​មន្ទីរ​សំខាន់ៗ​ទាំង​៤​នោះ មាន Institut Jantung Negara Kuala Lumpur, Sunfert International Fertilyty Kuala Lumpur, KPJ Ampang Puteri និង Gleneagles Kuala Lumpur​។ ក្នុងចំណោម​មន្ទីរពេទ្យ​ទាំងនេះ អ្នកសារព័ត៌មាន​ថ្មីៗ និង ភ្នំពេញ ប៉ុ​ស្ត៍ បាន​ទស្សនកិច្ច​និង​ឈ្វេងយល់​ដោយផ្ទាល់ នៅ​មន្ទីរពេទ្យ KPJ Ampang Puteri នា​រសៀល​ថ្ងៃទី​៣១ ខែតុលា ហើយនឹង​បន្តទៅ​ទស្សនកិច្ច​នៅ​មន្ទីរពេទ្យ​៣​ទៀត​ពេញ​មួយថ្ងៃ ពោលគឺ​នៅ​ថ្ងៃទី​១ ខែវិច្ឆិកា​។​

 

KPJ Ampang Puteri  គឺជា​មន្ទីរពេទ្យ ព្យាបាល​ជំងឺ​ទូទៅ ពិសេស​ព្យាបាល​ជំងឺ​បេះដូង វះកាត់​ឆ្អឹងខ្នង និង វះកាត់​កែ​សម្ផស្ស​។ បច្ចុប្បន្ន​មន្ទីរពេទ្យ​នេះ បាន​សហការ​ជាមួយ​មន្ទីរពេទ្យ​ឯកទេស​ផ្សេងៗ​ចំនួន​២៥​នៅក្នុង​ប្រទេស​ម៉ាឡេស៊ី​។ លើសពីនេះ ក៏មាន​សហការ​ជាមួយ​មន្ទីរពេទ្យ​២​នៅ​ឥណ្ឌូនេស៊ី និង​២​ទៀត​នៅ​ប្រទេស​ថៃ និង​បង់​ក្លា​ដេ​ស​។​

 

​សូមជម្រាបថា ក្នុង​ដំណើរ​ទស្សនកិច្ច​លើ​វិស័យ​ទេសចរណ៍ _ វេជ្ជសាស្ត្រ​នៅ​ទីក្រុង​កូ​ឡា​ឡាំ​ពួ មាន​រយៈពេល​៤ គឺ​ចាប់​ពីថ្ងៃ​៣០​តុលា​_២​វិច្ឆិកា ឆ្នាំ​២០១៩ ដែលមាន​អ្នកកាសែត ចំនួន​៨០​នាក់ អ​ញ្ញើញ​មក​ទាំង​៨​ប្រទេស​។ ក្នុងនោះ​ក្រៅពី​កម្ពុជា មាន​ឥណ្ឌូនេស៊ី​, ឥណ្ឌា​, ចិន​, មី​យ៉ាន់​ម៉ា​, ព្រុយ​ណេ​, វៀតណាម និង​បង់​ក្លា​ដេ​ស​៕

 

​