បេក្ខជនកម្ពុជាចុងក្រោយឆ្លងផុត៤៨ម៉ោង ក្នុងកម្មវិធីឈរដាក់បាតដៃ លើរថយន្ត Subaru

អត្ថបទពាណិជ្ជកម្ម

បេក្ខជនកម្ពុជាចុងក្រោយឆ្លងផុត៤៨ម៉ោង ក្នុងកម្មវិធីឈរដាក់បាតដៃ លើរថយន្ត Subaru

04, Nov 2019 , 2:46 pm

រូបភាព

ដោយ: ថ្មីៗ

បេក្ខជន ទូច ស៊ិញ ជាបេក្ខភាពពីកម្ពុជាមួយរូបគត់ ក្នុងចំណោមគ្នា១០នាក់ អាចឆ្លងផុតរយ:ពេល៤៨ម៉ោង នាការប្រកួតឈរដាក់បាតដៃលើរថយន្ត ស៊ូបារុ មេឌាខប (Subaru Palm Challenge 2019) ដែលប្រព្រឹត្តទៅ នៅប្រទេសសិង្ហបុរី។ គិតត្រឹមថ្ងៃទី៤ ខែវិច្ឆិកានេះ គឺឆ្លងផុត២យប់ ៣ថ្ងៃរួចហើយ សម្រាប់កម្មវិធីប្រកួតដែលមានរយៈពេល៤ថ្ងៃ ពីថ្ងៃទី២ ដល់ទី៥។ ស៊ិញ កំពុងឆ្ពោះលើផ្លូវ ដើម្បីឈានទៅរកការឈ្នះពានរថយន្ត Subaru តម្លៃជិត ៦ម៉ឺនដុល្លារអាមេរិកក្រោយបង្ហាញការជឿជាក់ខ្លាំងក្លា។

យុវជន ទូច ស៊ិញ អាយុ២៣ឆ្នាំ មកពីខេត្តសៀមរាប នៅតែបង្ហាញការជឿជាក់យ៉ាងខ្លាំងជាមួយនឹងតំណែងជើងឯក កម្មវិធីដាក់បាតដៃលើរថយន្ត ដែលរៀបចំដោយក្រុមហ៊ុនម៉ូតូអ៊ីនមេចខេមបូឌា ដែលនាំចូលផ្តាច់មុខរថយន្ត Subaru ពីប្រទេសជប៉ុនមកកម្ពុជា។

បេក្ខជន ទូច ស៊ិញ និងអ្នកត្រួតពិនិត្យ

«បានមកដល់ពេលនេះទៅហើយ មិនអាចបោះបង់ជាដាច់ខាត។ ខ្ញុំអាចធ្វើបាន (ស៊ីផុយ) ក្នុងការឈ្នះពាននេះ»។ នេះជាការអះអាងដោយភាពជឿជាក់របស់ យុវជន ទូច ស៊ីញ។ យ៉ាងណា បេក្ខជនមកពីខេត្តសៀមរាបរូបនេះបន្ថែមថា ដើម្បីទទួលបានជ័យជម្នះក៏ត្រូវមានការគាំទ្រ ឬអ្នកកំដរ ពីសំណាក់សមាជិកក្រុម ដែលបោះបង់ការប្រកួតទៅហើយនោះផងដែរ។ លោក ស៊ិញបញ្ជាក់ថា កំដរគឺកុំឲ្យធុញ និងងងុយគេង។ ស៊ិញ ក៏បានទទួលប្រាក់រង្វាន់១,០០០ដុល្លារផងដែរ ពីព្រឹត្តិការណ៍នេះ ក្នុងនាមបេក្ខជនកម្ពុជាចុងក្រោយគេ។

Subaru Palm Challenge 2019 តម្រូវឲ្យបេក្ខជនឈរដាក់បាតដៃលើរថយន្ត (ទាំងថ្ងៃទាំងយប់) យូរជាងគេ ដោយក្នុងនោះរថយន្តមួយគ្រឿង មានបេក្ខជន៤០នាក់ ដាក់ដៃលើ។ បេក្ខជនទាំងអស់ មានពេលសម្រាក៥នាទី ក្នុង៦ម៉ោងម្តង ដើម្បីបរិភោគអាហារ សម្រួលសរសៃ និងបត់ដៃបត់ជើងជាដើម។

គិតត្រឹមថ្ងៃទី៣នៃការប្រកួ បេក្ខជនកម្ពុជាសល់១នាក់ ម៉ាឡេស៊ី២នាក់ ថៃ៣ វៀតណាម២ ហ្វីលីពីន២ និងម្ចាស់ផ្ទះសិង្ហបុរី ៣៧រូប ខណ: ចិន ឆាយនីសតាយប៉ិ និងហុងកុងអស់បេក្ខភាព។

សូមបញ្ជាក់ថា ការប្រកួតដាក់បាតដៃលើរថយន្ត Subaru លើកទី១៨នេះ មាន៩ប្រទេសចូលរួមដូចជា កម្ពុជា សិង្ហបុរី ម៉ាឡេស៊ី ហ្វីលីពីន ហុងកុង ឆាយនីសតាយប៉ិ ថៃ វៀតណាម និងចិន ដែលការប្រកួតនេះមានរយ:ពេល៤ថ្ងៃ ពីថ្ងៃទី២ ដល់ទី៥ ខែវិឆ្ឆិកា។ ចំណោមបេក្ខភាពទាំង៤០០រូប ម្ចាស់ផ្ទះសិង្ហបុរីមានសមាជិកចូលរួមប្រកួតរហូតដល់៣២០នាក់ និង១០នាក់ពីប្រទេសនីមួយៗ ដើម្បីប្រជែងយករង្វាន់ធំ គឺឡានស៊េរីថ្មី Subaru XV 2.0i-S EyeSight ដែលមានតម្លៃប្រហែល ៥៦៥០០ដុល្លារអាមេរិក និងប្រាក់រង្វាន់ជាច្រើនទៀត៕