អន្តរជាតិ
លោកប្រធានធិបតីហ្វីលីពីន រ៉ូឌ្រីហ្គោ ឌូទើតេ ចូលរួមកិច្ចប្រជុំអាស៊ានពេញអង្គលើកទី៣៥ ក្នុងខេត្ត Nonthaburi ប្រទេសថៃ នៅថ្ងៃសៅរ៍ ២ វិច្ឆិកា ២០១៩ (ប្រភពរូបភាព៖ការិយាល័យប្រធានាធិបតីហ្វីលីពីណ)
×![]()
ប្រធានាធិបតីហ្វីលីពីន បានស្នើឲ្យបណ្តាមេដឹកនាំនៃអង្គការអាស៊ាន កុំជ្រើសរើសរវាងចិននិងសហរដ្ឋអាមេរិក។ មេដឹកនាំរូបនេះ ចាត់ទុកការរើសយកម្ខាងៗជា«កំហុសឆ្គងផ្នែកយុទ្ធសាស្ត្រ»។
ក្នុងសេចក្តីថ្លែងការណ៍ នៅថ្ងៃសៅរ៍ ២ វិច្ឆិកា អ្នកនាំពាក្យប្រធានាធិបតីហ្វីលីពីន លោក Salvador Panelo បញ្ជាក់ឲ្យដឹងថា លោក រ៉ូឌ្រីហ្គោ ឌូទើតេ បានជជែកពិភាក្សាស្តីពីទិដ្ឋភាពតំបន់ដែលកំពុងផ្លាស់ប្តូរពាក់ព័ន្ធចិននិងសហរដ្ឋអាមេរិក អំឡុងកិច្ចប្រជុំអាស៊ានពេញអង្គលើកទី៣៥។
«យើង គិតសម្គាល់ថា ប្រធានាធិបតី ឌូទើតេ ក៏បានពិភាក្សាពីទិដ្ឋភាពដែលកំពុងប្រែប្រួល ដែលទទួលស្គាល់ពីការងើបឡើងរបស់នាគ (ចិន) ក្នុងពិភពលោកដែលនៅត្រួតត្រាដោយឥន្ទ្រីត្រដាងស្លាបលើលំហអាកាស (សហរដ្ឋអាមេរិក)»។ លោក Panelo លើកឡើងបែបនេះ។
តាមការចុះផ្សាយរបស់ទីភ្នាក់ងារព័ត៌មាន Asia News Network លោកអ្នកនាំពាក្យ Panelo អះអាងទៀតថា លោកប្រធានាធិបតី ឌូទើតេ ក៏ទទូចឲ្យមេដឹកនាំអាស៊ានកុំជ្រើសយក ឬបង្ខំឲ្យរើសម្ខាងៗ ។ ត្រង់នេះ លោក ឌូទើតេ លើកឡើងថា ទង្វើនេះ គឺជា «កំហុសឆ្គងផ្នែកយុទ្ធសាស្ត្រ» មួយដែលមេដឹកនាំហ្វីលីពីនពីអតីតកាលបានប្រព្រឹត្ត ដែលបច្ចុប្បន្នរដ្ឋាភិបាលក្រុងម៉ានីលកំពុងកែតម្រូវតាមរយៈគោលនយោបាយការបរទេសឯករាជ្យ។
បន្ថែមពីសំណើឲ្យមានជំហរឯករាជ្យចំពោះមុខការប្រកួតប្រជែងដ៏ស្រួចស្រាល់រវាងមហាអំណាច មេដឹកនាំហ្វីលីពីនវ័យ៧៤ឆ្នាំរូបនេះ ក៏ទទូចឲ្យមេដឹកនាំនៃអង្គការតំបន់អាស៊ានឲ្យអនុវត្តការអត់ធ្មត់រៀងខ្លួនក្នុងជម្លោះសមុទ្រចិនខាងត្បូង។ សម្រាប់លោក ហ្វីលីពីនប្តេជ្ញាតាំងចិត្តពន្លឿនការចរចាលើក្រុមប្រតិបត្តិ (COC) រវាងអាស៊ាននិងចិន ក្នុងជម្លោះដែនទឹកនេះ។
សូមបញ្ជាក់ថា កិច្ចប្រជុំកំពូលអាស៊ានលើកទី៣៥ និងជំនួបកំពូលពាក់ព័ន្ធ រៀបចំឡើងនៅប្រទេសថៃ រយៈពេល៣ថ្ងៃ ពោលគឺចាប់ពីថ្ងៃ២-៤ វិច្ឆិកា ក្រោមមូលបទ«ជំរុញភាពជាដៃគូសម្រាប់ចីរភាព»៕
ក្នុងសេចក្តីថ្លែងការណ៍ នៅថ្ងៃសៅរ៍ ២ វិច្ឆិកា អ្នកនាំពាក្យប្រធានាធិបតីហ្វីលីពីន លោក Salvador Panelo បញ្ជាក់ឲ្យដឹងថា លោក រ៉ូឌ្រីហ្គោ ឌូទើតេ បានជជែកពិភាក្សាស្តីពីទិដ្ឋភាពតំបន់ដែលកំពុងផ្លាស់ប្តូរពាក់ព័ន្ធចិននិងសហរដ្ឋអាមេរិក អំឡុងកិច្ចប្រជុំអាស៊ានពេញអង្គលើកទី៣៥។
«យើង គិតសម្គាល់ថា ប្រធានាធិបតី ឌូទើតេ ក៏បានពិភាក្សាពីទិដ្ឋភាពដែលកំពុងប្រែប្រួល ដែលទទួលស្គាល់ពីការងើបឡើងរបស់នាគ (ចិន) ក្នុងពិភពលោកដែលនៅត្រួតត្រាដោយឥន្ទ្រីត្រដាងស្លាបលើលំហអាកាស (សហរដ្ឋអាមេរិក)»។ លោក Panelo លើកឡើងបែបនេះ។
តាមការចុះផ្សាយរបស់ទីភ្នាក់ងារព័ត៌មាន Asia News Network លោកអ្នកនាំពាក្យ Panelo អះអាងទៀតថា លោកប្រធានាធិបតី ឌូទើតេ ក៏ទទូចឲ្យមេដឹកនាំអាស៊ានកុំជ្រើសយក ឬបង្ខំឲ្យរើសម្ខាងៗ ។ ត្រង់នេះ លោក ឌូទើតេ លើកឡើងថា ទង្វើនេះ គឺជា «កំហុសឆ្គងផ្នែកយុទ្ធសាស្ត្រ» មួយដែលមេដឹកនាំហ្វីលីពីនពីអតីតកាលបានប្រព្រឹត្ត ដែលបច្ចុប្បន្នរដ្ឋាភិបាលក្រុងម៉ានីលកំពុងកែតម្រូវតាមរយៈគោលនយោបាយការបរទេសឯករាជ្យ។
បន្ថែមពីសំណើឲ្យមានជំហរឯករាជ្យចំពោះមុខការប្រកួតប្រជែងដ៏ស្រួចស្រាល់រវាងមហាអំណាច មេដឹកនាំហ្វីលីពីនវ័យ៧៤ឆ្នាំរូបនេះ ក៏ទទូចឲ្យមេដឹកនាំនៃអង្គការតំបន់អាស៊ានឲ្យអនុវត្តការអត់ធ្មត់រៀងខ្លួនក្នុងជម្លោះសមុទ្រចិនខាងត្បូង។ សម្រាប់លោក ហ្វីលីពីនប្តេជ្ញាតាំងចិត្តពន្លឿនការចរចាលើក្រុមប្រតិបត្តិ (COC) រវាងអាស៊ាននិងចិន ក្នុងជម្លោះដែនទឹកនេះ។
សូមបញ្ជាក់ថា កិច្ចប្រជុំកំពូលអាស៊ានលើកទី៣៥ និងជំនួបកំពូលពាក់ព័ន្ធ រៀបចំឡើងនៅប្រទេសថៃ រយៈពេល៣ថ្ងៃ ពោលគឺចាប់ពីថ្ងៃ២-៤ វិច្ឆិកា ក្រោមមូលបទ«ជំរុញភាពជាដៃគូសម្រាប់ចីរភាព»៕
Tag:
ហ្វីលីពីន
អាស៊ាន
ឌូទើតេ
© រក្សាសិទ្ធិដោយ thmeythmey.com
