កីឡាអន្តរជាតិ
អន្តរជាតិ
អូឡាំពិក២០២០៖ សំបុត្រជាង១ពាន់សន្លឹក នឹងដាក់លក់ដោយការចាប់ឆ្នោតតាមអនឡាញ
× អ្នករៀបចំការប្រកួតកីឡាអូឡាំពិក ឆ្នាំ២០២០ ក្រុងតូក្យូ នៅថ្ងៃទី៨ ខែវិច្ឆិកា ថាពួកគេនឹងដាក់លក់សំបុត្រប្រមាណជាង១លានសន្លឹកបន្ថែមទៀតសម្រាប់ទស្សនាកីឡាប្រដាល់ ដោយដាក់លក់តាមការចាប់ឆ្នោតជាលើកដំបូង។
ដោយឡែក សំបុត្រសម្រាប់កីឡារត់ម៉ារ៉ាតុងអូឡាំពិកដែលត្រៀមផ្លាស់ប្តូរទីតាំងពីក្រុងតូក្យូ ទៅភាគខាងជើងក្រុង Sapporo ដោយសារភ័យខ្លាចការឡើងកម្តៅនោះនៅមិនទាន់ផ្តល់ជូនឡើយ។
ការដាក់លក់សំបុត្រតាមរយៈការចាប់ឆ្នោតលើអ៊ីនធឺណិតនេះ ត្រូវកំណត់សម្រាប់ប្រជាជនដែលរស់នៅប្រទេសជប៉ុនស្រាប់ ចាប់ផ្តើមពីថ្ងៃទី១៣ ខែវិច្ឆិកា ដល់ថ្ងៃទី២៦ ខែវិច្ឆិកា និងចុងក្រោយត្រូវផ្តល់ជូនសម្រាប់តែប្រជាជនរបស់ប្រទេសម្ចាស់ផ្ទះ។ សម្រាប់ការលក់តាមលក្ខខណ្ឌផ្សេងទៀតនឹងចាប់ផ្តើមនៅនិទាឃរដូវ។
យ៉ាងណាក៏ដោយ សំបុត្រនឹងមិនមានសម្រាប់កីឡារត់ម៉ារ៉ាតុងឡើយ ដ្បិតអ្នករៀបចំធ្វើការពី របៀបដោះស្រាយលើការលក់សំបុត្រផ្សេងទៀត បន្ទាប់ពីផ្លាស់ប្តូរទីតាំងប្រកួតប្រជែងទៅ Sapporo។ អ្វីដែលពិបាក សំបុត្រចំនួន៧ពាន់សន្លឹកត្រូវបានលក់រួចហើយ តាំងពីមុនការផ្លាស់ប្តូរនេះ។
ក្រុមមន្ត្រីដែលធ្វើការលើការងារនេះ បញ្ជាក់ថាពួកគេមានការព្រួយបារម្ភពីភាពយឺតយ៉ាវក្នុងការលក់សំបុត្របន្ទាប់ពីមានការកើនឡើងចំនួនអ្នកចង់ទិញសំបុត្រនៅពេលដាក់លក់ដំបូង។ ក្រៅពីនេះ លោក Masaaki Komiya អគ្គនាយករងនៃគណៈកម្មាធិការរៀបចំកីឡាអូឡាំពិកជប៉ុន បានអះអាងថាលោកក៏ព្រួយបារម្ភអំពីរយៈចម្ងាយផងដែរ ក្រោយការប្តូរទីតាំងប្រកួត។
សូមបញ្ចាក់ថា ព្រឹត្តិការណ៍កីឡាអូឡាំពិកឆ្នាំ២០២០ ក្នុងក្រុងតូក្យូ ប្រទេសជប៉ុន ដែលមាន៣៣៩វិញ្ញាសា ដែលមាន៣៣ប្រភេទកីឡា នឹងប្រព្រឹត្តទៅចាប់ពីថ្ងៃទី២៤ ខែកក្កដា ដល់ថ្ងៃទី៩ ខែសីហាឆ្នាំ២០២០៕
Tag:
កីឡាអូឡាំពិក
ជប៉ុន
© រក្សាសិទ្ធិដោយ thmeythmey.com