ជាតិ
ពលរដ្ឋខ្មែររស់នៅថៃ៥០នាក់ ដែលព្យាយាមចូលមកកម្ពុជា ត្រូវបានអាជ្ញាធរខ្មែរ ហាមឃាត់
អាជ្ញាធរហាមពលរដ្ឋខ្មែររស់នៅថៃ ដែលចូលមកកម្ពុជាតាមស្ពានមិត្តភាពកម្ពុជា-ថៃ នៅថ្ងៃទី៩ វិច្ឆិកា
×![]()
ប៉ោយប៉ែត ,បន្ទាយមានជ័យ៖ ពលរដ្ឋខ្មែររស់នៅ និងធ្វើការនៅថៃ៥០នាក់ ដែលព្យាយាមចូលមកកម្ពុជា ត្រូវបានអាជ្ញាធរខ្មែរហាមឃាត់។ នេះបើតាមអ្នកស្រី អ៊ីសា រ៉ហានី ក្រុមការងារសារព័ត៌មានថ្មីៗ ដែលបានចុះផ្ដិតយករូបភាព នៅច្រកព្រំដែនប៉ោយប៉ែត នាថ្ងៃទី៩ វិច្ឆិកានេះ។
ក្រុមការងារសារព័ត៌មានថ្មីៗ បានរាយការណ៍មកថា ពលរដ្ឋខ្មែរទាំង៥០នាក់នេះ ត្រូវបានអាជ្ញាធរខ្មែរប្រចាំច្រកព្រំដែនប៉ោយប៉ែត បញ្ជូនពួកគាត់ឱ្យចូលក្នុងប្រទេសថៃវិញ ដោយរង់ចាំឱ្យផុតថ្ងៃទី៩ វិច្ឆិកានេះ ទើបអនុញ្ញាតឱ្យចូលមកកម្ពុជាធម្មតាវិញ។ បើតាមអ្នកសារព័ត៌មានថ្មីៗ ពលរដ្ឋខ្មែរទាំង៥០នាក់នេះ បានព្យាយាមឆ្លងចូលមកកម្ពុជា តាមស្ពានមិត្តភាពកម្ពុជា-ថៃ នៃច្រកព្រំដែនប្រទេសទាំងពីរ។ ដោយឡែកភ្ញៀវទេសចរបរទេសនៅប្រទេសថៃ ដែលឆ្លងដែនចូលមកកម្ពុជានោះ គឺអាជ្ញាធរអនុញ្ញាតធម្មតា។ នេះបើតាមអាជ្ញាធរ ដែលបានប្រាប់ក្រុមការងារសារព័ត៌មានថ្មីៗ ៕
Tag:
ប៉ោយប៉ែត
នយោបាយ
CNRP
ព្រំដែន
© រក្សាសិទ្ធិដោយ thmeythmey.com
