ជាតិ
សង្គមជាតិ
សម្តេច ហ៊ុន សែន៖ បាត់បង់សម្តេចរាជបុត្រីព្រះរៀម គឺបាត់បង់តួអង្គពហុជំនាញក្នុងវិស័យវប្បធម៌
ព្រះឆាយាល័ក្ខណ៍របស់សម្តេចរាជបុត្រីព្រះរៀម នរោត្តម បុប្ផាទេវី កាលនៅក្មេង
×![]()
ដោយ: ថ្មីៗ
ប៉ុន្មានម៉ោង ក្រោយទទួលដំណឹងពីការសុគតរបស់សម្តេចរាជបុត្រីព្រះរៀម នរោត្តម បុប្ផាទេវី សម្តេចនាយករដ្ឋមន្ត្រី ហ៊ុន សែន បានថ្វាយលិខិតរំលែកទុក្ខទៅសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្លូរ និងសុភមង្គល។
ក្នុងលិខិតរំលែកទុក្ខនោះ សម្តេចនាយករដ្ឋមន្ត្រី ពិតទូលព្រះមហាក្សត្រីយ៉ាងដូច្នេះថា៖«...ការបាត់បង់សម្តេចរាជបុត្រីព្រះរៀម នរោត្តម បុប្ផាទេវី គឺជាការបាត់បង់ដ៏ធំធេងបំផុតនូវតួអង្គពហុជំនាញក្នុងវិស័យវប្បធម៌ អរិយធម៌ជាតិខ្មែរ ជាដួងព្រលឹងរឹងមាំខ្លាំងក្លា ពិសេសតាំងពីសម័យសង្គមរាស្ត្រនិយមដ៏ឧត្តុង្គឧត្តម ដែលមានព្រះរាជបុត្រី អង្គព្រះមហាក្សត្រដ៏ឆ្នើមព្រះនាម នរោត្តម បុប្ផាទេវី ដ៏ស្រស់ល្វតល្វៃ ទ្រង់ពេញព្រះហឫទ័យនឹងនាដកម្ម ជាតួអង្គឯករបាំអប្សរា លើកតម្កើងវប្បធម៌ពណ្ណរាយជាតិ ថ្កើងថ្កាន ល្បីល្បាញរន្ទឺទូទាំងសកលលោក»។
សម្ដេចរាជបុត្រីព្រះរៀម នរោត្តម បុប្ផាទេវី ដែលជាឧត្តមប្រឹក្សារបស់ព្រះមហាក្សត្រ និងជាសមាជិកានៃក្រុមប្រឹក្សាធម្មនុញ្ញ បានសុគត ដោយព្រះរោគពាធ ក្នុងព្រះជន្ម៧៧ព្រះវស្សា នៅម៉ោង១២:៣០ នាទីថ្ងៃត្រង់ នាថ្ងៃទី១៨ ខែវិច្ឆិកា ឆ្នាំ២០១៩ ក្នុងមន្ទីរពេទ្យប្រទេសថៃ។ ក្រុមប្រឹក្សាធម្មនុញ្ញ បានជូនដំណឹងថា ព្រះសពរបស់សម្តេចរាជបុត្រីព្រះរៀម នឹងត្រូវតម្កល់ធ្វើបុណ្យនៅក្នុងវត្តបទុមវត្តី។
សម្តេចរាជបុត្រីព្រះរៀម ត្រូវបានចាត់ទុកជានិមិត្តរូបនៃរបាំព្រះរាជទ្រព្យ ហើយទ្រង់ បានទទួលព្រះគោរមងារថា «ទេពនាថវដ្តីឯក» និងជា «មរតកមនុស្សរស់របស់កម្ពុជា»៕
Tag:
ហ៊ុន សែន
នរោត្តម បុប្តាទេវី
© រក្សាសិទ្ធិដោយ thmeythmey.com
