កីឡាជាតិ
ជាតិ
AFC U19៖ កម្ពុជាត្រូវការឈ្នះព្រុយណេនៅល្ងាចនេះ ដើម្បីប្រជែងកៅអីទៅវគ្គបន្ត
× ក្រុមកីឡាករជម្រើសជាតិអាយុក្រោម១៩ឆ្នាំកម្ពុជាត្រូវបើកទ្វារពហុកីឡដ្ឋានជាតិស្វាគមន៍ព្រុយណ សម្រាប់ជំនួបវគ្គជម្រុះ AFC U19 Championship នៅម៉ោង៦:៣០នាទីល្ងាចថ្ងៃទី១០ ខែវិច្ឆិកា នេះ។ នៅម៉ោង៣:៣០នាទីរសៀលថ្ងៃអាទិត្យនេះដែរ U19 ម៉ាឡេស៊ីតទល់ជាមួយថៃ។
កម្ពុជាត្រូវការឈ្នះព្រុយណេដាច់ខាតក្នុងជំនួបចុងក្រោយរបស់ខ្លួននៅល្ងាចនេះដើម្បីប្រជែងកៅអីឡើងទៅវគ្គបន្តនៃព្រឹត្តិការណ៍ AFC U19 Championshp 2020 បើពុំនោះទេឱកាសរបស់ពួកគេអាចនឹងបាត់បង់។ បច្ចុប្បន្នកម្ពុជាស្ថិតនៅលេខរៀងទី២ក្នុងពូល G មាន៦ពិន្ទុ ក្រោយយកឈ្នះថៃ និងកោះម៉ារីណាខាងជើង។
តែយ៉ាងណាកម្ពុជាត្រូវរង់ចាំមើលលទ្ធផលប្រកួតរវាងក្រុមកំពូលតារាង U19 ម៉ាឡេស៊ីជាមួយថៃ ដែលធ្វើឡើងនៅម៉ោង៣:៣០នាទីរសៀលនេះជាមុនសិន។ បើម៉ាឡេស៊ីអាចយកឈ្នះថៃ នោះពួកគេនឹងទទួលបានកៅអីឡើងទៅវគ្គបន្តដោយស្វ័យប្រវត្តិក្នុងនាមតំណាងឲ្យពូល G។
បើម៉ាឡេស៊ីអាចយកឈ្នះថៃ ហើយកម្ពុជាអាចយកឈ្នះព្រុយណេនៅល្ងាចនេះ ក៏មិនប្រាកដថា កម្ពុជាអាចឡើងទៅវគ្គបន្តនោះដែរ ព្រោះត្រូវប្រជែងជាមួយក្រុមចំណាត់ថ្នាក់លេខ២ មកពីពូលផ្សេងៗទៀត៕
Tag:
បាល់ទាត់
AFC U19 Championship
U19 កម្ពុជា
© រក្សាសិទ្ធិដោយ thmeythmey.com