ONE Championship
កីឡាជាតិ
ជាតិ
×![]()
ដោយ: ថ្មីៗ
Sam-A Gaiyanghadao ជាកីឡាករល្អបំផុតម្នាក់ក្នុងពិភពគុនមួយថៃ ដែលចូលខ្លួនមកប្រកួត kickboxing ក្នុងនាមគូឯកនៅកម្មវិធី ONE: MARK OF GREATNESS។ នៅថ្ងៃសុក្រទី ៦ ខែ ធ្នូ នាសង្វៀន Axiata Arena ក្រុងកូឡាឡាំពួរពីប្រទេសម៉ាឡេស៊ី Sam-A នឹងបង្ហាញខ្លួនលើកដំបូងក្នុងការប្រកួត Kickboxing ដើម្បីប្រជែងយកខ្សែក្រវាត់ទើបដាក់ដំណើរឲ្យប្រកួត ONE Strawweight Kickboxing World Title ទល់នឹងកីឡាករកណ្ដាប់ដៃរហ័សចិន Wang Junguang ឬ ឈ្មោះក្រៅ «Golden Boy»។ Sam-A ប្ដេជ្ញាដើម្បីបង្កើតប្រវត្តិសាស្ត្រថ្មី។
កីឡាករខ្មែរសុរិន្ទ មកពីក្លិប Evolve នៅសិង្ហបុរី ជាវីរបុរសថៃប្រកួតបានជាង៤០០ដង ហើយរូបគេបង្ហាញភាពរីករាយដើម្បីប្រឡូកការប្រកួតថ្មី។ យ៉ាងណាក្ដី រូបគេសារភាពថា មានរឿងបារម្ភខ្លះដែរចំពោះការប្រកួតតាមគោលការណ៍ថ្មី។ Sam-A បានថ្លែងថា៖«ខ្ញុំចង់វ៉ៃ kickboxing តាំងពីយូរណាស់មកហើយ។ ខ្ញុំចង់ដឹងអ្វីដែលខ្ញុំចង់ធ្វើ។ ខ្ញុំមានអារម្មណ៍ថាសម្ពាធបន្តិច ប៉ុន្តែខ្ញុំមានបទពិសោធន៍ច្រើនលើក្បាច់គុនមួយថៃ»។
ឥឡូវខ្ញុំអាចប្រកួត kickboxing លើកដំបូង។ ខ្ញុំពិតជារំភើប ហើយខ្ញុំត្រូវផ្ដោតលើការប្រកួត១០០%។ ខ្ញុំមិនអាចវាយតម្លៃលទ្ធផលមុនទេ តែអ្វីដែលត្រូវធ្វើគឺ ព្យាយាមឲ្យអស់សមត្ថភាព។ ខ្ញុំសូមអរគុណដល់ ONE សម្រាប់ឱកាសនេះ»។
នេះជាការប្រកួតតាមគោលការណ៍ថ្មី ដែលខុសពីទម្លាប់ចាស់បន្ទាប់ពីប្រឡូកលើសង្វៀនក្បាច់គុនមួយថៃប្រមាណ៣០ឆ្នាំកន្លងមកក្នុងនាមជាកីឡាករ។ Sam-A គូសបញ្ជក់ថា ៖«ខ្ញុំត្រូវតែផ្លាស់ប្ដូរជីវិត។ ខ្ញុំត្រូវតែដាក់សម្ពាធឲ្យខ្លាំងក្លាលើគូប្រជែង។ Kickboxing ខុសពីមួយថៃ ព្រោះយើងត្រូវបម្លាស់ទីច្រើនជាង។ គុនថៃ យើងគ្រាន់តែឈរ បិទដៃគូកុំឲ្យវាយចូល និងគិតអំពីក្បាច់វាយបក។ យ៉ាងណាក្ដី ខ្ញុំហ្វឹកហាត់និងប្រាប់ខ្លួនឯងថាមិនត្រូវប្រើកែងជាដាច់ខាត»។
Sam-A មិនមានអារម្មណ៍តានតឹងពេកទេពេលប៉ះម្ចាស់ខ្សែក្រវាត់ Enfusion World Champion មកពីប្រទេសចិនដែលជាឱកាសសាងស្នាដៃថ្មីក្នុងប្រភេទទម្ងន់ខាងលើ។ កីឡាករមកពីក្លិប Evolve បានឈ្នះខ្សែក្រវាត់ ONE Super Series World Champion លើកដំបូងក្នុងទម្ងន់ flyweight ប៉ុន្តែត្រូវរបូតទៅវិញ ហើយពេលនេះរូបគេជឿថាវាជារឿងសក្ដិសមនឹងប្រកួតទម្ងន់ strawweight។ ការប្រកួតទម្ងន់ strawweight នឹងធ្វើឲ្យកីឡាករខ្មែរសុរិន្ទរូបនេះជោគជ័យដូចនៅសង្វៀន Lumpinee Stadium Muay Thai World Champion អីចឹងដែរ។
គួរដឹងដែរថា កីឡាករវ័យ៣៦មកពីប្រទេសថៃបានបង្ហាញក្បាច់ប្រយុទ្ធដ៏គ្រោះថ្នាក់ បន្ទាប់ពីវាយកីឡាករបារាំង Daren Rolland ឲ្យសន្លប់នៅក្នុងកម្មវិធី ONE: CENTURY កាលថ្ងៃទី ១៣ ខែតុលា។
Sam-A សង្កត់ធ្ងន់ថា៖«Strawweight ជាប្រភេទទម្ងន់របស់ខ្ញុំ។ ខ្ញុំមានអារម្មណ៍ល្អ, ធូរចិត្ត និងល្អជាងការប្រកួតគីឡូផ្សេង»។
ចំណែក “Golden Boy” បានបង្ហាញល្បឿនសឹងមិនជឿភ្នែករួមដោយកម្លាំងដើម្បីផ្ដួល Federico Roma នៅទឹកទី១ នៅក្នុងកម្មវិធី ONE: DAWN OF VALOR ដើម្បីបន្តឈ្នះ ៨ លើកជាប់គ្នា។ ក្បាច់របស់ Wang ចូលចិត្តប្រើកម្លាំងខ្លាំង និងចេញក្បាច់ប្រដាល់ដំណាលគ្នាជាមួយជើងបានយ៉ាងល្អខុសពី Sam-A ដែលជំនាញក្បាច់មួយថៃ។ កីឡាករមកពីខេត្ត បូរីរាំ បានទស្សនាវីដេអូរបស់គូប្រកួតដើម្បីរៀបចំផែនករលើសង្វៀន។
Sam-A បន្ថែមថា៖«គេ [Wang]មនកណ្ដាប់ដៃល្អ និង លឿន។ គេច្បាស់ជាប្រើក្បាច់អស់ពីចិត្តក្នុងពីរទឹកដំបូង។ ខ្ញុំត្រូវមើលវីដេអូអំពីការប្រកួត។ ប៉ុន្តែ ខ្ញុំមិនគិតថា រូបគេជាអ្នកការពារល្អបំផុតទេ។ ខ្ញុំនឹងប្រើស្ទិលរបស់ខ្ញុំដើម្បីឈ្នះហើយខ្ញុំមិនចូលជិតពេកទេ។ ខ្ញុំនឹងប្រើវ៉ៃក្បាច់ប្រយោលៗ»។
Sam-A តាំងចិត្តទៀតថា៖ «វាធ្វើឲ្យខ្ញុំពិបាកបន្តិច តែខ្ញុំត្រូវចាប់យកឱកាសពីការប្រកួត Kickboxing លើកដំបូង។ វាមិនមិនងាយស្រួលនោះទេដើម្បីប្ដូរស្ទិលប្រកួត និង ក្លាយជាជើងឯក។ ប៉ុន្តែខ្ញុំចង់ធ្វើឲ្យខ្លួនឯងរីកចម្រើនទៅមុខ»។
© រក្សាសិទ្ធិដោយ thmeythmey.com
