ក្រុមហ៊ុន Kulara Water ដាំដើមឈើឡើងវិញនៅតំបន់ភ្នំគូលែន ដើម្បីរក្សាគុណភាពទឹក និងថែបរិស្ថាន

ជាតិ

សង្គមជាតិ

ក្រុមហ៊ុន Kulara Water ដាំដើមឈើឡើងវិញនៅតំបន់ភ្នំគូលែន ដើម្បីរក្សាគុណភាពទឹក និងថែបរិស្ថាន

11, Nov 2019 , 11:19 pm

រូបភាព

ដោយ:

សៀមរាប៖ ក្រុមហ៊ុន Kulara Water ដែលផលិតទឹករ៉ែធម្មជាតិ «អូគូលែន» បានអនុវត្តគម្រោងដាំដើមឈើកម្រ និងជិតផុតពួជ៣៣ប្រភេទឡើងវិញ នៅតំបន់ភ្នំគូលែន។ បើតាមកញ្ញា ជួប សុភី ប្រធានគម្រោងដាំដើមឈើនៃក្រុមហ៊ុន Kulara Water នៅឆ្នាំ២០១៨-២០១៩ ក្រុមហ៊ុន Kulara Water បានដាំដើមឈើចំនួន៥៥០៣ដើម និងមានគម្រោងដាំចំនួន ២ពាន់ដើមនៅឆ្នាំបន្តបន្ទាប់។

ក្រុមហ៊ុនផលិតទឹករ៉ែធម្មជាតិ «អូគូលែន» ដាំដើមឈើក្នុងបំណងការពារសម្បត្តិធម្មជាតិ និងធនធានទឹក ស្តារឡើងវិញប្រភេទដើមឈើកម្រ និង ជិតផុតពូជដែលមានប្រមាណ៣៣ប្រភេទ ដូចជា បេង,ធ្នង់,នាងនួន និងក្រញូងជាដើម។ នេះជាការបញ្ជាក់របស់កញ្ញា ជួប សុភី ដែលបានពន្យល់បន្ថែមថា៖«ការដាំដើមឈើ នឹងផ្តល់អត្ថប្រយោជន៍ជួយបរិស្ថាន,ស្តារព្រៃឈើឡើងវិញដែលជាជម្រកសត្វ និងរក្សាទឹកនៅក្រោម ដីឲ្យល្អបរិសុទ្ធបែបធម្មជាតិ ជៀសវាងការឆ្លងមេរោគផ្សេងៗ នៅតំបន់ភ្នំ គូលែន»។

អត្ថបទទាក់ទង

លក្ខណៈពិសេសរបស់ទឹកនៅតំបន់ភ្នំគូលែន ធ្វើឲ្យទឹករ៉ែធម្មជាតិអូគូលែន ជាទឹករ៉ែដំបូងគេនៅកម្ពុជា

ហេតុអ្វីទឹករ៉ែធម្មជាតិ អូ គូលែន ត្រូវបានយកចេញពីតំបន់ភ្នំគូលែន?

ក្មេងៗអាយុក្រោម១០ឆ្នាំ នៅលើភ្នំគូលែន ជួយបណ្ដុះ និងដាំកូនឈើឡើងវិញ

ប្រធានគម្រោងដាំដើមឈើរូបនេះ បន្តថា គ្រប់ដើមឈើដែលដាំរួចលើផ្ទៃដី ១០ហិកតាហើយនោះ គឺស្ថិតក្រោមការថែទាំដោយយកចិត្តទុកដាក់ ពីក្រុមហ៊ុន Kulara។ ជាមួយគ្នានេះ ក្រុមហ៊ុន Kulara Water បានទិញដីបន្ថែមចំនួន ៣២ ហិកតានៅជើងភ្នំគូលែន បន្ថែមលើផ្ទៃដីដែលមានស្រាប់ចំនួន ៨ ហិកតា ហើយដីទាំង៣២ហិកតានេះ នឹងត្រូវដាំដើមឈើកម្រ៣៣ប្រភេទឡើងវិញ។ ក្នុងមួយឆ្នាំ ក្រុមហ៊ុន Kulara Water នឹងដាំចំនួន ២ ពាន់ដើម។ នេះជាការបន្ថែមរបស់កញ្ញា ជួប សុភី។

សូមបញ្ជា្កក់ថា ក្រៅពីដាំដើមដើមឈើលើផ្ទៃដីរបស់ខ្លួនហើយនោះ ក្រុមហ៊ុន Kulara Water បានសហការជាមួយអង្គការ មូលនិធិបុរាណវិទ្យា និងការអភិវឌ្ឍ(ADF) ដាំដើមឈើជាច្រើនទៀតនៅភ្នំគូលែនផងដែរ ដើម្បីចូលរួមសា្តរព្រៃឈើដែលបាត់បង់ឡើងវិញ៕