នោតប្រកួត លោក ហ៊ុន ម៉ានី បានមានប្រសាសន៍ថា៖«គោលបំណងនៃការប្រកួត គឺដើម្បីផ្តល់ឱកាសដល់យុវជនក្នុងការជួបជុំគ្នា រឹតចំណងមិត្តភាព សាមគ្គីភាព និងបង្កើនកិច្ចសហប្រតិបត្តិការ តាមរយៈការប្រកួតបាល់ទាត់។ ពិសេសដើម្បីជំរុញទឹកចិត្តយុវជនដែលមិនមែនជាកីឡាករអាជីពឲ្យលេងកីឡា ដើម្បីសុខភាពទាំងផ្លូវកាយ និងផ្លូវចិត្ត ក៏ដូចជាផ្តល់ឱកាសដល់យុវជនបានបង្ហាញសមត្ថភាព និងទេពកោសល្យជាដើម»។
លោក ហ៊ុន ម៉ានី លើកបង្ហាញក្រដាសឈ្មោះក្រុមក្នុងពិធីចាប់ឆ្នោតការប្រកួត Soccer League
លោកបានបន្ថែមថា៖«កីឡាក៏នឹងរួមចំណែកអប់រំស្មារតីយុវជនឲ្យប្រើប្រាស់ពេលវេលាទំនេរពីការសិក្សា និងការងាររបស់ខ្លួនមកលេងកីឡា ជាជាងប្រព្រឹត្តអំពើអបាយមុខផ្សេងៗដូចជាការសេពគ្រឿងញៀន ការប្រើអំពើហិង្សាក្នុងគ្រួសារ និងសង្គម ការលេងល្បែងពាលាអាវ៉ាសែជាដើម»។
ទន្ទឺមនឹងនេះ ប្រធានសហភាពសហព័ន្ធយុវជនកម្ពុជារូបនេះ ជំរុញឲ្យកីឡាករទាំងអស់ប្រឹងប្រែងប្រកួតឲ្យអស់ពីសមត្ថភាព និងគោរពលក្ខខណ្ឌ និងបទបញ្ជាការប្រកួតឲ្យបានត្រឹមត្រូវក្រោមស្មារតីលេងដោយយុត្តិធម៌ និង Fair Play។ ទោះបីពានរង្វាន់នេះបានប្រព្រឹត្តទៅ៤លើករួចមកហើយក្តី តែលោក ហ៊ុន ម៉ានី ជឿជាក់ថា កំហុសឆ្គងអាចនឹងបន្តកើតមានចំពោះការរៀបចំពានរង្វាន់មួយនេះ។
ការប្រកួតបាល់ទាត់ដណ្តើមពានរង្វាន់ Soccer League ប្រចាំឆ្នាំ២០១៩ មានក្រុមចូលរួមប្រកួតប្រជែងចំនួន៧២ក្រុម ដោយបែងចែកជា១៦ពូល(A-P)។ ការប្រកួតនឹងប្រព្រឹត្តទៅចាប់ថ្ងៃទី២ ខែវិច្ឆិកា ដល់ថ្ងៃទី៧ ខែធ្នូ ឆ្នាំ២០១៩។ កាលពីឆ្នាំ២០១៦ មានក្រុមចូលរួមចំនួន៦០ក្រុម ២០១៥មាន៤៧ក្រុម ២០១៣មាន៤០ក្រុម និង២០១២ មាន២០ក្រុម៕
Tag:
Soccer League 2019
ស សុខា
ហ៊ុន ម៉ានី
© រក្សាសិទ្ធិដោយ thmeythmey.com
