អត្ថបទពាណិជ្ជកម្ម
សៀវភៅ «វិធីសាស្ត្របង្រៀន» ជាឯកសារដែលជួយបំពេញបន្ថែមសមត្ថភាពគ្រូ នៅគ្រប់ភូមិសិក្សាពីថ្នាក់បឋមដល់ថ្នាក់មហាវិទ្យាល័យ
លោក ឃិន វណ្ឌី គ្រូឧទ្ទេសនៅវិទ្យាស្ថានជាតិអប់រំ ដែលជាអ្នករៀបរៀងសៀវភៅ «វិធីសាស្រ្តបង្រៀន» ក្នុងចំណោមគ្រូឧទ្ទេស៥នាក់
×![]()
ដោយ: ថ្មីៗ
ភ្នំពេញ៖ នៅក្នុងប្រព័ន្ធអប់រំ ទន្ទឹមនឹងមានអគារសិក្សាល្អហើយនោះមិនទាន់គ្រប់គ្រាន់ដើម្បីធ្វើដំណើរឆ្ពោះទៅរកការអប់រំដ៏ប្រសើរនោះទេ ចាំបាច់ណាស់ត្រូវតែមានការបង្រៀនមួយប្រកបដោយប្រសិទ្ធភាព។ ធាតុសំខាន់ៗនៃការបង្រៀនគឺគ្រូបង្រៀន សិស្ស ថ្នាក់រៀន កម្មវិធីសិក្សា សម្ភារៈឧបទ្ទេស និងរដ្ឋបាលសិក្សា។ ប្រសិនបើមានកម្មវីធីសិក្សា(curriculum)ល្អហើយ ប៉ុន្តែគ្រូបង្រៀនខ្វះខាត ឬគ្មានវិធីសាស្ត្រក្នុងការផ្ទេរចំណេះដឹងទៅសិស្ស នោះដំណើរការបង្រៀន ឬប្រព័ន្ធអប់រំនោះមិនអាចឆ្ពោះទៅរកការអប់រំដ៏មានប្រសិទ្ធភាពបានឡើយ។
យោងទៅតាមភាពចាំបាច់ក្នុងការចែករំលែកពុទ្ធិ និងការចូលរួមចំណែកអភិវឌ្ឍវិស័យអប់រំឱ្យកាន់តែប្រសើរឡើងថែមទៀត ក្រុមគ្រូឧទ្ទេសកម្រិតឧត្តមមុខវិជ្ជាសីលធម៌ពលរដ្ឋនៃវិទ្យាស្ថានជាតិអប់រំ(NIE) ចងក្រងបោះពុម្ពផ្សាយសៀវភៅ «វិធីសាស្ត្របង្រៀន» នេះឡើង។ សៀវភៅនេះ គឺអាចយកទៅប្រើប្រាស់គ្រប់ភូមិសិក្សាតាំងពីថ្នាក់បឋមរហូតដល់មហាវិទ្យាល័យ និងគ្រប់មុខវិជ្ជា។ ដោយមានការគាំទ្រខ្លាំងពីសំណាក់អ្នកអប់រំដូចជា គ្រូបង្រៀន គរុនិស្សិត គរុសិស្ស។ សៀវភៅនេះបានបោះពុម្ព និងកែសម្រួលចំនួន៣លើក ដើម្បីអភិវឌ្ឍការអប់រំកាន់តែប្រសើរនិងបត់បែនទៅតាមទំនើបកម្មនិងពិពិធកម្មអប់រំ។
សៀវភៅវិធីសាស្ត្របង្រៀនបោះពុម្ពផ្សាយលើកទី៣ មានកម្រាស់ ៣៥២ទំព័រ ខ្នាតធំជាងមុនគឺ B5 ១៧,៥ x ២៤,៥ សង់ទីម៉ែត្រ ជាប្រភេទសៀវភៅដេរ ក្របបត់ ប្រើពុម្ពអក្សរច្បាស់ប្រភេទពុម្ពថ្មី រចនាអក្សរចំណងថ្មីប្រកបដោយសោភណភាព កែសម្រួលនិងបណ្ណាធិការដោយសាស្ត្រាចារ្យជំនាញវិធីសាស្ត្រអប់រំ និងបោះពុម្ពដោយម៉ាស៊ីនស្វ័យប្រវត្តិខ្នាតធំ។ សៀវភៅនេះចែកចេញជា៥ជំពូក ២៧មេរៀនរួមមាន៖
ជំពូកទី១៖ ណែនាំឱ្យស្គាល់ពីវិធីសាស្ត្របង្រៀនជាអ្វី។ ដើម្បីការបង្រៀនរបស់ខ្លួនដ៏មានប្រសិទ្ធភាព ឬការបង្រៀនដ៏ល្អ តើគ្រូចាំបាច់ត្រូវមានបច្ចេកទេសអ្វីខ្លះ? គ្រូត្រូវយល់ពីធាតុចាំបាច់នៃការបង្រៀន យល់ពីគោលការណ៍ ពីការបង្រៀន និងរៀន បច្ចេកទេសបង្រៀន ការគ្រប់គ្រងថ្នាក់រៀន និងជាអ្នកជំនាញក្នុងការសួរសំណួរ។
ជំពូកទី២៖ ណែនាំឱ្យយល់ដឹងពីរបៀបនៃការបញ្ជ្រាបការអប់រំប្រកបដោយនិរន្តភាព(ESD) ការបញ្ជ្រាបទ្រឹស្តីប្ល៊ូមតាសូណូមីនៅក្នុងកិច្ចតែងការបង្រៀន។ លើសពីនេះ ពន្យល់លម្អិតពីអ្វីទៅជាការសិក្សាស្រាវជ្រាវមេរៀន(Lesson Study)ដែលជាដំណើរការអភិវឌ្ឍការបង្រៀនរបស់គ្រូ ដែលគ្រូម្នាក់ៗត្រូវអនុវត្តដូចជា ការរៀបចំមេរៀន(plan) ការអនុវត្តការបង្រៀន-សង្កេត(do) ត្រួតពិនិត្យកែលម្អលើការបង្រៀនរបស់ខ្លួន(check)និងធ្វើសកម្មភាព (action) កែលម្អការបង្រៀនរបស់ខ្លួន។
ជំពូកទី៣៖ ខ្លឹមសារនៅក្នុងជំពូកនេះគឺពន្យល់បកស្រាយអំពី ការកំណត់វត្ថុបំណងមេរៀន។
ប្រសិនបើគ្រូមិនអាចកំណត់វត្ថុបំណងមេរៀនបានទេ នោះគាត់ក៏មិនអាចដឹងថាបង្រៀនពីអ្វីដល់សិស្សដែរ។ ពន្យល់ពីរបៀបធ្វើកិច្ចតែងការបង្រៀន ការផលិតសម្ភារឧបទ្ទេសសម្រាប់គាំទ្រដល់ការបង្រៀនរបស់គ្រូ ការវាស់វែងនិងវាយតម្លៃសិស្ស។
ជំពូកទី៤៖ បង្ហាញពីរបៀបនៃការបង្រៀនបែបប្រពៃណីនិយម ដែលប្រព័ន្ធអប់រំពីដើមគេបានអនុវត្ត ដោយសិស្សរង់ចាំតែស្តាប់ ចាំតែទទួល ដោយគ្មានសកម្មភាព ហើយគ្រូចាំតែផ្តល់ឱ្យ។
ជំពូកទី៥៖ បង្ហាញផ្លូវពីវីធីសាស្ត្របង្រៀនបែបទំនើបកម្មដូចជា វិធីវិទ្យាសាស្ត្រ ការបង្រៀននិងរៀនតាមបែបរិះរក(IBL) ដែលជាការបង្រៀនផ្តល់ឱ្យសិស្សរកចំណេះដឹងតាមរយៈសំណួរគន្លឹះ។ វាជាការបង្រៀនដែលលើកទឹកចិត្តសិស្សឱ្យធ្វើការជាមួយគ្នា និងធ្វើឱ្យសិស្សចេះសង្កេត វិភាគ ដោះស្រាយបញ្ហា។ វិធីសាស្ត្របង្រៀននិងរៀនបែបដោះស្រាយបញ្ហា(problem solving) វិធីសាស្ត្របង្រៀនបែបផែនទីគំនិត តុក្កតាគំនិត ពិភាក្សា និងវិធីសាស្ត្របង្រៀនបែបសហការ(cooperative method)។
បន្ថែមលើទ្រឹស្តីតាមវិធីសាស្ត្របង្រៀនខាងលើ នៅផ្នែកខាងក្រោយបង្អស់នៃសៀវភៅ មានគំរូកិច្ចតែងការបង្រៀនតាមវិធីសាស្ត្រថ្មីលើមុខវិជ្ជាមួយចំនួនដូចជា សីលធម៌ពលរដ្ឋវិជ្ជា អក្សរសាស្ត្រខ្មែរ ប្រវត្តិវិទ្យា និងគីមីវិទ្យា។ នៅពេលយើងយល់ច្បាស់ពីទ្រឹស្តីនៃវិធីសាស្ត្រទាំងនោះហើយ គឺយើងអាចធ្វើកិច្ចតែងការបង្រៀនបានគ្រប់មុខវិជ្ជាទាំងអស់។
នាឱកាសពិព័រណ៍សៀវភៅជាតិលើកទី៨ សៀវភៅវិធីសាស្ត្របង្រៀនមានដាក់លក់ក្នុងតម្លៃពិសេសនៅតូបលេខ៤៧ និងតូបលេខ៤៨ របស់សមាគមអ្នកនិពន្ធខ្មែរ និងគ្រឹះស្ថានបោះពុម្ពឯកសារខ្មែរ។ លោកអ្នកអាចជាវដុំ និងរាយតាមរយៈគ្រឹះស្ថានបោះពុម្ពឯកសារខ្មែរ ទូរសព្ទលេខ ០៩២ ៧៨ ៨៩ ៩០/ ០៨៩ ៨៥៦ ៧៦៤៕
© រក្សាសិទ្ធិដោយ thmeythmey.com
