អត្ថបទពាណិជ្ជកម្ម
វីងទទួលការចាប់អារម្មណ៍កាន់តែខ្លាំងនៅពិព័រណ៍ការងារ និងផលិតភាពជាតិ ២០១៩
×![]()
ដោយ: ថ្មីៗ
ធនាគារឯកទេស វីង (ខេមបូឌា) លីមីតធីត ដែលជាធនាគារឈានមុខគេ ក្នុងការផ្តល់សេវាធនាគារចល័តនៅកម្ពុជា ទទួលបានការចាប់អារម្មណ៍ពីសំណាក់អ្នកចូលរួមជាច្រើននាក់ នៅក្នុងពិព័រណ៍ការងារ និងផលិតភាពជាតិឆ្នាំ២០១៩ ដែលត្រូវបានរៀបចំឡើងកាលពីថ្ងៃទី២ និងទី៣ វិច្ឆិកាកន្លងទៅ នៅអគារពាណិជ្ជកម្ម និងពិព័រណ៍កោះពេជ្រ។
លោក ឡៅ សៀងហៃ នាយកផ្នែកធនធានមនុស្ស នៃធនាគារឯកទេស វីង បានឲ្យដឹងថានៅឆ្នាំនេះ មានបេក្ខជនកាន់តែច្រើន បានសាកសួរព័ត៌មានពីក្រុមការងារធនាគារឯកទេស វីង (វេមបូឌា) លីមីធីត ហើយពួកគេបានបង្ហាញការចាប់អារម្មណ៍យ៉ាងខ្លាំង ចំពោះឱកាសការងារ ក៏ដូចជាផលិតផលរបស់ វីង ដែលកំពុងបម្រើអតិថិជននៅលើទីផ្សារ។
ពិព័រណ៍ការងារ និងផលិតភាពជាតិឆ្នាំ២០១៩ ត្រូវបានរៀបចំដោយក្រសួងការងារ និងបណ្តុះបណ្តាលវិជ្ជាជីវៈ សម្រាប់និយោជក អ្នកផ្តល់ការអប់រំបណ្តុះបណ្តាល អ្នកស្វែងរកការងារធ្វើ និងកម្មករនិយោជិត ក្នុងការទទួលបានឱកាសការងារ ជ្រើសរើសបុគ្គលិក និងចែករំលែកព័ត៌មានទីផ្សារការងារ។
លោក ឡៅ សៀងហៃ បានបន្ថែមទៀតថា៖«វីងមិនត្រឹមតែជាអ្នកផ្តល់សេវាកម្មហិរញ្ញវត្ថុដ៏ធំ និងគួរឱ្យទុកចិត្តបំផុត នៅក្នុងប្រទេសកម្ពុជាប៉ុណ្ណោះទេ ប៉ុន្តែវីង ក៏ជាកន្លែងដ៏ល្អបំផុត សម្រាប់ធ្វើការផងដែរ ដោយផ្តោតលើការយកចិត្តទុកដាក់ការថែរក្សា និងការទំនាក់ទំនង ដោយមើលទៅលើការគ្រប់គ្រងល្អ ការអភិវឌ្ឍ និងការច្នៃប្រឌិតរបស់បុគ្គលិក»។
គួររំលឹកផងដែរថា វីង ទើបតែទទួលបានពានរង្វាន់និយោជកឆ្នើម ប្រចាំតំបន់អាស៊ី នៅក្នុងកម្មវិធី Asia’s Best Employer Brands 2019 ដែលរៀបចំឡើងដោយវិទ្យាស្ថាន Employer Branding នៅប្រទេសសិង្ហបុរី នៅ ខែសីហា ឆ្នាំ ២០១៩ កន្លងទៅ។ ហើយនោះពាននេះ ក៏ពានរង្វាន់ទី៤ ដែលវីងបានទទួលផងដែរ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
