សមាសភាពសមាជិកឧត្តមក្រុមប្រឹក្សានៃអង្គចៅក្រម ១១រូប

ជាតិ

សមាសភាពសមាជិកឧត្តមក្រុមប្រឹក្សានៃអង្គចៅក្រម ១១រូប

16, Nov 2019 , 3:51 pm

រូបភាព

ព្រះករុណា ព្រះមហាក្សត្រ យាងជាព្រះរាជាធិបតីក្នុងកិច្ចប្រជុំឧត្តមក្រុមប្រឹក្សានៃអង្គចៅក្រម នាព្រះមហាប្រាសាទខេមរិន្ទ ព្រះបរមរាជវាំង នាថ្ងៃទី១២ ខែមិថុនា ឆ្នាំ២០១៩

ដោយ៖ ផាត ដាណេ

ភ្នំពេញ៖ ក្រោយការតែងតាំងដោយព្រះរាជក្រឹត្យចុះថ្ងៃទី១៣ ខែវិច្ឆិកា ឆ្នាំ២០១៤ ត្រូវបានបញ្ចប់ ព្រះករុណា ព្រះមហាក្សត្រព្រះបាទសម្តេចព្រះបរមនាថ នរោត្តម សីហមុនី ព្រះអង្គបានត្រាស់បង្គាប់តែងតាំងសមាសភាពសមាជិកឧត្តមក្រុមប្រឹក្សានៃអង្គចៅក្រមចំនួន១១រូបសម្រាប់បន្តការងារអណត្តិ ដោយមិនមានការផ្លាស់ប្តូរច្រើននោះឡើយ។

ឧត្តមក្រុមប្រឹក្សានៃអង្គចៅក្រម មានព្រះមហាក្សត្រ ជាព្រះប្រធាន រីឯសមាជិកមាន១១រូប។ តាមព្រះរាជក្រឹត្យចុះកាលពីថ្ងៃទី១៤ ខែវិច្ឆិកា សមាជិកទាំង១១រូបមាន លោក អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ លោក ឌិត មុន្នី ប្រធានតុលាការកំពូល លោកស្រី ជា លាង អគ្គព្រះរាជអាជ្ញាអមតុលាការកំពូល។

ក្រៅពីនេះ រួមមាន លោក អ៊ុំ សារិទ្ធ, លោក អ៊ិត រ៉ាឌី, លោក ប្លង់ ឆ្លាម, លោកស្រី ប៊ុន្នីញ ប៊ុណ្ណារី, លោក ចាយ ច័ន្ទតារាវណ្ណ, លោក សេង ប៊ុនឃាង, លោក អ៊ីវ បូរិន្ទ និង ស្រ៊ា រតនៈ ៕