អត្ថបទ៖ ស៊ីធី
ONE Championship បានរៀបចំការប្រកួតលើកចុងក្រោយសម្រាប់ឆ្នាំ ២០១៩ នេះនៅក្រុងម៉ានីល ប្រទេសហ្វីលីពីនប្រកបដោយយ៉ាងជោគជ័យនៅសង្វៀន Mall Of Asia Arena ដែលគេឲ្យឈ្មោះថាកម្មវិធី ONE: MASTERS OF FATE។ កីឡាករកីឡាការិនីដែលឈ្នះចំនួន ៥ រូបអាចឈានឡើងទៅកម្រិតខ្ពស់មួយទៀតដើម្បីឆ្ពោះទៅដណ្តើមជើងឯកពិភពលោក។
ខាងក្រោមនេះកីឡាករកីឡាការិនី ៥ រូបដែលអាចឈានទៅកម្រិតខ្ពស់មួយទៀតនៅឆ្នាំ ២០២០។
Eduard Folayang
វីរបុរសហ្វីលីពីន Eduard Folayang ឬ គេហៅថា «Landslide» អាចមិនឈ្នះដោយស្រួលនោះទេ ប៉ុន្តែ ជាជ័យជម្នះដោយបច្ចេកទេសយ៉ាងល្អលើកីឡាករ Amarsanaa Tsogookhuu ឬ គេហៅថា «Spear»។ ជើងខ្លាំងហ្វីលីពីន ត្រលប់មកទទួលជ័យជម្នះវិញ និង នៅតែជាបេក្ខភាពដណ្ដើមខ្សែក្រវាត់ពិភពលោកនាកម្មវិធីប្រកួតលើកក្រោយ។ គេអាចនឹងជួបកីឡាករលំដាប់កំពូលដទៃទៀតនាការប្រកួតបន្ទាប់។ ក្នុងនោះកីឡាករធ្លាប់ឡើងវគ្គពាក់កណ្ដាលផ្ដាច់ព្រ័ត្រ ONE Lightweight World Grand Prix កីឡាករ Ariel Sexton ដែលកំពុងឡើងជើងសក្ដិសមប៉ះ Folayang។ កីឡាករខ្សែក្រវាត់ខ្មៅជីជិតស៊ូ និង ជាអ្នកបញ្ចប់គូប្រកួតបានយ៉ាងល្អនៅលើក្ដារេញឬ ជំហរដេក ជាអ្នកប្រយុទ្ធដ៏អង់អាច និង ជាកីឡាករដែលអាចតេស្តសមត្ថភាពប៉ះកីឡាករដ៏អស្ចារ្យលំដាប់ពិភពលោក។
Sangmanee Sathian MuayThai
នេះជាការបង្ហាញខ្លួនលើកដំបូងរបស់តារាថៃវ័យក្មេងកីឡាករ Sangmanee Sathian MuayThai ឬ មានឈ្មោះហៅក្រៅថា «The Million Dollar Baby» ទទួលបានលទ្ធផលជាទីពេញចិត្ត បន្ទាប់ពីគ្រប់គ្រងការប្រកួតបានល្អលើ Azize Hlali។ ម្ចាស់ខ្សែក្រវាត់ Rajadamnern និង Lumpinee Stadium Muay Thai World Champion នឹងឡើងប្រកួតកម្រិតកំពូលបន្តទៀតនៅសង្វៀន ONE ក្រោយពីរការចាប់ផ្ដើមបានយ៉ាងល្អ។ កីឡាករជំនាញកណ្ដាប់ដៃ Rodlek PK.Saenchaimuaythaigym អាចជាការតេស្តសមត្ថភាពដ៏ល្អរបស់គេ។ Rodlek PK.Saenchaimuaythaigym ទទួលជ័យជម្នះពីរលើកជាប់គ្នានៅសង្វៀន ONE។ បច្ចេកទេសរបស់ Sangmanee ពិតជាល្អណាស់ទល់នឹង Rodlek ដែលគេរំពឹងថាជាការប្រកួតអស្ចារ្យទល់នឹងគូប្រជែងនានា។ នេះអាចជាការប្រកួតដ៏ល្អមុននឹងឈានដណ្ដើមខ្សែក្រវាត់ពិភពលោកនាពេលខាងមុខ។
Geje Eustaquio
អតីតម្ចាស់ខ្សែក្រវាត់ ONE Flyweight World Champion កីឡាករ Geje Eustaquio ឬ ហៅក្រៅ «Gravity» បានទាត់ឲ្យ Toni Tauru ដើម្បីយកឈ្នះ ប៉ុន្តែ រូបគេត្រូវប្រឹងខ្លាំងដើម្បីឈានដល់កម្រិតកំពូលវិញនាពេលខាងមុខ។ កីឡាករដ៏សក្ដិសមម្នាក់ក្នុងចំណោមជើងខ្លាំងទាំងឡាយ គឺ Tatsumitsu Wada ដែលរូបគេតែងតែប្រកួតបានល្អបំផុត ក្នុងកម្រិតទម្ងន់ Flyweight World Champion ក្នុងការប្រកួតគុនចម្រុះ។ កីឡាករជប៉ុនអាចនឹងផ្ដល់មេរៀនដ៏ល្អដល់ Eustaquio ហើយរូបគេក៏មានជំនាញចាប់ដែលធ្លាប់ផ្ដល់ការប្រកួតឲ្យ Demetrious Johnson នាដើមឆ្នាំ។ យ៉ាងណាក្ដី «Gravity» នឹងបង្កើតឲ្យការប្រកួតជក់ចិត្តដើម្បីដណ្ដើមយកខ្សែក្រវាត់មកវិញ។
Stamp Fairtex
Stamp Fairtex ធ្វើបានល្អក្នុងការប្រកួតគុនចម្រុះនៅក្រុងម៉ានីលដោយឈ្នះពិន្ទុលើកីឡាករកូនកាត់វៀតណាម-អាមេរិក Bi Nguyen។ សុបិនរបស់កីឡាការិនីរូបនេះចង់ក្លាយជាកីឡាការិនីឈ្នះជើងឯក៣ស្ថាប័នរបស់ ONE World Champion។ Stamp អាចហក់ទៅជួបវីរនារី Priscilla Hertati Lumban Gaol។ «Thathie» ជាកីឡាការិនីល្អបំផុតមួយក្នុងប្រភេទទម្ងន់ atomweight និងអាចគំរាមកំហែងដល់កីឡាការិនីថៃ។ Stamp គួរតែសម្រួចក្បាច់ប្រយុទ្ធនៅលើក្តារេញរបស់ខ្លួន មុនពេលប្រជែងខ្សែក្រវាត់ទល់នឹង Angela Lee ឬ «Unstoppable»។
Li Kai Wen
Li Kai Wen ឬ មានឈ្មោះក្រៅ «The Underdog» បានវិលមកវិញលើសង្វៀនក្នុងការបង្ហាញខ្លួនទម្ងន់ bantamweight ទល់នឹង Paul Lumihi និង ផ្ដួលកីឡាករឥណ្ឌូណេស៊ីឲ្យសន្លប់នៅទឹកទី១។ កីឡាករបានចាប់ផ្ដើមការប្រកួតល្អឥតខ្ចោះក្នុងប្រភេទទម្ងន់ថ្មី។ គេជាបេក្ខភាពត្រូវប្រឈមនឹងជើងខ្លាំងផ្សេងទៀតនាប្រកួតបន្ទាប់ ហើយ John Lineker ឬ «Hands Of Stone» ជាដៃគូទំនងនឹងជួប។ «The Underdog» នឹងបង្កើតឲ្យមានការផ្ទុះសង្គ្រាមយ៉ាងល្អនៅលើសង្វៀនទល់នឹង John Lineker។
ជើងខ្លាំងទាំងពីរជាអ្នកជំនាញខាងកណ្ដាប់ដៃនៅសង្វៀន ONE។ គេទាំងពីរជាកីឡាករអាចឈានទៅដណ្ដើមខ្សែក្រវាត់ពី Bibiano Fernandes ឬ «The Flash» ទៅថ្ងៃអនាគត។
កម្មវិធីបន្ទាប់ សូមកុំភ្លេចទស្សនាកម្មវិធីប្រកួតបន្ទាប់នៅ ONE: AGE OF DRAGONSនៅ ថ្ងៃ ទី ១៦ វិច្ឆិកា ខាងមុខ ពីប៉េកាំង ចាប់ពីម៉ោង ៦ ល្ងាច តទៅ (ម៉ោងកម្ពុជា) តាមរយៈ Facebook, Twitter, YouTube, ONE Super App, និង ផ្សាយបន្តផ្ទាល់ដោយ CBS៕