ជាតិ
សង្គមជាតិ
១១ខែ គន្ធបុប្ផា ព្យាបាលកុមារកើតជំងឺគ្រុនឈាមជាង៣,៣ម៉ឺននាក់ រូបពីមូលនិធិគន្ធបុប្ផា
× ពីខែមករា ដល់ ខែវិច្ឆិកា ឆ្នាំ២០១៩ កុមារជាង១សែននាក់ ទទួលបានការពិនិត្យនិងព្យាបាល នៅក្នុងផ្នែកពិគ្រោះខាងក្រៅ និងកុមារជិត២សែននាក់ទៀត ត្រូវបាននាំទៅសម្រាកក្នុងមន្ទីរពេទ្យគន្ធបុប្ផា។ នេះបើតាមរបាយការណ៍ពីមន្ទីរពេទ្យគន្ធបុប្ផា។
បើតាមរបាយការណ៍ ក្នុងចំណោមកុមារទាំងអស់នោះ កុមារជាង៣,៣ម៉ឺននាក់ មានជំងឺគ្រុនឈាមធ្ងន់ធ្ងរ កុមារជាង២,៤ម៉ឺននាក់ ត្រូវបានវះកាត់ទូទៅ និង កុមារ៨៩១នាក់ ត្រូវបានវះកាត់បេះដូង និងភ្ជិតប្រហោងបេះដូងតាមសរសៃឈាម។
លើសពីនេះ ស្ត្រីជាង១,៤សែននាក់ បានចូលពិនិត្យផ្ទៃពោះ និងព្យាបាលនៅក្នុងផ្នែកពិគ្រោះជំងឺក្រៅនៃមន្ទីរសម្ភព។
ក្នុងរយៈពេល១១នេះ មូលនិធិគន្ធបុប្ផាកម្ពុជា បន្តផ្តល់ថវិកាជិត១១លានដុល្លារទៀត ដែលបានមកពីការបរិច្ចាគពីសប្បុរជន ដល់មន្ទីរពេទ្យគន្ធបុប្ផា៕
Tag:
កុមារ
ជំងឺគ្រុនឈាម
គន្ធបុប្ផា
© រក្សាសិទ្ធិដោយ thmeythmey.com