ជាតិ
ផលិតផល Confirel ដាក់តាំងក្នុងកម្មវិធីនាវាយុវជនអាស៊ាន-ជប៉ុននៅជប៉ុន
× ភ្នំពេញ៖ នាវាយុវជនអាស៊ានកម្ពុជាចំនួន២៩នាក់បានយកផលិតផលខ្មែរ ពីក្រុមហ៊ុន Confirel ទៅធ្វើជាកាដូ និងដាក់តាំងនៅក្នុងកម្មវិធីនាវាយុវជនអាស៊ាន-ជប៉ុននៅប្រទេសជប៉ុន។ នៅក្នុងកម្មវិធីនាវាយុវជនអាស៊ាន-ជប៉ុនឆ្នាំ២០១៩នេះ កម្ពុជាបានបញ្ជូនយុវជនចំនួន២៩រូបឲ្យចូលរួម ដោយពួកគេមកពីសមាគមនាវាយុវជនអាស៊ីអាគ្នេយ៍កម្ពុជា។ យុវជនសរុបពីប្រទេសអាស៊ាន បូកនឹងយុវជនជប៉ុនមានចំនួនប្រមាណជាជាង៤០០នាក់។
កម្មវិធីនេះរៀបចំដោយប្រទេសជប៉ុនចាប់ពីថ្ងៃទី២៤ តុលា ដល់ថ្ងៃទី១៣ ធ្នូ ឆ្នាំ២០១៩ ក្នុងគោលបំណងដើម្បីរឹតចំណងសាមគ្គីភាពរវាងយុវជនជប៉ុននិងយុវជនអាស៊ានឲ្យកាន់តែមានភាពស្និទ្ធស្នាល ក៏ដូចជាផ្សព្វផ្សាយពីវប្បធម៌ផលិតផលរបស់ប្រទេសនីមួយជាដើម។
ផលិតផល Confirel នាពេលបច្ចុប្បន្ននេះ កំពុងទទួលបានការពេញនិយមពីអតិថិជនក្នុងប្រទេស និងក្រៅប្រទេស។ ក្រុមហ៊ុនខ្មែរ ខនហ្វីរេល (Confirel) បានកែច្នៃផលិតផលកសិកម្មខ្មែរជាច្រើនប្រភេទ ក្នុងនោះមាន៖ តែម្រេចកំពត ម្រេចគ្រប់ប្រភេទ ទឹកជ្រលក់ ស្រាទឹកត្នោត ទឹកខ្មេះ ស្ករត្នោត។ល។ ផលិតផលក្រុមហ៊ុន ខនហ្វីរេល (Confirel) សុទ្ធតែត្រូវបានត្រួតពិនិត្យគុណភាពដោយស្ថាប័នអន្តរជាតិ។
© រក្សាសិទ្ធិដោយ thmeythmey.com