ឆ្នាំ២០២០ខាងមុខ «ទិវាសន្ធិសញ្ញាសន្តិភាពក្រុងប៉ារីស» លែងជាថ្ងៃឈប់សម្រាកហើយ

ជាតិ

ឆ្នាំ២០២០ខាងមុខ «ទិវាសន្ធិសញ្ញាសន្តិភាពក្រុងប៉ារីស» លែងជាថ្ងៃឈប់សម្រាកហើយ

23, Oct 2019 , 4:49 pm

រូបភាព

ដោយ: ថ្មីៗ

«សន្ធិសញ្ញាសន្តិភាពទីក្រុងប៉ារីស» ថ្ងៃទី២៣ ខែតុលា នៅតែជាព្រឹត្តិការណ៍ដែលត្រូវចងចាំសម្រាប់ពលរដ្ឋខ្មែរគ្រប់ៗរូប ប៉ុន្តែយោងតាមប្រតិទិនថ្ងៃឈប់សម្រាកសាធារណៈសម្រាប់ឆ្នាំ២០២០ ទិវានេះ លែងជាថ្ងៃក្រហមដែលមន្ត្រីរាជការ និយោជិក កម្មករ ឈប់សម្រាកទៀតហើយ។

អត្ថបទទាក់ទង

តើឥស្សរជនរូបណាខ្លះដែលបានចូលរួមក្នុងកិច្ចព្រមព្រៀងសន្តិភាពក្រុងប៉ារីស?

ថ្ងៃឈប់សម្រាកសាធារណៈទាំង២២ថ្ងៃប្រចាំឆ្នាំ២០២០

អស់ពីកម្ពុជា នៅតែ២ប្រទេសប៉ុណ្ណោះដែលយក «ទិវាសិទ្ធិមនុស្សអន្តរជាតិ» ជាថ្ងៃឈប់សម្រាក

យោងតាមអនុក្រឹត្យស្តីពីប្រតិទិនឈប់សម្រាកសម្រាប់ឆ្នាំ២០២០ ទិវាសន្ធិសញ្ញាសន្តិភាពទីក្រុងប៉ារីស ស្ថិតក្នុងចំណោមពិធី និងទិវា ដែលត្រូវបានកាត់ចេញ។ ដោយកន្លងមក ការឈប់សម្រាកសាធារណៈក្នុង១ឆ្នាំមានពី២៧ថ្ងៃ ទៅ២៨ថ្ងៃ។

នៅឆ្នាំ២០២០ ថ្ងៃឈប់សម្រាកសាធារណៈត្រូវបានកាត់បន្ថយមកត្រឹម២២ថ្ងៃ ដោយក្រៅពីទិវាសន្ធិសញ្ញាសន្តិភាពក្រុងប៉ារីស ថ្ងៃផ្សេងទៀតរួមមាន ពិធីបុណ្យមាឃបូជា, ទិវាកុមារអន្តរជាតិ១ មិថុនា និងទិវាសិទ្ធិមនុស្ស១០ធ្នូ ។ ជាមួយគ្នានោះ ទិវាចងចាំ ២០ ឧសភា ក៏ត្រូវដកចេញពីប្រតិទិនវិញផងដែរ។

សម្រាប់ពិធីបុណ្យចម្រើនព្រះជន្ម ព្រះមហាក្សត្រ ព្រះបាទ សម្តេច ព្រះបរមនាថ នរោត្តម សីហមុនី នៅថ្ងៃខែឧសភា ដែលធ្លាប់តែឈប់សម្រាកចំនួន៣ ថ្ងៃ ត្រូវមកឈប់សម្រាកតែមួយថ្ងៃវិញ។ ខែកុម្ភៈ កក្កដា សីហា និងធ្នូ មិនមានថ្ងៃឈប់សម្រាកសាធារណៈឡើយ។