អត្ថបទពាណិជ្ជកម្ម
សាកលវិទ្យាល័យពុទ្ធិសាស្ដ្រ សហការជាមួយក្រុមហ៊ុន Raintree និង Smart Axiata រៀបកម្មវិធី Tiny Coding Cats
× មហាវិទ្យាល័យពាណិជ្ជសាស្ដ្រ សហគ្រិនភាព និងបច្ចេកវិទ្យានៃសាកលវិទ្យាល័យពុទ្ធិសាស្ដ្រមានមោទកភាពលើកិច្ចសហការជាមួយក្រុមហ៊ុន Raintree និងក្រុមហ៊ុន Smart Axiata ក្នុងការបង្កើតកម្មវិធី Saturday Kids ពីប្រទេសសិង្ហបុរី មករៀបចំជាកម្មវិធីមួយឈ្មោះថា Tiny Coding Cats ។ នេះជាកម្មវិធីសរសេរកូដដែលត្រូវបានធ្វើឡើងសម្រាប់កុមារដើម្បីគាំទ្រភាពចង់ចេះចង់ដឹងរបស់ពួកគេ និងដើម្បីធនធានផ្នែកបច្ចេកវិទ្យារបស់កុមារ។
កុមារឆ្លាតៗទាំង១០០រូបដែលមានអាយុចន្លោះពី ៨ ទៅ១២ឆ្នាំ ត្រូវបានជ្រើសរើសឲ្យចូលរួមក្នុងកម្មវិធីសរសេរកូដរបស់យើងនៅរៀងរាល់ថ្ងៃសៅរ៍ ចាប់ពីថ្ងៃទី៥ ខែតុលា ដល់ថ្ងៃទី១៦ ខែវិច្ឆិកា ឆ្នាំ២០១៩ ដែលមានទីតាំងនៅសាកលវិទ្យាល័យពុទ្ធិសាស្ដ្រ។ ពួកគេមានឱកាសដុះខាត់បញ្ញាលើការដោះស្រាយបញ្ហាបច្ចេកទេសដោយប្រើប្រាស់គំនិតឆ្នៃប្រឌិត តាមរយៈការសរសេរកម្មវិធីកុំព្យូទ័រ។
គោលបំណងរបស់យើងតែមួយគត់គឺជាការសាបព្រោះចំណេះដឹង និងការបណ្ដុះស្មារតីក្មេងៗជំនាន់ក្រោយតាមរយៈបច្ចេកវិទ្យា។ យើងផ្ដល់ជូនកម្មវិធីសរសេរកូដដោយឥតគិតថ្លៃ ដើម្បីផ្ដល់ឱកាសស្មើភាពគ្នាដល់កុមារគ្រប់រូបដោយមិនគិតពីជីវភាពគ្រួសាររបស់ពួកគេ។ ក្មេងៗត្រូវឆ្លងកាត់វគ្គជ្រើសរើស ដោយមិនប្រកាន់ពីបទពិសោធន៍នៃការសរសេរកម្មវិធីកុំព្យូទ័រឡើយ។ ក្រោយពីបញ្ចប់កម្មវិធីនេះ ក្មេងៗមានសមត្ថភាពបង្កើតហ្គេម និងគំនូរជីវចល។
សាកលវិទ្យាល័យពុទ្ធិសាស្ត្រមានសេចក្ដីសោមន្សរីករាយក្នុងការគាំទ្រកម្មវិធីបែបអប់រំ ខណៈពេលនិស្សិតព័ត៌មានវិទ្យាបួនរូបរបស់យើង បានក្លាយជាអ្នកបណ្ដុះបណ្ដាលសម្រាប់កម្មវិធីនេះផងដែរ។ ពួកគេមានឱកាសអភិវឌ្ឍវិធីសាស្ដ្រនៃការបណ្ដុះបណ្ដាលកុមារ និងបែបបទនៃការរៀបចំថ្នាក់រៀន ដោយមានការចង្អុលបង្ហាញពីអ្នកជំនាញ និងក្រុមការងារបច្ចេកទេសដ៏ស្វិតស្វាញរបស់ក្រុមហ៊ុន Raintree។
ក្រៅពីមានទីតាំងស្ថិតនៅកណ្តាលទីក្រុង មូលហេតុសំខាន់មួយដែលក្រុមការងារសម្រេចចិត្តរៀបចំកម្មវិធីនេះនៅសាកលវិទ្យាល័យពុទ្ធិសាស្ដ្រ គឺដោយសារតែការផ្ដល់ជូននូវអ៊ីនធ័រណែតល្បឿនលឿនក្នុងបរិវេណសាកលវិទ្យាល័យ ដែលបច្ចុប្បន្ននិស្សិតទាំងអស់អាចប្រើប្រាស់បានដោយសេរី ។ អ៊ីនធ័រណែតល្បឿនលឿនគឺជាមូលដ្ឋានចាំបាច់ដើម្បីទទួលបានជោគជ័យក្នុងកម្មវិធីសរសេរកូដ ហើយសាកលវិទ្យាល័យពុទ្ធិសាស្ដ្រគឺជាគ្រឹះស្ថានមួយក្នុងចំណោមកន្លែងបណ្តុះបណ្តាលចំនួនតិចតួចប៉ុណ្ណោះដែលមានលទ្ធភាពផ្តល់ជូននូវសម្ភារៈរូបវ័ន្ដដូចជា បន្ទប់សិក្សា និងអ៊ីនធ័រណែតដោយឥតគិតថ្លៃសម្រាប់ក្មេងៗ១០០នាក់ក្នុងកម្មវិធីនេះ។
កន្លងមក ការរៀបចំកម្មវិធីសរសេរកូដនេះទទួលបានភាពជោគជ័យលើកុមារជាង៥០០០នៅក្នុងប្រទេសសិង្ហបុរី និងជប៉ុន។ ដូច្នេះការចូលរួមរបស់និស្សិតយើងក្នុងនាមជាអ្នកបណ្ដុះបណ្ដាល រួមជាមួយអ្នកអភិវឌ្ឍកម្មវិធីសិក្សាបែបឌីជីផលមកពីប្រទេសទាំងពីរក្នុងកម្មវិធី Tiny Coding Cats សបញ្ជាក់ឲ្យឃើញថាសេវាកម្មអប់រំនៅសាកលវិទ្យាល័យពុទ្ធិសាស្ដ្រ ប្រកបដោយគុណភាព និងស្របតាមស្ដង់ដារអន្ដរជាតិ៕
(ព័ត៌មានពាណិជ្ជកម្ម)
© រក្សាសិទ្ធិដោយ thmeythmey.com