សម្តេច ហ៊ុន សែន៖ មកកម្សាន្តឲ្យច្រើននាថ្ងៃអុំទូកចុងក្រោយ ហើយកុំជឿការបំប៉ោងបញ្ហាសន្តិសុខ

ជាតិ

សម្តេច ហ៊ុន សែន៖ មកកម្សាន្តឲ្យច្រើននាថ្ងៃអុំទូកចុងក្រោយ ហើយកុំជឿការបំប៉ោងបញ្ហាសន្តិសុខ

12, Nov 2019 , 11:29 am

រូបភាព

ដោយ: ថ្មីៗ

ប្រមុខរាជរដ្ឋាភិបាលកម្ពុជា តាមរយៈទំព័រហ្វេសប៊ុករបស់ខ្លួន បានអំពាវនាវឲ្យប្រជាពលរដ្ឋ ដើរលេងកម្សាន្តឲ្យបានច្រើនកុះករ នៅក្នុងព្រះរាជពិធីបុណ្យអុំទូក ថ្ងៃចុងក្រោយនេះ។ ទន្ទឹមនឹងការអំពាវនាវនេះ សម្តេច ហ៊ុន សែន បានធានាចំពោះសុវត្ថិភាពប្រជាពលរដ្ឋ នៅក្នុងអំឡុងពេលដើរកម្សាន្តបុណ្យអុំទូក និងរំឭកពលរដ្ឋកុំឲ្យជឿពាក្យចចាមអារាម ទាក់ទិននឹងបញ្ហាសន្តិសុខ ដែលសម្តេចថា ត្រូវគេប្រឌិតឡើងនោះ។

សម្តេច ហ៊ុន សែន បានសរសេរដូច្នេះ៖ «រាជរដ្ឋាភិបាលសូមធានាជូននូវសន្តិសុខដល់បងប្អូនប្រជាពលរដ្ឋ មិនឲ្យមានអ្វីកើតឡើងឡើយ ជាពិសេស ក្នុងរដូវបុណ្យទាននេះតែម្តង។ សូមកុំជឿពាក្យភូតកុហក ដោយក្រុមបំពុលសង្គមមួយចំនួនតូច ដែលមិនចង់ឃើញពីការរីកចម្រើន របស់ប្រទេសជាតិ»៕