ជាតិ
សង្គមជាតិ
មូលនិធិគន្ធបុប្ផា ទទួលបានជិត១១លានដុល្លារទៀត ពីសប្បុរសជន
× មូលនិធិគន្ធបុប្ផាកម្ពុជា បានប្រគល់ថវិកា១០.៨៩២.៤០៤ដុល្លារ ដល់មន្ទីរពេទ្យគន្ធបុប្ផា។ ថវិកាទាំងនេះ គឺមូលនិធិគន្ធបុប្ផា ទទួលបានពីការបរិច្ចាគនានារបស់សប្បុរសជន ដោយគិតពីខែមករា ដល់ ខែវិច្ឆិកា ឆ្នាំ២០១៩។ នេះបើតាមសេចក្តីជូនដំណឹងរបស់មូលនិធិគន្ធបុប្ផា។
ក្នុងចំណោមថវិកាជិត១១លានដុល្លារនោះ ថវិកាជិត៩សែនដុល្លារ គឺបានមកពីការកាត់កម្រៃសំបុត្រចូលទស្សនាតំបន់អង្គរ។ លោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងជាប្រធានក្រុមប្រឹក្សាបរធនបាលមូលនិធិគន្ធបុប្ផាកម្ពុជា បានប្រគល់ទាំងនោះ ជូនមន្ទីរពេទ្យគន្ធបុប្ផាកាលពីថ្ងៃទី២១ ខែវិច្ឆិកា ឆ្នាំ២០១៩៕
© រក្សាសិទ្ធិដោយ thmeythmey.com