ជាតិ
វីដេអូ
×![]()
ភ្នំពេញ៖ លោក ផាន គឺជាអ្នកលក់ការ៉េមកី-បាញ់ព្រួញ និងចាប់ចង្កឹះតាមម៉ូតូនៅរាជធានីភ្នំពេញ។ បុរសដែលមានស្រុកកំណើតនៅខេត្តកណ្ដាលរូបនេះ ប្រកបរបរលក់ការ៉េមកីនេះរយៈពេល៨ឆ្នាំមកហើយ ដោយក្នុង១ថ្ងៃ លោក ផាន រកចំណូលបានត្រឹម៥ម៉ឺនប៉ុណ្ណោះ។ បើទោះបីរបរនេះ មិនសូវពេញនិយមដូចមុនក្ដី ក៏លោក ផាន មិនបោះបង់ដែរ។ 
ដើម្បីជ្រាបច្បាស់ សូមអញ្ជើញទស្សនាបទសម្ភាសរវាងកញ្ញា ញឹក ស្រីល័ក្ខ អ្នកសារព័ត៌មាន ThmeyThmey.com ជាមួយលោក ផាន ដែលជាអ្នកលក់ការ៉េមដូចតទៅ៖
ការ៉េមកីដែលដឹកតាមម៉ូតូរបស់លោក ផាន មានតម្លៃ ៥០០រៀល ក្នុងមួយដើម។ ក្រៅពីលក់ការ៉េមកី លោក ផាន បានបង្កើតរបរអមជាមួយការ៉េមកី គឺបាញ់ព្រួញ និងចាប់ចង្កឹះរាប់លេខយករង្វាន់ ឬលុយផងដែរ។ បើតាមលោក ផាន របរនេះ មិនសូវពេញនិយមដូចមុនឡើយ ពីមុនលោក ផាន អាចចំណូលបាន៦ទៅ៧ម៉ឺនរៀលក្នុងមួយថ្ងៃ។ បើតាមលោក ផាន បាញ់ព្រួញម្ដង៥០០រៀល ឬចាប់ចង្កឹះមួយដង ៥០០រៀល ប៉ុន្តែបើបាញ់ ឬចាប់ចង្កឹះមិនត្រូវ គឺបានការ៉េមកីមួយដើម។
អតិថិជនគោលដៅរបស់លោក ផាន គឺក្មេងៗ ដោយលោក ផាន ចាប់ផ្ដើមចេញលក់នៅម៉ោង៦ព្រឹក និងចូលផ្ទះវិញនៅម៉ោង៤-៥ល្ងាច។ អ្នកលក់ការ៉េមកីរូបនេះ បន្ថែមថា របរនេះ អាចនឹងបាត់បង់ ព្រោះអ្នកលក់នៅសល់តែ៥-៦នាក់ប៉ុណ្ណោះ៕
Tag:
ការ៉េម
បាញ់ព្រួញ
© រក្សាសិទ្ធិដោយ thmeythmey.com
