១០ខែ អាជ្ញាធរ រកបានជាង៨០លានដុល្លារពីការទស្សនាប្រាសាទ, យកជាង៣លានដុល្លារ ទៅជួយគន្ធបុប្ផា

ជាតិ

១០ខែ អាជ្ញាធរ រកបានជាង៨០លានដុល្លារពីការទស្សនាប្រាសាទ, យកជាង៣លានដុល្លារ ទៅជួយគន្ធបុប្ផា

01, Nov 2019 , 9:19 pm

រូបភាព

ទិដ្ឋភាពនៅមុខអង្គរតូច

ដោយ: ប៉ូ សាគុន

ភ្នំពេញ៖ ក្នុងរយៈពេល១០ខែក្នុងឆ្នាំ២០១៩ កម្ពុជាទទួលបានចំណូលពីការលក់បណ្ណចូលទស្សនារមណីយដ្ឋានអង្គរចំនួនជាង៨០ដុល្លារ ហើយនឹងឧបត្ថម្ភដល់មូលនិធិគន្ធបុប្ផាកម្ពុជាជាង៣,៦ដុល្លារ។ នេះបើតាមគ្រឹះស្ថានអង្គរ ចេញសេចក្ដីប្រកាសព័ត៌មាន ស្ដីពីស្ថិតិភ្ញៀវទេសចរបរទេស និងចំណូលដែលទទួលបានពីការលក់បណ្ណចូលទស្សនារមណីដ្ឋានអង្គរប្រចាំខែតុលាឆ្នាំ២០១៩។

ស្ថិតិភ្ញៀវទេសចរបរទេស និងចំណូលដែលទទួលបានពីការលក់បណ្ណចូលទស្សនារមណីដ្ឋានអង្គរប្រចាំខែតុលាឆ្នាំ២០១៩ ចេញដោយគ្រឹះស្ថានអង្គរ បានបញ្ជាក់ថានៅខែតុលាឆ្នាំ២០១៩ រមណីយដ្ឋានអង្គរទទួលបានភ្ញៀវទេសចរជាង១,៤នាក់ បើធៀបរយៈពេលដូចគ្នាកាលពីឆ្នាំ២០១៨ ថយចុះ ២៤,៩៣ភាគរយ។ ចំណែកចំនួនទឹកប្រាក់ដែលបានពីការទិញបណ្ណចូលទស្សនារមណីដ្ឋានអង្គរ ក្នុងខែតុលា មានជាង៦,៣លានដុល្លារ បើធៀបរយៈពេលដូចគ្នាកាលពីឆ្នាំ២០១៨ ថយចុះ ២៣,៨០ភាគរយ។

សម្រាប់រយៈពេល១០ខែ គិតពីខែមករាដល់ខែតុលា ឆ្នាំ២០១៩ ចំនួនភ្ញៀវទេសចរបរទេសដែលបានទិញបណ្ណចូលទស្សនារមណីដ្ឋានអង្គរមានជាង១,៨លាននាក់ បើធៀបរយៈពេលដូចគ្នាក្នុងឆ្នាំ២០១៨ ថយចុះ ១៣,៦៩ ភាគរយ។ ក្នុងរយៈពេល១០ខែនេះ ចំណូលសរុបទទួលបានជាង ៨០ដុល្លារ បើធៀបរយៈពេលដូចគ្នាកាលពីឆ្នាំ២០១៨ ថយចុះ១៤,០៨ភាគរយ៕