អន្តរជាតិ
ប្រមុខការទូតចិន៖ ហិង្សានៅហុងកុង ជារឿងអំពើមិនអាចទទួលយកបាន និងមានបរទេសពីក្រោយ
×![]()
ដោយ៖ ងួន សុភាវត្តី
លោក វ៉ាង យី (Wang Yi) រដ្ឋមន្ត្រីក្រសួងការបរទេសចិនបានប្រកាសនៅថ្ងៃទី២១ ខែតុលា ថា អំពើហិង្សាដែលបង្កឡើងដោយក្រុមអ្នកបាតុករនៅហុងកុងគឺមិនអាចទទួលយកបាន។ លោកក៏បានចោទប្រកាន់ទៀតដែរថា សកម្មភាពទាំងនេះត្រូវបានគាំទ្រដោយបរទេស។
«អ្វីដែលកើតឡើងនៅហុងកុងពេលនេះ គឺមិនមែនជាការបាតុកម្មដោយសន្តិភាពទេ»។ នេះជាសំដីរបស់ប្រមុខការទូតចិន លោក Wang Yi ក្នុងកិច្ចសម្ភាសជាមួយទីភ្នាក់ងារព័ត៌មាន AFP នៅទីក្រុងបារីស។ លោកបានបន្ថែមថា នេះគឺជាអំពើដែលមិនអាចទទួលយកបាននៅទូទាំងពិភពលោក។ អំពើហិង្សាដែលលោករដ្ឋមន្ត្រីរូបនេះបានលើកឡើង គឺចង់សំដៅលើសកម្មភាពរបស់ពួកបាតុករដែលបានវាយប្រហារលើប៉ូលីស ការវាយប្រហារលើមនុស្សធម្មតានិងរារាំងដល់ចរាចរតាមផ្លូវនាពេលថ្មីៗនេះ។
បន្ថែមពីនេះទៀត លោក វ៉ាង ក៏អះអាងថា បាតុកម្មនៅហុងកុង មានគាំទ្រពីបរទេសទៀតផង។ លោក ប្រាប់ទីភ្នាក់ងារព័ត៌មានបារាំងថា មានកម្លាំងពីបរទេសដែលបានគាំទ្រសកម្មភាពអំពើហិង្សាតាមផ្លូវនៅហុងកុងនេះ ក្នុងគោលបំណងលុបចោលនូវគោលនយោបាយ ប្រទេសមួយប្រព័ន្ធពីរ ដែលចិននិងហុងកុងបានអនុវត្តយូរណាស់មកហើយ។
រដ្ឋមន្ត្រីការបរទេសចិនរូបនេះបញ្ជាក់ថា គោលបំណងនិងសកម្មភាពទាំងនេះនឹងមិនអាចទទួលជោគជ័យឡើយ ហើយដោយមានការការគាំទ្រពីចិន ហុងកុង នឹងនៅតែប្រើប្រាស់គោលនយោបាយប្រទេសមួយប្រព័ន្ធពីរដដែល។ ខណៈអំពើហិង្សាផ្ទុះកាន់តែខ្លាំង លោក វ៉ាង ក៏បានជំរុញឲ្យបាតុករហុងកុងគោរពតាមច្បាប់ហុងកុងដែលមានស្រាប់ផងដែរ។
ក្រៅតែពីការលើឡើងខាងលើនេះ លោករដ្ឋមន្ត្រីក៏បាននិយាយរិះគន់ពីប្រព័ន្ធផ្សព្វផ្សាយបរទេសផងដែរ។ លោកលើកឡើងថា ប្រព័ន្ធផ្សព្វផ្សាយមួយចំនួនបានហៅអំពើហិង្សារបស់ពួកបាតុករ ថាជាការធ្វើបាតុកម្មដោយសន្តិវិធី និងបានផ្សាយថា សកម្មភាពរបស់ប៉ូលិសថាជាអំពើហិង្សាទៅវិញ។
នាពេលកន្លងទៅ បាតុករជាច្រើនម៉ឺននាក់បានធ្វើការបាតុកម្មដោយសន្តិភាពនៅពេលថ្ងៃ ហើយពេលល្ងាច ក៏បានបែកបាក់ទៅជាក្រុមតូចៗដោយមានការប្រើប្រាស់អំពើហិង្សាវិញ។ ក្រុមបាតុករបានគប់គ្រាប់បែកសាំង ដុំថ្មសំដៅទៅរកប៉ូលីស អាជីវកម្មដែលបើកដោយជនជាតិចិន និងវាយប្រហារនៅមាត់ផ្លូវចូលស្ថានីយរថភ្លើងមួយចំនួន។ ឯប៉ូលិសបានប្រើប្រាស់កាណុងបាញ់ទឹក ឧស្ម័នបង្ហូរទឹកភ្នែកនិងគ្រាប់កាំភ្លើងជ័រដើម្បីបំបែកក្រុមបាតុករទាំងនោះ៕
លោក វ៉ាង យី (Wang Yi) រដ្ឋមន្ត្រីក្រសួងការបរទេសចិនបានប្រកាសនៅថ្ងៃទី២១ ខែតុលា ថា អំពើហិង្សាដែលបង្កឡើងដោយក្រុមអ្នកបាតុករនៅហុងកុងគឺមិនអាចទទួលយកបាន។ លោកក៏បានចោទប្រកាន់ទៀតដែរថា សកម្មភាពទាំងនេះត្រូវបានគាំទ្រដោយបរទេស។
«អ្វីដែលកើតឡើងនៅហុងកុងពេលនេះ គឺមិនមែនជាការបាតុកម្មដោយសន្តិភាពទេ»។ នេះជាសំដីរបស់ប្រមុខការទូតចិន លោក Wang Yi ក្នុងកិច្ចសម្ភាសជាមួយទីភ្នាក់ងារព័ត៌មាន AFP នៅទីក្រុងបារីស។ លោកបានបន្ថែមថា នេះគឺជាអំពើដែលមិនអាចទទួលយកបាននៅទូទាំងពិភពលោក។ អំពើហិង្សាដែលលោករដ្ឋមន្ត្រីរូបនេះបានលើកឡើង គឺចង់សំដៅលើសកម្មភាពរបស់ពួកបាតុករដែលបានវាយប្រហារលើប៉ូលីស ការវាយប្រហារលើមនុស្សធម្មតានិងរារាំងដល់ចរាចរតាមផ្លូវនាពេលថ្មីៗនេះ។
បន្ថែមពីនេះទៀត លោក វ៉ាង ក៏អះអាងថា បាតុកម្មនៅហុងកុង មានគាំទ្រពីបរទេសទៀតផង។ លោក ប្រាប់ទីភ្នាក់ងារព័ត៌មានបារាំងថា មានកម្លាំងពីបរទេសដែលបានគាំទ្រសកម្មភាពអំពើហិង្សាតាមផ្លូវនៅហុងកុងនេះ ក្នុងគោលបំណងលុបចោលនូវគោលនយោបាយ ប្រទេសមួយប្រព័ន្ធពីរ ដែលចិននិងហុងកុងបានអនុវត្តយូរណាស់មកហើយ។
រដ្ឋមន្ត្រីការបរទេសចិនរូបនេះបញ្ជាក់ថា គោលបំណងនិងសកម្មភាពទាំងនេះនឹងមិនអាចទទួលជោគជ័យឡើយ ហើយដោយមានការការគាំទ្រពីចិន ហុងកុង នឹងនៅតែប្រើប្រាស់គោលនយោបាយប្រទេសមួយប្រព័ន្ធពីរដដែល។ ខណៈអំពើហិង្សាផ្ទុះកាន់តែខ្លាំង លោក វ៉ាង ក៏បានជំរុញឲ្យបាតុករហុងកុងគោរពតាមច្បាប់ហុងកុងដែលមានស្រាប់ផងដែរ។
ក្រៅតែពីការលើឡើងខាងលើនេះ លោករដ្ឋមន្ត្រីក៏បាននិយាយរិះគន់ពីប្រព័ន្ធផ្សព្វផ្សាយបរទេសផងដែរ។ លោកលើកឡើងថា ប្រព័ន្ធផ្សព្វផ្សាយមួយចំនួនបានហៅអំពើហិង្សារបស់ពួកបាតុករ ថាជាការធ្វើបាតុកម្មដោយសន្តិវិធី និងបានផ្សាយថា សកម្មភាពរបស់ប៉ូលិសថាជាអំពើហិង្សាទៅវិញ។
នាពេលកន្លងទៅ បាតុករជាច្រើនម៉ឺននាក់បានធ្វើការបាតុកម្មដោយសន្តិភាពនៅពេលថ្ងៃ ហើយពេលល្ងាច ក៏បានបែកបាក់ទៅជាក្រុមតូចៗដោយមានការប្រើប្រាស់អំពើហិង្សាវិញ។ ក្រុមបាតុករបានគប់គ្រាប់បែកសាំង ដុំថ្មសំដៅទៅរកប៉ូលីស អាជីវកម្មដែលបើកដោយជនជាតិចិន និងវាយប្រហារនៅមាត់ផ្លូវចូលស្ថានីយរថភ្លើងមួយចំនួន។ ឯប៉ូលិសបានប្រើប្រាស់កាណុងបាញ់ទឹក ឧស្ម័នបង្ហូរទឹកភ្នែកនិងគ្រាប់កាំភ្លើងជ័រដើម្បីបំបែកក្រុមបាតុករទាំងនោះ៕
© រក្សាសិទ្ធិដោយ thmeythmey.com
