អន្តរជាតិ
ហុងកុងបញ្ចេញលុយ២៥៥លានដុល្លារទៀតដើម្បីលើកស្ទួយសេដ្ឋកិច្ចដែលជួបបញ្ហា
×![]()
ដោយ៖ ងួន សុភាវត្តី
រដ្ឋាភិបាលហុងកុងបានប្រកាសផ្តល់ទឹកប្រាក់ជំនួយសំរាប់សម្រួលបញ្ហាក្នុងទីក្រុងនេះ ក្រោយជួបបញ្ហាជោគជាំផ្នែកនយោបាយនិងវិបត្តិសេដ្ឋកិច្ចដំបូង។ កាប្រកាសនេះបានធ្វើឡើងនៅថ្ងៃទី២២ ខែតុលាដោយរដ្ឋមន្ត្រីហិរញ្ញវត្ថុហុងកុងផ្ទាល់។
ការផ្ទុះការតវ៉ាប្រឆាំងរដ្ឋាភិបាលនៅហុងកុងរយៈពេល៥ខែនេះបានធ្វើអោយកេរ្តិ៍ឈ្មោះហុងកុងថា ជាមជ្ឈមណ្ឌលហិរញ្ញវត្ថុអាស៊ី មានការរង្គោះរង្គើ។ ការតវ៉ាដែលបង្កជាអំពើហិង្សានេះក៏បានបំផ្លាញវិស័យទេសចរណ៍ និងបានបង្ខំអោយអាជីវកម្មមួយចំនួនបិទទ្វារផងដែរ សេដ្ឋកិច្ចក្នុងទីក្រុងវិញក៏បញ្ហាវឹករណាស់ដែរ។
រដ្ឋមន្ត្រីហិរញ្ញវត្ថុហុងកុង លោក Paul Chan បានប្រកាសបញ្ចេញទឹកប្រាក់ប្រមាណ២ពាន់លានដុល្លារហុងកុងដែលស្មើនឹង២៥៥លានដុល្លារ ដើម្បីជួយទប់ទល់ផ្នែកសេដ្ឋកិច្ច ជាពិសេសផ្នែកដឹកជញ្ជូន ទេសចរណ៍ និងឧស្សាហកម្មលក់រាយ។ លោក Chan បាននិយាយក្នុងសន្និសីទកាសែតថា៖ « ដោយសារតែស្ថានភាពសេដ្ឋកិច្ចបានប្រែជាអាក្រក់លឿនជាងអ្វីដែលយើងបានគិតទុក កញ្ចប់ទឹកប្រាក់ដែលយើងបញ្ចេញនេះនឹងផ្តោតលើផ្នែកដែលរងការប៉ះពាល់ខ្លាំងមុនគេ»។ នេះបើតាមទីភ្នាក់ងារព័ត៌មាន Reuters ។
ការផ្តល់ជំនួយផ្នែកហិរញ្ញវត្ថុលើកនេះ ជាការបន្ថែមលើទឹកប្រាក់២,៤ពាន់លានដុល្លារហុងកុងដែលបញ្ចេញកាលពីខែសីហាកន្លងទៅដើម្បីផ្តល់ជំនួយឲ្យអាជីវកម្មមួយចំនួន។ រដ្ឋមន្ត្រីដឹកជញ្ជូនហុងកុងលោក Frank Chan បាននិយាយថា ប្រសិនបើពលរដ្ឋហុងកុងកាត់បន្ថយការធ្វើបាតុកម្មនិងបញ្ឈប់ការប្រើប្រាស់អំពើហិង្សា វានឹងជួយសម្រួលដល់បញ្ហាក្នុងទីក្រុងនេះបានច្រើនជាងការបញ្ចេញកញ្ចប់ទឹកប្រាក់នេះទៅទៀត។
វិបត្តិដែលហុងកុងបានជួបប្រទះនេះ គឺជាវិបត្តិដ៏ធំបំផុតមួយសំរាប់ទីក្រុងមួយនេះបើគិតចាប់តាំងពីពេលអង់គ្លេសបានប្រគល់ទីក្រុងនេះអោយប្រទេសចិនវិញនៅឆ្នាំ១៩៩៧។ ទីក្រុងប៉េកាំងក៏ធ្លាប់បានចោទ សហរដ្ឋអាមេរិកនិងអង់គ្លេសផងដែរថាជាអ្នកនៅពីក្រោយបញ្ហានៅទីក្រុងហុងកុងនេះ៕
រដ្ឋាភិបាលហុងកុងបានប្រកាសផ្តល់ទឹកប្រាក់ជំនួយសំរាប់សម្រួលបញ្ហាក្នុងទីក្រុងនេះ ក្រោយជួបបញ្ហាជោគជាំផ្នែកនយោបាយនិងវិបត្តិសេដ្ឋកិច្ចដំបូង។ កាប្រកាសនេះបានធ្វើឡើងនៅថ្ងៃទី២២ ខែតុលាដោយរដ្ឋមន្ត្រីហិរញ្ញវត្ថុហុងកុងផ្ទាល់។
ការផ្ទុះការតវ៉ាប្រឆាំងរដ្ឋាភិបាលនៅហុងកុងរយៈពេល៥ខែនេះបានធ្វើអោយកេរ្តិ៍ឈ្មោះហុងកុងថា ជាមជ្ឈមណ្ឌលហិរញ្ញវត្ថុអាស៊ី មានការរង្គោះរង្គើ។ ការតវ៉ាដែលបង្កជាអំពើហិង្សានេះក៏បានបំផ្លាញវិស័យទេសចរណ៍ និងបានបង្ខំអោយអាជីវកម្មមួយចំនួនបិទទ្វារផងដែរ សេដ្ឋកិច្ចក្នុងទីក្រុងវិញក៏បញ្ហាវឹករណាស់ដែរ។
រដ្ឋមន្ត្រីហិរញ្ញវត្ថុហុងកុង លោក Paul Chan បានប្រកាសបញ្ចេញទឹកប្រាក់ប្រមាណ២ពាន់លានដុល្លារហុងកុងដែលស្មើនឹង២៥៥លានដុល្លារ ដើម្បីជួយទប់ទល់ផ្នែកសេដ្ឋកិច្ច ជាពិសេសផ្នែកដឹកជញ្ជូន ទេសចរណ៍ និងឧស្សាហកម្មលក់រាយ។ លោក Chan បាននិយាយក្នុងសន្និសីទកាសែតថា៖ « ដោយសារតែស្ថានភាពសេដ្ឋកិច្ចបានប្រែជាអាក្រក់លឿនជាងអ្វីដែលយើងបានគិតទុក កញ្ចប់ទឹកប្រាក់ដែលយើងបញ្ចេញនេះនឹងផ្តោតលើផ្នែកដែលរងការប៉ះពាល់ខ្លាំងមុនគេ»។ នេះបើតាមទីភ្នាក់ងារព័ត៌មាន Reuters ។
ការផ្តល់ជំនួយផ្នែកហិរញ្ញវត្ថុលើកនេះ ជាការបន្ថែមលើទឹកប្រាក់២,៤ពាន់លានដុល្លារហុងកុងដែលបញ្ចេញកាលពីខែសីហាកន្លងទៅដើម្បីផ្តល់ជំនួយឲ្យអាជីវកម្មមួយចំនួន។ រដ្ឋមន្ត្រីដឹកជញ្ជូនហុងកុងលោក Frank Chan បាននិយាយថា ប្រសិនបើពលរដ្ឋហុងកុងកាត់បន្ថយការធ្វើបាតុកម្មនិងបញ្ឈប់ការប្រើប្រាស់អំពើហិង្សា វានឹងជួយសម្រួលដល់បញ្ហាក្នុងទីក្រុងនេះបានច្រើនជាងការបញ្ចេញកញ្ចប់ទឹកប្រាក់នេះទៅទៀត។
វិបត្តិដែលហុងកុងបានជួបប្រទះនេះ គឺជាវិបត្តិដ៏ធំបំផុតមួយសំរាប់ទីក្រុងមួយនេះបើគិតចាប់តាំងពីពេលអង់គ្លេសបានប្រគល់ទីក្រុងនេះអោយប្រទេសចិនវិញនៅឆ្នាំ១៩៩៧។ ទីក្រុងប៉េកាំងក៏ធ្លាប់បានចោទ សហរដ្ឋអាមេរិកនិងអង់គ្លេសផងដែរថាជាអ្នកនៅពីក្រោយបញ្ហានៅទីក្រុងហុងកុងនេះ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
