ជាតិ
កម្ពុជា មានភ្លៀងតិចតួចដល់ថ្ងៃទី២០ ខែវិច្ឆិកា
× ភ្នំពេញ៖ ក្រសួងធនធានទឹក និងឧតុនិយម នៅថ្ងៃទី១៤ វិច្ឆិកា បានជូនដំណឹងថា ជ្រលងសម្ពាធខ្ពស់ បាន និងកំពុងរំកិលចុះក្រោម និងមានឥទ្ធិពលមធ្យមលើកម្ពុជា។ បើតាមក្រសួងធនធានទឹកដដែល ស្ថានភាពនេះ ធ្វើឲ្យបណ្តាខេត្តនៅតំបន់វាលទំនាបភាគកណ្ដាល ភាគពាយ័ព្យ តំបន់ជួរភ្នំដងរែក និងតំបន់ខ្ពង់រាបភាគឦសាន មានភ្លៀងតិចតួច ពីថ្ងៃទី១៤ ដល់ថ្ងៃទី២៤ វិច្ឆិកា។ រយៈពេលដូចគ្នានេះ តំបន់ខាងលើ នឹងមានសីតុណ្ហភាពអប្បបរមាពី ២១ ដល់២៣អង្សា និងសីតុណ្ហភាពអតិបរមាពី២៧ ដល់២៩អង្សា។
ចំពោះតំបន់មាត់សមុទ្រ និងតំបន់វាលទំនាប នឹងមានភ្លៀងធ្លាក់តិចតួចដែរ។ រីឯសីតុណ្ហភាពអប្បបរមាពី២៣ ដល់២៥អង្សា និងសីតុណ្ហភាពអតិបរមា ពី២៨ ដល់៣០អង្សា។ នេះបើតាមក្រសួងធនធានទឹក និងឧតុនិយម៕
© រក្សាសិទ្ធិដោយ thmeythmey.com