ច្បាប់ / សិទិ្ធមនុស្ស / តុលាការ
ជាតិ
តុលាការកំពូល ឲ្យជនល្មើសបង់២០លានរៀលទៀត ដល់អតីតតំណាងរាស្ត្រប្រឆាំង ដែលត្រូវវាយដុំ
លោក ញ៉យ ចំរើន (ឆ្វេងដៃ) និង លោក គង់ សភា ពេលបញ្ជូនទៅមន្ទីរពេទ្យ កាលពីចុងឆ្នាំ២០១៥ ក្រោយរងអំពើហិង្សា
×![]()
ដោយ: ថ្មីៗ
តុលាការកំពូល បានចេញសាលដីកា នៅព្រឹកថ្ងៃទី២៨ ខែតុលា ឆ្នាំ២០១៩ ដោយតម្រូវឲ្យជនល្មើសទាំង៣នាក់ រួមគ្នាសងសំណង២០លានរៀលបន្ថែមទៀត ជូនទៅលោក គង់ សភា និង លោក ញ៉យ ចំរើន អតីតតំណាងរាស្ត្រគណបក្សសង្គ្រោះជាតិ ដែលត្រូវពួកគេ វាយដំនៅមុខរដ្ឋសភា កាលពីអំឡុងខែតុលា ឆ្នាំ២០១៥។ 
លោក កែត ឃី មេធាវីការពារក្តីឲ្យលោក គង់ សភា និង លោក ញ៉យ ចំរើន នៅតែមិនទាន់អាចទទួលយកបាន ចំពោះការសម្រេចនេះ បើទោះបីជាតុលាការកំពូល តម្រូវឲ្យជនល្មើស បង់ប្រាក់បន្ថែមជូនកូនក្តីក៏ដោយ។ ប៉ុន្តែ លោក ប្រាប់ថា លោក គ្មានមធ្យោបាយផ្លូវច្បាប់អ្វី ដែលត្រូវតតាំងទៀតនោះទេ ពីព្រោះថា ការសម្រេចរបស់តុលារកំពូល គឺបិទផ្លូវតវ៉ា។ ក្នុងកិច្ចសម្ភាសជាមួយប្រាប់សារព័ត៌មានថ្មីៗតាមទូរស័ព្ទនៅល្ងាចថ្ងៃទី២៨ ខែតុលា លោកមេធាវីរូបនេះ ថ្លែងដូច្នេះថា៖«យើង អត់សប្បាយចិត្តទេ»។
បើសរុប គឺជនល្មើសទាំង៣នាក់ ត្រូវរួមគ្នាសង១០០លានរៀលដល់អតីតតំណាងរាស្ត្រទាំង២។ កាលពីអំឡុងខែឧសភា ឆ្នាំ២០១៦ សាលាដំបូងរាជធានីភ្នំពេញ បានសម្រេចផ្តន្ទាទោសឲ្យជនល្មើសទាំង៣ ជាប់ពន្ធនាគារ៤ឆ្នាំ និង តម្រូវឲ្យចេញប្រាក់រួមគ្នា៨០លានរៀល ជូនដល់អតីតតំណាងរាស្ត្រទាំង២។
សាលាដំបូងរាជធានីភ្នំពេញ ពុំបានឲ្យពួកគេទាំង៣ ជាប់ពន្ធគារទាំង៤ឆ្នាំនោះទេ ពោលគឺ ឲ្យជាប់តែ១ឆ្នាំ ហើយ៣ឆ្នាំទៀត ត្រូវព្យួរ។ បច្ចុប្បន្ន ពួកគេទាំង៣ ត្រូវបានដោះលែងអស់ហើយ។ អ្នកទាំង៣នោះ ឈ្មោះ ចាយ សារិទ្ធ ម៉ៅ ហឿន និង សុត វណ្ណនី។
ចំណែកប្រាក់ទាំង១០០លានរៀលនោះ ជនល្មើសទាំង៣ នៅមិនទាន់បង់ជូនអតីតតំណាងរាស្ត្រទាំង២នាក់នោះទេ។ លោកមេធាវី កែត ឃី បញ្ជាក់ថា លោក នឹងធ្វើនីតិវិធី ដើម្បីសុំឲ្យជនល្មើសទាំង៣ បង់ប្រាក់នោះ ជូនទៅកូនក្តីរបស់លោក៕
លោក កែត ឃី មេធាវីការពារក្តីឲ្យលោក គង់ សភា និង លោក ញ៉យ ចំរើន នៅតែមិនទាន់អាចទទួលយកបាន ចំពោះការសម្រេចនេះ បើទោះបីជាតុលាការកំពូល តម្រូវឲ្យជនល្មើស បង់ប្រាក់បន្ថែមជូនកូនក្តីក៏ដោយ។ ប៉ុន្តែ លោក ប្រាប់ថា លោក គ្មានមធ្យោបាយផ្លូវច្បាប់អ្វី ដែលត្រូវតតាំងទៀតនោះទេ ពីព្រោះថា ការសម្រេចរបស់តុលារកំពូល គឺបិទផ្លូវតវ៉ា។ ក្នុងកិច្ចសម្ភាសជាមួយប្រាប់សារព័ត៌មានថ្មីៗតាមទូរស័ព្ទនៅល្ងាចថ្ងៃទី២៨ ខែតុលា លោកមេធាវីរូបនេះ ថ្លែងដូច្នេះថា៖«យើង អត់សប្បាយចិត្តទេ»។
បើសរុប គឺជនល្មើសទាំង៣នាក់ ត្រូវរួមគ្នាសង១០០លានរៀលដល់អតីតតំណាងរាស្ត្រទាំង២។ កាលពីអំឡុងខែឧសភា ឆ្នាំ២០១៦ សាលាដំបូងរាជធានីភ្នំពេញ បានសម្រេចផ្តន្ទាទោសឲ្យជនល្មើសទាំង៣ ជាប់ពន្ធនាគារ៤ឆ្នាំ និង តម្រូវឲ្យចេញប្រាក់រួមគ្នា៨០លានរៀល ជូនដល់អតីតតំណាងរាស្ត្រទាំង២។
សាលាដំបូងរាជធានីភ្នំពេញ ពុំបានឲ្យពួកគេទាំង៣ ជាប់ពន្ធគារទាំង៤ឆ្នាំនោះទេ ពោលគឺ ឲ្យជាប់តែ១ឆ្នាំ ហើយ៣ឆ្នាំទៀត ត្រូវព្យួរ។ បច្ចុប្បន្ន ពួកគេទាំង៣ ត្រូវបានដោះលែងអស់ហើយ។ អ្នកទាំង៣នោះ ឈ្មោះ ចាយ សារិទ្ធ ម៉ៅ ហឿន និង សុត វណ្ណនី។
ចំណែកប្រាក់ទាំង១០០លានរៀលនោះ ជនល្មើសទាំង៣ នៅមិនទាន់បង់ជូនអតីតតំណាងរាស្ត្រទាំង២នាក់នោះទេ។ លោកមេធាវី កែត ឃី បញ្ជាក់ថា លោក នឹងធ្វើនីតិវិធី ដើម្បីសុំឲ្យជនល្មើសទាំង៣ បង់ប្រាក់នោះ ជូនទៅកូនក្តីរបស់លោក៕
Tag:
គង់ សភា
គង់ ចំរើន
តុលាការ
ហិង្សា
© រក្សាសិទ្ធិដោយ thmeythmey.com
