អន្តរជាតិ
ពីឆ្វេងទៅស្តាំ៖ Dwayne Johnson, លោក Chris Hemsworth (ដើរតួ Thor) និង Robert Downey Jr (ដើរតួ Ironman)
×![]()
លោក Dwayne Johnson ដែលគ្រប់គ្នាស្គាល់ថា «The Rock» ជាប់ឈ្មោះជាតារាសម្តែងប្រុសមានតម្លៃខ្លួនខ្ពស់បំផុតរបស់ Hollywood សម្រាប់ពេល២ឆ្នាំផ្ទួនៗគ្នា។ យោងតាមរបាយការណ៍របស់ទស្សនាវដ្តី Forbes អតីតអត្តពលិកកីឡាកាសរូបនេះ បានរកចំណូលសរុប ៨៩,៤លានដុល្លារ ក្នុងរយៈពេល១ឆ្នាំ។
លោក Jonhson តាមពីក្រោយដោយតារាសម្តែងក្នុងចក្រវាល Marvel គឺលោក Chris Hemsworth (ដើរតួ Thor) និង Robert Downey Jr (ដើរតួ Ironman) ។ សម្រាប់លោក Hemsworth ត្រូវបានរាយការណ៍ថា រកចំណូលសរុបប្រមាណ ៧៦,៤លានដុល្លារ ខណៈលោក Downey Jr តាមពីក្រោយជាមួយចំណូលសរុប ៦៦លានដុល្លារ។
តារាសម្តែងក្នុងចក្រវាល Marvel ផ្សេងទៀត ដូចជា លោក Bredley Cooper (ដើរតួ Rocket Raccoon) ជាប់ចំណាត់ថ្នាក់លេខ៦ ជាមួយចំណូលសរុប ៥៧ លានដុល្លារ, លោក Chris Evans (ដើរតួ Captain America) ជាប់លេខ៨ ជាមួយចំណូលសរុប ៤៣,៥លានដុល្លារ ហើយលោក Paul Rudd (ដើរតួ Ant-man) ជាប់លេខ ៩ជាមួយចំណូលសរុប ៤១លានដុល្លារ។
ខណៈដែលបញ្ចីឈ្មោះតារាសម្តែងមានតម្លៃខ្លួនខ្ពស់ ត្រួតត្រាដោយតារាជនជាតិអាមេរិក តារាសម្តែងជនជាតិកាណាដាដើមកំណើតឥណ្ឌា គឺលោក Akshay Kumar ទទួលបានចំណាត់ថ្នាក់លេខ៤ ជាមួយចំណូល៦៥លានដុល្លារ ខណៈលោក Jackie Chan ដែលគ្រប់គ្នាស្គាល់ថា ឈិនឡុង ឈរនៅលេខរៀងទី៥ ជាមួយចំណូលសរុប៥៨លានដុល្លារ។
ចំណែក លោក Will Smith ដែលទើបសម្តែងជាតួ Genie ក្នុងរឿងអាឡាដាំងថ្មីរបស់ Disney ជាប់លេខ១០ ជាមួយចំណូលសរុប ៣៥លានដុល្លារហើយលោក Adam Sandler ជាប់លេខ៧ ជាមួយចំណូល៥៧លានដុល្លារ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
