កីឡាជាតិ
ជាតិ
U19៖ លោក Gyotoku Koji បញ្ចូល សៅ វ៉ៃហ្វី តែជម្រុះ ស រតនា និង គី រីណា
× សមាជិកពីររូប ត្រូវបានជម្រុះចេញពីបញ្ជីឈ្មោះក្រុមជម្រើសជាតិអាយុក្រោម១៩ឆ្នាំកម្ពុជា សម្រាប់ត្រៀមវគ្គជម្រុះ AFC U19 Championship ដែលកម្ពុជាធ្វើម្ចាស់ផ្ទះពូល G ចាប់ពីថ្ងៃទី២-១០ ខែវិច្ឆិកា ឆ្នាំ២០១៩ នៅពហុកីឡដ្ឋានជាតិ។ ប៉ុន្តែគ្រូបង្វឹកជនជាតិជប៉ុន Gyotoku Koji បានបន្ថែមសមាជិកថ្មី១រូប ដើម្បីកៅអីពួកគេទាំងពីរ។
ក្រោយហ្វឹកហាត់អស់រយៈពេល៥ថ្ងៃ ក្រុម U19 កម្ពុជាក្រោមការដឹកនាំរបស់លោក Gyotoku Koji បានជម្រុះសមាជិកពីររួមមានកីឡាករ ស រតនា និង គី រីណា ដោយពួកគេទាំងពីរជាយុវជនមកពីក្លិបបាល់ទាត់វិសាខា។ ប៉ុន្តែគ្រូបង្វឹកជនជាតិជប៉ុនរូបនេះបានបន្ថែមសមាជិកថ្មីមួយរូប គឺកីឡាករ សៅ វ៉ៃហ្វី ដែលយុវជនមកពីសាលបាល់ទាត់ជាតិបាទី។
សម្រាប់ការប្រកួតវគ្គជម្រុះ AFC U19 Championship កម្ពុជាធ្វើជាម្ចាស់ផ្ទះពូល G ដែលមានថៃ ម៉ាឡេស៊ី ព្រុយណេ និង Northern Mariana Islands។ តាមរយៈលទ្ធផលយកឈ្នះថៃ ក្នុងពានរង្វាន់ AFF U18 Championship កម្ពុជាអាចមានរំពឹងខ្ពស់ក្នុងការឈានទៅវគ្គបន្តនៃពានរង្វាន់នេះ ដ្បិតសមាជិកភាគច្រើនចម្រាញ់ចេញពីក្រុម U18។
កីឡាករ U19 ទាំង២៣រូបរួមមានកីឡាករ ជា សុខម៉េង, ជូ ស៊ីនទី, ជុង មករា, អ៊ាន ពិសី, កយ សាលីម, រី លាភផេង, ធី លៀង, សៀង ចន្ធា, ថា ច័ន្ទឬទ្ធី, ទួត សារ៉ូត, អាត អូនតូច, ញឹម លីហួរ, សៅ វ៉ៃហ្វី, ចាន់ សារ៉ាពេជ្រ, វុធ តុលា, មិន រតនៈ, សឿត ណាវ៉ា, លី ម៉ាឯល, ចាន់ សុភា, កែវ ឧត្តម, មិត សាម៉ើយ, ផន អយ និង លឹម ពិសុទ្ធ៕
Tag:
AFC U19 Championship
U19 កម្ពុជា
© រក្សាសិទ្ធិដោយ thmeythmey.com