ជាតិ
អត្ថបទពាណិជ្ជកម្ម
ធនាគារ ប្រេដ ប៊ែង ខេមបូឌា ចូលរួមលើកកម្ពស់យុវវ័យ តាមរយៈកីឡា
× ធនាគារ ប្រេដ ប៊ែង ខេមបូឌា មិនត្រឹមតែមានទិសដៅផ្តល់សេវាកម្មធនាគារដ៏ល្អឥតខ្ចោះសម្រាប់អតិថិជនប៉ុណ្ណោះទេ ប៉ុន្តែធនាគារក៏មានឆន្ទៈខ្ពស់ ក្នុងការគាំទ្រ និងលើកស្ទួយសង្គម វប្បធម៌ និងសិល្បៈកម្ពុជាផងដែរ។
ជាក់ស្តែងថ្មីៗនេះ ធនាគារបានចូលរួមលើកស្ទួយវិស័យកីឡា តាមរយៈការធ្វើជាអ្នកឧបត្ថម្ភធំរបស់អង្គការកម្ពុជាបាល់ឱប (Kampuchea Balopp) ដែលជាអង្គការមួយជួយបង្រៀនកុមារកម្ពុជាដែលមានជីវភាពលំបាក ឬក៏ពិការឲ្យស្គាល់ពីជិវិត តាមរយៈការលេងកីឡា។
ធនាគារក៏មានសេចក្តីរីករាយជាខ្លាំងដែលបានចូលរួមទស្សនាការប្រកួតកីឡាបាល់ឱប ដែលបានរៀបចំធ្វើឡើងកាលពីចុងសប្តាហ៍កន្លងទៅនេះដោយអង្គការកម្ពុជាបាល់ឱប ដោយមានការចូលរួមប្រកួតពីសំណាក់ក្រុមកីឡាបាល់ឱបពីប្រទេសមួយចំនួន ក្នុងនោះមានដួចជា កម្ពុជា អូស្ត្រាលី បារាំង (កោះ Reunion) ថៃ វៀតណាម ម៉ាឡេស៊ី សិង្ហបុរី និងប្រទេសមួយចំនួនទៀត នៅតំបន់អាស៊ី។ ធនាគារក៏សូមអបអរសាទរផងដែរដល់ក្រុមកីឡាទាំង ៣ ដែលបានឈ្នះនៅក្នុងការប្រកួតលើកនេះ ក្នុងនោះមាន ក្រុម Bangkok Southerners ក្រុម Shining Rahus និងក្រុម Zarlequeen។
សូមបញ្ជាក់ថា កីឡាបាល់ឱបបានឈានជើងចូលប្រទេសកម្ពុជាមិនបានប៉ុន្មានឆ្នាំទេ ប៉ុន្តែកីឡានេះមានការពេញនិយមច្រើនពីសំណាក់យុវវ័យជំនាន់ក្រោយ។ សម្រាប់ធនាគារ ប្រេដ ប៊ែង ខេមបូឌា ដែលជាធនាគារអឺរ៉ុបតែមួយគត់ នៅព្រះរាជាណាចក្រកម្ពុជា វាជាមោទនភាពមួយធំណាស់ដែលបានចូលរួមចំណែកលើកស្ទួយវិស័យកីឡានេះ។
ប្រេដ ប៊ែង ខេមបូឌា (
https://www.bredcambodia.com) គឺជាធនាគារដ៏គួរឲ្យទុកចិត្ត និងមានផ្ដល់សេវាជាច្រើនដូចជា កម្ចីទិញផ្ទះ រថយន្ត សេវាសន្សំ បញ្ញើ កម្ចីសម្រាប់អាជីវកម្មខ្នាតតូចនិងមធ្យម កម្ចីសម្រាប់ជនបរទេស ជាមួយអត្រាការប្រាក់សមរម្យបំផុត។ ថ្មីៗនេះ ធនាគារ ប៊ែង ខេមបូឌា បានចាប់ផ្តើមកម្មវិធីបណ្តុះបណ្តាលជំនាញទន់ សម្រាប់សហគ្រិនជាស្ត្រីរបស់ខ្លួន ឈ្មោះ “Shine”។ កម្មវិធីនេះមានគោលបំណងផ្ដល់ការគាំទ្រដល់ធុរជនកម្ពុជា ក្នុងការកសាងអាជីវកម្មឲ្យកាន់តែប្រសើរឡើង តាមរយៈការរៀបចំសន្និសីទ និងសិក្ខាសាលានានា សំដៅធ្វើឲ្យប្រសើរឡើងនូវជំនាញទន់ និងជំនាញគ្រប់គ្រងសម្រាប់សហគ្រិនស្ត្រី។
© រក្សាសិទ្ធិដោយ thmeythmey.com