អត្ថបទពាណិជ្ជកម្ម
តោះមកស្វែងយល់បន្ថែម ពីកម្មវិធីសិក្សាភាសាអង់គ្លេសនៅសាលា អេស៊ីអ៊ី ក្នុងកម្មវិធី ACE Open Day ទាំងអស់គ្នា!
× នៅរៀងរាល់វគ្គសិក្សានីមួយៗ មជ្ឈមណ្ឌលអូស្ត្រាលីសំរាប់ការបណ្ដុះបណ្ដាល (សាលា អេស៊ីអ៊ី) តែងតែរៀបចំកម្មវិធី ACE Open Day ដើម្បីផ្ដល់ឱកាសបន្ថែមដល់សិស្ស និស្សិត និងអាណាព្យាបាលទាំងអស់ ក្នុងការស្វែងយល់ឲ្យកាន់តែច្បាស់ ពីកម្មវិធីសិក្សាភាសាអង់គ្លេស និងអត្ថប្រយោជន៍ផ្សេងៗ មុនសម្រេចចិត្តចុះឈ្មោះចូលសិក្សា។ សម្រាប់កម្មវិធី ACE Open Day សម្រាប់វគ្គសិក្សាថ្មីនេះ នឹងប្រព្រឹត្តទៅរយៈពេលពីរថ្ងៃពេញ ចាប់ពីថ្ងៃសៅរ៍ ទី២៣ វិច្ឆិកា ដល់ថ្ងៃអាទិត្យ ទី២៤ ខែវិច្ឆិកា ឆ្នាំ២០១៩ ចាប់ពីម៉ោង ៩ ព្រឹក រហូតដល់ម៉ោង ៥ ល្ងាច នៅគ្រប់ទីតាំងទាំង៥ របស់សាលាអេស៊ីអ៊ី នៅរាជធានីភ្នំពេញ និងខេត្តសៀមរាប (ទីតាំងសម្ដេចប៉ាន ទីតាំងសន្ធរម៉ុក ទីតាំងទួលទំពូង ទីតាំងទួលគោក និងទីតាំងសៀមរាប)។
ការប្រឹក្សាយោបល់ជាមួយគ្រូជំនាញពី របៀបសិក្សាភាសាអង់គ្លេសឲ្យឆាប់ចេះ
សិស្ស និស្សិត និងអាណាព្យាបាល ដែលចូលរួមនឹងមានឱកាសស្វែងយល់ពីសាលា អេស៊ីអ៊ី កាន់តែច្បាស់ ដោយចូលរួមសកម្មភាពផ្សេងៗ ដូចជា៖ទស្សនកិច្ចបន្ទប់សិក្សា និងសម្ភារបរិក្ខារទំនើបៗ ការធ្វើតេស្តវាស់កម្រិតភាសាអង់គ្លេសដោយឥតគិតថ្លៃ ការរៀនសាកល្បង ឬការប្រឹក្សាយោបល់ ជាមួយគ្រូជំនាញអំពីរបៀបសិក្សាភាសាអង់គ្លេសឲ្យឆាប់ចេះ។ លើសពីនេះទៅទៀត សិស្ស និស្សិត ក៏មានឱកាសទទួលបានព័ត៌មាន ស្តីពីអាហារូបករណ៍ និងការសិក្សានៅបរទេស ព្រមទាំងចូលរួមកម្មវិធីសប្បាយៗ ដើម្បីបង្កើនចំណេះដឹង និងអាចឈ្នះរង្វាន់អនុស្សាវរីយ៍ផ្សេងៗទៀតផង។
ការទស្សនា និងស្វែងយល់ពីមជ្ឍមណ្ឌលស្វ័យសិក្សា (GIL Centre) ដែលបំពាក់ដោយសម្ភារបរិក្ខារដ៏ទំនើប
ការធ្វើតេស្តវាស់កម្រិតភាសាអង់គ្លេសដោយឥតគិតថ្លៃតាមប្រព័ន្ធកំព្យូទ័រ
គួរបញ្ជាក់ផងដែរថា មជ្ឈមណ្ឌលអូស្ត្រាលីសំរាប់ការបណ្ដុះបណ្ដាល (សាលាអេស៊ីអ៊ី) ជាស្ថាប័នឈានមុខគេ ក្នុងការបណ្ដុះបណ្ដាលភាសាអង់គ្លេស ក្នុងតំបន់អាស៊ីអាគ្នេយ៍ ដែលផ្តល់នូវកម្មវិធីសិក្សាសម្បូរបែប សមស្របទៅតាមតម្រូវការ រួមជាមួយនឹងបន្ទប់សិក្សាបំពាក់ដោយសម្ភារបរិក្ខារទំនើបៗ។ សាលាអេស៊ីអ៊ី ផ្ដល់ជូននូវការបណ្ដុះបណ្ដាលភាសាអង់គ្លេសគ្រប់កម្រិត រួមមានភាសាអង់គ្លេសសម្រាប់កុមារ ចាប់ពីអាយុ ៨ឆ្នាំ ដល់១៥ឆ្នាំ (Children’s Program & Young Learners’ Program) ភាសាអង់គ្លេសទូទៅ (General English Program) ភាសាអង់គ្លេសសម្រាប់ការសិក្សានៅបរទេស សម្រាប់និស្សិត និងអ្នកជំនួញ និងវគ្គត្រៀមប្រលងតេស្តអន្ដរជាតិ IELTS សម្រាប់ទៅសិក្សានៅបរទេស។
© រក្សាសិទ្ធិដោយ thmeythmey.com