ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
មជ្ឈមណ្ឌលវេជ្ជសាស្ត្រសិង្ហបុរីកម្ពុជា (SGMC) រៀបចំកម្មវិធី Pink Talk ដែលជាផ្នែកមួយនៃការប្រារព្ធកម្មវិធីនៃខែផ្សព្វផ្សាយការយល់ដឹងពីជំងឺមហារីកសុដន់
30, Oct 2019 ,
11:21 am
រូបភាព
×
ដោយ:
ថ្មីៗ
រាជធានីភ្នំពេញ ថ្ងៃទី26 ខែតុលា ឆ្នាំ2019 ៖ មជ្ឈមណ្ឌលវេជ្ជសាស្ត្រសិង្ហបុរីកម្ពុជា (SGMC) បានប្រារព្ធកម្មវិធីនៃខែផ្សព្វផ្សាយការយល់ដឹងអំពីជំងឺមហារីកសុដន់ (Breast Cancer Awareness Month) តាមរយៈការរៀបចំកម្មវិធី Pink Talk កាលពីពេលកន្លងទៅ។ កម្មវិធី Pink Talk បានប្រព្រឹត្តទៅក្រោមប្រធានបទ៖ ការរកឃើញរោគសញ្ញាទាន់ពេលវេលា អាចជួយសង្គ្រោះជីវិតបាន» ដែលជាយុទ្ធនាការសុខភាពអន្តរជាតិប្រចាំឆ្នាំ ដើម្បីលើកកម្ពស់ការយល់ដឹងអំពីជំងឺមហារីកសុដន់។ កម្មវិធីនេះ គឺជាកម្មវិធីមួយក្នុងចំណោមកម្មវិធីពិភាក្សាបែបអប់រំផ្សេងៗ ដែលមជ្ឈមណ្ឌលវេជ្ជសាស្ត្រសិង្ហបុរីកម្ពុជា (SGMC) ខិតខំបង្កើតឡើង ដើម្បីផ្ដល់ព័ត៌មានមូលដ្ឋានពីសុខភាព ប៉ុន្តែមានសារសំខាន់ជូនដល់ប្រជាជនកម្ពុជា។
កម្មវិធីលើកកម្ពស់ការយល់ដឹងអំពីជំងឺមហារីកសុដន់ដំបូ ងរបស់មជ្ឈមណ្ឌលវេជ្ជសាស្ត្រសិង្ហបុរីកម្ពុជា (SGMC) នៅក្នុងប្រទេសកម្ពុជា មានរៀបចំកិច្ចពិភាក្សា និងការធ្វើបទបង្ហាញអំពីការរកឃើញរោគសញ្ញាទាន់ពេលវេលា ដោយវេជ្ជបណ្ឌិតសាស្ត្រាចារ្យ Thay Sovannara ប្រចាំ SGMC ដែលជាគ្រូពេទ្យប្រចាំគ្រួសារ និងអ្នកជំនាញឯកទេសផ្នែកសុខភាពស្ត្រី។
កម្មវិធីដែលរៀបចំឡើងនៅមជ្ឈមណ្ឌលវេជ្ជសាស្ត្រ និងសុខុមាលភាពដ៏ទំនើប និងទើបតែបើកដំណើរការថ្មីរបស់ខ្លួន នៅឯអគារដឹប្រ៊ីដ ស្ថិតនៅក្នុងសង្កាត់ទន្លេបាសាក់នេះ មានគោលបំណងលើកកម្ពស់ការយល់ដឹងអំពីជំងឺ តាមរយៈការស្វែងយល់អំពីមូលហេតុនៃជំងឺ វិធីសាស្ត្របង្ការ និងការរកឃើញរោគសញ្ញាទាន់ពេលវេលា និងវិធីសាស្ត្រព្យាបាល។ កម្មវិធីពិភាក្សា Pink Talk នេះ ក៏នឹងបង្ហាញអំពីការគាំទ្ររបស់មជ្ឈមណ្ឌលវេជ្ជសាស្ត្រសិង្ហបុរីកម្ពុជា (SGMC) ចំពោះស្ត្រីដែលមានជំងឺមហារីកសុដន់ទាំងអស់ផងដែរ។
ដោយសារតែស្ត្រីគ្រប់រូប មិនថាវ័យណាក៏ដោយ ក៏អាចនឹងកើតជំងឺមហារីកសុដន់បានដែរនោះ ទើបមជ្ឈមណ្ឌលវេជ្ជសាស្ត្រសិង្ហបុរីកម្ពុជា (SGMC) ស្នើសុំឱ្យស្ត្រីដែលមានអាយុចាប់ពី 40 ឆ្នាំឡើង អញ្ជើញទៅប្រឹក្សាយោបល់ និងត្រូវពិនិត្យរកជំងឺមហារីកសុដន់នេះ ឱ្យបានយ៉ាងតិចម្ដងក្នុងមួយឆ្នាំ។ ការពិនិត្យរកជំងឺមហារីកសុដន់ ពិតជាមានសារៈសំខាន់ខ្លាំងណាស់សម្រាប់ស្ត្រីដែលមានវ័យចាប់ពី 50 ឆ្នាំឡើងទៅ។
មជ្ឈមណ្ឌលវេជ្ជសាស្ត្រសិង្ហបុរីកម្ពុជា (SGMC) មានឧបករណ៍ពិនិត្យសុដន់ (mammograms) ដែលពិនិត្យជូននៅក្នុងតម្លៃសមរម្យ ដើម្បីជួយស្ត្រីកម្ពុជា ឱ្យទទួលបានការពិនិត្យជំងឺបានទាន់ពេលវេលា ការធ្វើរោគវិនិច្ឆ័យ និងការព្យាបាលជាដើម។ ជំងឺមហារីកសុដន់ គឺជាជំងឺដ៏កាចសាហាវលំដាប់ថ្នាក់ទីបី ចំពោះស្ត្រីនៅក្នុងប្រទេសកម្ពុជា ដែលបានសម្លាប់ស្ត្រីដែលមានជំងឺនេះប្រមាណជា 7% ក្នុងមួយឆ្នាំ។ ទោះបីយ៉ាងណា អត្រានៃការរស់រានមានជីវិត កើនឡើងខ្ពស់ផងដែរ នៅពេលយើងរកឃើញរោគសញ្ញាទាន់ពេលវេលា តាមរយៈការពិនិត្យសុដន់។
លោកស្រីវេជ្ជបណ្ឌិត Thay Sovannara ក៏បានពិភាក្សា និងឆ្លើយសំណួរដែលពាក់ព័ន្ធនឹងកត្តាហានិភ័យ ដែលអាចបង្កើតឱកាសនាំឱ្យមានជំងឺមហារីកសុដន់ រោគសញ្ញា និងសញ្ញាសំខាន់ៗ របៀបការពារជំងឺមហារីកសុដន់ និងវិធីត្រួតពិនិត្យដោយខ្លួនឯង។ លោកស្រីបានសង្កត់ធ្ងន់ពីសារៈសំខាន់នៃការពិនិត្យជំងឺមហារីកសុដន់ជាប្រចាំ ការត្រួតពិនិត្យសុដន់ដោយខ្លួនឯងជារៀងរាល់ខែ និងការរក្សារបៀបរស់នៅ ប្រកបដោយសុខភាពល្អផងដែរ។
លោកស្រីវេជ្ជបណ្ឌិត Thay Sovannara មានប្រសាសន៍ថា៖« នៅក្នុងមជ្ឈមណ្ឌលវេជ្ជសាស្ត្រសិង្ហបុរី យើងយកចិត្តទុកដាក់យ៉ាងខ្លាំងចំពោះសុខភាព និងសុខុមាលភាពរបស់អ្នកជំងឺ និងមនុស្សគ្រប់គ្នា។ កម្មវិធីផ្សេង ដូចជាកិច្ចពិភាក្សា Pink Talk នេះ ជួយយើងទាំងអស់គ្នាឱ្យយល់ដឹងអំពីជំងឺមហារីកសុដន់ វិធីការពារ ក៏ដូចជាកាត់បន្ថយហានិភ័យផ្សេងៗនៃជំងឺនេះផងដែរ»។ លោកស្រីបានបន្តទៀតថា៖«ខែនៃការយល់ដឹងអំពីជំងឺមហារីកសុដន់ គឺជាពេលវេលាដ៏ល្អ ក្នុងការរំឭកឱ្យស្ត្រីនៅក្នុងគ្រួសាររបស់យើង ទៅត្រួតនិត្យស្វែងរករោគសញ្ញានៃជំងឺនេះ។ យើងពិតជាមានមោទកភាពយ៉ាងខ្លាំង ដែលបានរៀបចំកម្មវិធីនេះឡើង និងកម្មវិធីផ្សេងៗទៀតនៅក្នុងសហគមន៍ ក៏ដូចជាធានាឱ្យមានជម្រើសថែរក្សាអាយុជីវិត សម្រាប់មនុស្សជាទីស្រឡាញ់ ព្រមទាំងគ្រួសារ និងមិត្តភិក្តរបស់អ្នកផងដែរ»។
ដោយផ្អែកទៅលើជំនឿថា មនុស្សគ្រប់រូបស័ក្តិសមនឹងទទួលបាននូវការថែទាំផ្នែកវេជ្ជសាស្ត្រដែលប្រកបដោយគុណភាព និងអាចជឿទុកចិត្តបានខ្ពស់ SGMC បានអនុវត្តនូវវិធីសាស្ត្រគ្រប់ជ្រុងជ្រោយ ដែលផ្ដល់នូវសេវាកម្មថែទាំសុខភាពគុណភាពខ្ពស់ និងសុខុមាលភាពបែបវេជ្ជសាស្ត្រ។ ប្រកបដោយទឹកចិត្តល្អប្រពៃ និងមានលក្ខណៈបុគ្គល ដោយផ្អែកលើការព្យាបាលវេជ្ជសាស្ត្រ ដំណើរការ និងស្តង់ដារដែលផ្អែកលើភស្តុតាងបញ្ជាក់ច្បាស់លាស់។ ក្រុមវេជ្ជបណ្ឌិតដ៏មានទេពកោសល្យចម្រុះគ្នា គិលានុបដ្ឋាក ឱសថការី និងគ្រូពេទ្យជំនាញថតកាំរស្មីរបស់ SGMC គឺមកពីប្រទេសសិង្ហបុរី ថៃ និងកម្ពុជា ដែលសុទ្ធតែត្រូវបានគេទទួលស្គាល់ជាលក្ខណៈអន្តរជាតិថាជាអ្នកឯកទេសតាមឯកទេសវេជ្ជសាស្ត្ររៀងៗខ្លួន។
ដោយសង្កត់ធ្ងន់ទៅលើឱសថ និងការព្យាបាលការពារ និងបង្កើតកោសិកាថ្មី សេវាកម្ម SGMC ត្រូវបានកសាងដើម្បីទទួលបានសុខុមាលភាពទៅលើគ្រប់ផ្នែក រៀបចំឡើងដើម្បីផ្ដល់នូវសុខភាពល្អ សម្រាប់គ្រប់សរីរាង្គទាំងអស់ ដោយមិនគ្រាន់តែព្យាបាលទៅលើរោគសញ្ញាដែលមានលក្ខណៈធ្ងន់ធ្ងរឡើយ។ SGMC មានការប្ដេជ្ញាចិត្តខ្ពស់ ក្នុងការកសាងគោលដៅនៃការរស់នៅប្រកបដោយសុខុមាលភាពដំបូងគេ និងល្អជាងគេនៅក្នុងប្រទេសកម្ពុជា។
សម្រាប់ព័ត៌មានបន្ថែម សូមទំនាក់ទំនង៖
ក្រុមហ៊ុន Two Way Public Relations
ជាន់ទី 2 លេខ 5 អគារ Rise ផ្លូវលេខ 282 បឹងកេងកង 1
រាជធានីភ្នំពេញ ប្រទេសកម្ពុជា
[email protected]
www.twowaypr.com
(អត្ថបទពាណិជ្ជកម្ម)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
5 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
1 សប្តាហ៍
«មជ្ឈការ»មានន័យខុសពី«វិមជ្ឈការ»ដូចម្តេច?
3 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
5 ថ្ងៃ
«ប្រេសិត»មានន័យដូចម្តេច?
4 ថ្ងៃ
អត្ថបទពេញនិយមបន្ថែម