កីឡាជាតិ
ជាតិ
U19 កម្ពុជាទៅប៉ះបណ្តាក្រុមខ្លាំងៗក្នុងទ្វីបអាស៊ី ក្រោយខកខាន៤៥ឆ្នាំ
កីឡាករ U19 កម្ពុជានាការប្រកួតកន្លងមក។ រូបថត FFC
×![]()
ដោយ: រួបរួម
ក្រោយជ័យជម្នះលើព្រុយណេ ៣-០ នៅវគ្គជម្រុះពូល G នៅរាជធានីភ្នំពេញ ក្រុម U19 កម្ពុជា ត្រូវរង់ចាំរហូតដល់ទៅ២០ថ្ងៃ ពោលគឺថ្ងៃទី៣០ ខែវិច្ឆិកា ទើបដឹងពីជោគវាសនាខ្លួនចំពោះការឈានទៅជុំចុងក្រោយនៃពានរង្វាន់ AFC U19 Championship ដែលនឹងរៀបចំនៅប្រទេសអ៊ូសបេគីស្ថាននាអំឡុងខែតុលា ឆ្នាំ២០២០។ អរគុណ U19 ប៉ាឡេស្ទីន បានបញ្ចប់ក្នុងលទ្ធផលស្មើ ៣-៣ ជាមួយគូវែត សម្រាប់ជំនួបក្នុងពូល A។ អ្វីដែលគួរឲ្យកត់សម្គាល់ ក្នុងករណីដែលប៉ាឡេស្ទីន ចាញ់គូវែត កម្ពុជានៅតែអាចឈានទៅវគ្គ១៦ក្រុមផងដែរ ពីព្រោះជំនួប១ទៀតក្នុងពូល A រវាងម្ចាស់ផ្ទះអូម៉ង់ និងអ៊ីរ៉ាក់ ក៏បានបញ្ចប់ក្នុងលទ្ធផលស្មើ ៣-៣ ផងដែរ។ តាមកំណត់ត្រា ឈុតយុវជននេះ លេងនៅវគ្គ Group Stage ចុងក្រោយនាឆ្នាំ១៩៧៤។
ការប្រកួតជម្រុះ៖
ក្រុមយុវជនអាយុក្រោម១៩ឆ្នាំ មកពី៤៦ប្រទេសនៃសមាជិកសហព័ន្ធកីឡាបាល់ទាត់ទ្វីបអាស៊ី (AFC) បានចូលរួមប្រកួតប្រជែងដើម្បីដណ្តើមកៅអីទៅជុំចុងក្រោយ។ ការប្រកួតត្រូវបែងចែកជា១១ពូល ដោយក្នុង១ពូលមាន៤ក្រុម លើកលែងតែពូល A និងពូល G ប៉ុណ្ណោះដែលមាន៥ក្រុម។
ពូលចំនួន៩ បានបើកការប្រកួតកាលពីដើមខែវិច្ឆិកា លើកលែងពូល C នៅតាហ្ស៊ីគីស្ថាន ដែលរៀបចំឡើងតាំងពីដើមខែតុលា រីឯពូល A ទើបតែបញ្ចប់កាលពីល្ងាចថ្ងៃទី៣០ ខែវិច្ឆិកា នៅទឹកដីអូម៉ង់ បន្ទាប់ពីការប្តូរចេញពីទឹកដីអ៊ីរ៉ាក់ ដោយសារវិបត្តិនយោបាយ។
លេខ១ក្នុងពូលទាំង១១៖
ក្រុមលេខ១ក្នុងពូលនីមួយៗ ទទួលបានកៅអីទៅជុំចុងក្រោយនៅអ៊ូសបេគីស្ថាន។ តាមពិតទៅអ៊ូសបេគីស្ថាន ក្នុងនាមជាម្ចាស់ផ្ទះជុំចុងក្រោយ ពួកគាត់មានកៅអីដោយស្វ័យប្រវត្តិ។ ក្រុមលេខមួយនៃពូលនីមួយៗ រួមមាន កាតា (ពូល B), តាហ្ស៊ីគីស្ថាន (ពូល C), អ៊ីរ៉ង់ (ពូល D), បារ៉ែន (ពូល E), អារ៉ាប៊ីសាអូឌីត (ពូល F), ម៉ាឡេស៊ី (ពូល G), អូស្ត្រាលី (ពូល H), កូរ៉េខាងត្បូង (ពូល I), ជប៉ុន (ពូល J), ឥណ្ឌូណេស៊ី (K) និង អ៊ីរ៉ាក់ ដែលទើបបញ្ចប់ចំណាត់ថ្នាក់លេខ១ពូល A ទាំងប្រផិតប្រផើយ។
លេខពីរល្អចំនួន៥៖
រូបមន្តលេខ២ឆ្នើម ត្រូវកំណត់តាមរយៈប្រៀបធៀបរវាងពូលនីមួយៗ ដោយផ្តោតអាទិភាពលើពិន្ទុ បន្ទាប់មក ផលសងគ្រាប់បាល់ និងគ្រាប់បាល់ដែលបានស៊ុតបញ្ចូលទី មុនឈានដល់នីតិវិធីផ្សេងទៀត ប្រសិនបើមានករណីស្មើគ្នាទាំងអស់។
សម្រាប់ពូលដែលមាន៥ក្រុម លទ្ធផលស៊ីសងជាមួយក្រុមដែលស្ថិតនៅចំណាត់ថ្នាក់លេខ៥ មិនត្រូវបានរាប់បញ្ចូលសម្រាប់ការប្រៀបធៀបនេះឡើយ។ ក្រុមលេខ២ល្អ ត្រូវឡើងពី៤ទៅ៥ក្រុម ដោយសារតែម្ចាស់ផ្ទះអ៊ូសបេគីស្ថាន ស្ថិតក្នុងចំណោមនោះ។
ឡាវ (ពូល H) ជាក្រុមលេខ២មានពិន្ទុខ្ពស់ជាង ៧ (+៧) បន្ទាប់មក គឺ វៀតណាម នៃពូល J ៧ (+៦), យេម៉ែន នៃពូល B ៧ (+៤), ម្ចាស់ផ្ទះ អ៊ូសបេគីស្ថានដែលក្នុងពូល F ៧ (+៤) រួមទាំងកម្ពុជានៃ G ៦ (+៣) ដែលទើបតែអបអរក្រោយរង់ចាំអស់រយៈពេល២០ថ្ងៃ។
ហេតុអ្វីបានជាកម្ពុជាទៅវគ្គបន្ត?
ក្រោយការធៀបពិន្ទុ កម្ពុជាឈរនៅលេខរៀងទី៥បណ្តោះអាសន្ន ដោយរង់ចាំអ៊ុតមើលពូល A។ U19 កម្ពុជា បានអបអរជោគជ័យរបស់ខ្លួន បន្ទាប់ពីប៉ាឡេស្ទីន និងគូវែត បញ្ចប់ក្នុងលទ្ធផលស្មើ ៣-៣ ។ តែក្នុងករណី គូវែតឈ្នះប៉ាឡេស្ទីន កម្ពុជាក៏នៅតែមានឱកាសផងដែរ ព្រោះជំនួបចុងក្រោយ ម្ចាស់ផ្ទះអូម៉ង់ បញ្ចប់ក្នុងលទ្ធផលស្មើ ៣-៣ ជាមួយអ៊ីរ៉ាក់ផងដែរ។
នៅក្នុងពូល G កម្ពុជាចាញ់ម៉ាឡេស៊ី ឈ្នះថៃ ឈ្នះព្រុយណេ និងឈ្នះកោះម៉ារីយ៉ាណាខាងជើង។ ជ័យជម្នះ ៩-០ លើកោះម៉ារីយ៉ាណាខាងជើង មិនត្រូវបានរាប់បញ្ចូលឡើយ ដូច្នេះពិន្ទុដែលកម្ពុជាយកទៅប្រៀបធៀបជាមួយពូលផ្សេងនោះ គឺលទ្ធផលចាញ់ម៉ាឡេស៊ី ៥-៤ ឈ្នះថៃ ២-១ និងឈ្នះព្រុយណេ ៣-០ ពោលគឺ៦ពិន្ទុ (+៣)។
ក្រោយជំនួបចុងក្រោយពូល A អ៊ីរ៉ាក់ស្មើម្ចាស់ផ្ទះអូម៉ង់ ៣-៣ ដែលនាំឲ្យពួកគេឈរនៅចំណាត់ថ្នាក់លេខ១ ដោយមាន៨ពិន្ទុ (+៥) ខណៈគូវែតដែលស្មើប៉ាឡេស្ទីន ៣-៣ ផងដែរនោះ បានត្រឹមខកចិត្ត ដោយមាន៨ពិន្ទុដូចគ្នា ប៉ុន្តែផលសង +៤។
ប៉ុន្តែសម្រាប់ការប្រៀបធៀបលេខ២ជាមួយកម្ពុជា លទ្ធផលនៃជ័យជម្នះរបស់គូវែត ២-១ លើប៉ាគីស្ថានដែលជាក្រុមបាតតារាង មិនត្រូវបានរាប់បញ្ចូលឡើយ ដោយគិតតែលទ្ធផលស្មើ ១-១ ជាមួយអ៊ីរ៉ាក់ ស្មើ ៣-៣ ជាមួយប៉ាឡេស្ទីន និងជ័យជម្នះ ៣-០ លើអូម៉ង់ ដូច្នេះគូវែត មានតែ៥ពិន្ទុ (+៣)។
គូវែតស្ថិតក្នុងចំណោមក្រុមលេខ២ដែលខកចិត្ត ខណៈចិន សោកស្តាយខ្លាំងជាងគេ ដោយមាន៦ពិន្ទុស្មើកម្ពុជា ប៉ុន្តែមានផលសងត្រឹម +១។ ក្រុមផ្សេងទៀតដែលហាលអាវរួមមាន កូរ៉េខាងជើង ហ្ស៊កដានី លីបង់ និងគៀហ្សីស្ថាន ជាដើម។
កំណត់ត្រាបានបង្ហាញថា កម្ពុជាធ្លាប់បង្ហាញខ្លួនក្នុងព្រឹត្តិការណ៍ AFC U19 Championship ៣លើកកន្លងមក។ នៅទឹកដីម៉ាឡេស៊ី នាឆ្នាំ១៩៦៣ កម្ពុជាស្ថិតក្នុងចំណាត់ថ្នាក់លេខ៥ក្នុងពូល A ដែលមាន៦ក្រុម (ចាញ់ថៃ ៤-០, ឈ្នះម៉ាឡេស៊ី ១-០, ឈ្នះហ្វីលីពីន ៦-២ និងចាញ់ឥណ្ឌា ២-០ និងចាញ់ភូមា ៤-០)។
ឈានដល់ឆ្នាំ១៩៧២ នាទីក្រុងបាងកក ប្រទេសថៃ ក្នុងនាមជាក្រុមជម្រើសជាតិសាធារណរដ្ឋខ្មែរ កម្ពុជាស្ថិតនៅចំណាត់ថ្នាក់លេខ៣ពូល C ក្រោយចាញ់ភូមា ៥-០ ស្មើតៃវ៉ាន់ ១-១ និងចាញ់ឥណ្ឌូណេស៊ី ៣-០ ។
ដល់ឆ្នាំ១៩៧៤ នៅក្រុងបាងកកដដែល កម្ពុជាស្ថិតនៅក្នុងពូល C ទៀត ដោយចាញ់ម៉ាឡេស៊ី ២-១។ កីឡាករខ្មែរដែលបានស៊ុតបាល់បញ្ចូលទីពេលនោះ មានឈ្មោះថា សុក ស៊ីថា។ បន្ទាប់មកទៀត កម្ពុជាឈ្នះណេប៉ាល់ ៦-២ ដោយកីឡាករឈ្នះ តាំង យូខាន់ (Taing You Khan) និង ហ៊ុន ចាន់គី (Hun Chanky) សម្រេចបានម្នាក់ចំនួន៣គ្រាប់ មុនពេលចាញ់កូរ៉េខាងត្បូង ២-០។
កម្ពុជាស្ថិតក្នុងចំណោមក្រុមចំនួន៥ពីតំបន់អាស៊ាន
ក្រោមការដឹកនាំរបស់គ្រូបង្វឹកជប៉ុន លោក KOJI GYOTOKU កម្ពុជាបានចូលរួមជាមួយប្រទេសអាស៊ាន៤ទៀត រួមមាន ម៉ាឡេស៊ី ឥណ្ឌូណេស៊ី ឡាវ និងវៀតណាម ដែលឈានទៅជុំចុងក្រោយ រួមទាំងអូស្ត្រាលី ដែលជាសមាជិកសហព័ន្ធកីឡាបាល់ទាត់អាស៊ីអាគ្នេយ៍ (AFF) មួយទៀត។
កូរ៉េខាងត្បូងជាក្រុមដែលទទួលបានពានច្រើនជាងគេដែលមានរហូតដល់ទៅ១២លើក ខណៈអារ៉ាប៊ីសាអូឌីត ជាម្ចាស់ការពារតំណែងជើងឯក។ ៤ក្រុមចុងក្រោយ នឹងទទួលបានកៅអីទៅកាន់ព្រឹត្តិការណ៍ FIFA U20 World Cup ឆ្នាំ២០២១ នៅឥណ្ឌូណេស៊ី ដែលមានម្ចាស់ផ្ទះរង់ចាំរួចជាស្រេច៕
ការប្រកួតជម្រុះ៖
ក្រុមយុវជនអាយុក្រោម១៩ឆ្នាំ មកពី៤៦ប្រទេសនៃសមាជិកសហព័ន្ធកីឡាបាល់ទាត់ទ្វីបអាស៊ី (AFC) បានចូលរួមប្រកួតប្រជែងដើម្បីដណ្តើមកៅអីទៅជុំចុងក្រោយ។ ការប្រកួតត្រូវបែងចែកជា១១ពូល ដោយក្នុង១ពូលមាន៤ក្រុម លើកលែងតែពូល A និងពូល G ប៉ុណ្ណោះដែលមាន៥ក្រុម។
ពូលចំនួន៩ បានបើកការប្រកួតកាលពីដើមខែវិច្ឆិកា លើកលែងពូល C នៅតាហ្ស៊ីគីស្ថាន ដែលរៀបចំឡើងតាំងពីដើមខែតុលា រីឯពូល A ទើបតែបញ្ចប់កាលពីល្ងាចថ្ងៃទី៣០ ខែវិច្ឆិកា នៅទឹកដីអូម៉ង់ បន្ទាប់ពីការប្តូរចេញពីទឹកដីអ៊ីរ៉ាក់ ដោយសារវិបត្តិនយោបាយ។
លេខ១ក្នុងពូលទាំង១១៖
ក្រុមលេខ១ក្នុងពូលនីមួយៗ ទទួលបានកៅអីទៅជុំចុងក្រោយនៅអ៊ូសបេគីស្ថាន។ តាមពិតទៅអ៊ូសបេគីស្ថាន ក្នុងនាមជាម្ចាស់ផ្ទះជុំចុងក្រោយ ពួកគាត់មានកៅអីដោយស្វ័យប្រវត្តិ។ ក្រុមលេខមួយនៃពូលនីមួយៗ រួមមាន កាតា (ពូល B), តាហ្ស៊ីគីស្ថាន (ពូល C), អ៊ីរ៉ង់ (ពូល D), បារ៉ែន (ពូល E), អារ៉ាប៊ីសាអូឌីត (ពូល F), ម៉ាឡេស៊ី (ពូល G), អូស្ត្រាលី (ពូល H), កូរ៉េខាងត្បូង (ពូល I), ជប៉ុន (ពូល J), ឥណ្ឌូណេស៊ី (K) និង អ៊ីរ៉ាក់ ដែលទើបបញ្ចប់ចំណាត់ថ្នាក់លេខ១ពូល A ទាំងប្រផិតប្រផើយ។
លេខពីរល្អចំនួន៥៖
រូបមន្តលេខ២ឆ្នើម ត្រូវកំណត់តាមរយៈប្រៀបធៀបរវាងពូលនីមួយៗ ដោយផ្តោតអាទិភាពលើពិន្ទុ បន្ទាប់មក ផលសងគ្រាប់បាល់ និងគ្រាប់បាល់ដែលបានស៊ុតបញ្ចូលទី មុនឈានដល់នីតិវិធីផ្សេងទៀត ប្រសិនបើមានករណីស្មើគ្នាទាំងអស់។
សម្រាប់ពូលដែលមាន៥ក្រុម លទ្ធផលស៊ីសងជាមួយក្រុមដែលស្ថិតនៅចំណាត់ថ្នាក់លេខ៥ មិនត្រូវបានរាប់បញ្ចូលសម្រាប់ការប្រៀបធៀបនេះឡើយ។ ក្រុមលេខ២ល្អ ត្រូវឡើងពី៤ទៅ៥ក្រុម ដោយសារតែម្ចាស់ផ្ទះអ៊ូសបេគីស្ថាន ស្ថិតក្នុងចំណោមនោះ។
ឡាវ (ពូល H) ជាក្រុមលេខ២មានពិន្ទុខ្ពស់ជាង ៧ (+៧) បន្ទាប់មក គឺ វៀតណាម នៃពូល J ៧ (+៦), យេម៉ែន នៃពូល B ៧ (+៤), ម្ចាស់ផ្ទះ អ៊ូសបេគីស្ថានដែលក្នុងពូល F ៧ (+៤) រួមទាំងកម្ពុជានៃ G ៦ (+៣) ដែលទើបតែអបអរក្រោយរង់ចាំអស់រយៈពេល២០ថ្ងៃ។
ហេតុអ្វីបានជាកម្ពុជាទៅវគ្គបន្ត?
ក្រោយការធៀបពិន្ទុ កម្ពុជាឈរនៅលេខរៀងទី៥បណ្តោះអាសន្ន ដោយរង់ចាំអ៊ុតមើលពូល A។ U19 កម្ពុជា បានអបអរជោគជ័យរបស់ខ្លួន បន្ទាប់ពីប៉ាឡេស្ទីន និងគូវែត បញ្ចប់ក្នុងលទ្ធផលស្មើ ៣-៣ ។ តែក្នុងករណី គូវែតឈ្នះប៉ាឡេស្ទីន កម្ពុជាក៏នៅតែមានឱកាសផងដែរ ព្រោះជំនួបចុងក្រោយ ម្ចាស់ផ្ទះអូម៉ង់ បញ្ចប់ក្នុងលទ្ធផលស្មើ ៣-៣ ជាមួយអ៊ីរ៉ាក់ផងដែរ។
នៅក្នុងពូល G កម្ពុជាចាញ់ម៉ាឡេស៊ី ឈ្នះថៃ ឈ្នះព្រុយណេ និងឈ្នះកោះម៉ារីយ៉ាណាខាងជើង។ ជ័យជម្នះ ៩-០ លើកោះម៉ារីយ៉ាណាខាងជើង មិនត្រូវបានរាប់បញ្ចូលឡើយ ដូច្នេះពិន្ទុដែលកម្ពុជាយកទៅប្រៀបធៀបជាមួយពូលផ្សេងនោះ គឺលទ្ធផលចាញ់ម៉ាឡេស៊ី ៥-៤ ឈ្នះថៃ ២-១ និងឈ្នះព្រុយណេ ៣-០ ពោលគឺ៦ពិន្ទុ (+៣)។
ក្រោយជំនួបចុងក្រោយពូល A អ៊ីរ៉ាក់ស្មើម្ចាស់ផ្ទះអូម៉ង់ ៣-៣ ដែលនាំឲ្យពួកគេឈរនៅចំណាត់ថ្នាក់លេខ១ ដោយមាន៨ពិន្ទុ (+៥) ខណៈគូវែតដែលស្មើប៉ាឡេស្ទីន ៣-៣ ផងដែរនោះ បានត្រឹមខកចិត្ត ដោយមាន៨ពិន្ទុដូចគ្នា ប៉ុន្តែផលសង +៤។
ប៉ុន្តែសម្រាប់ការប្រៀបធៀបលេខ២ជាមួយកម្ពុជា លទ្ធផលនៃជ័យជម្នះរបស់គូវែត ២-១ លើប៉ាគីស្ថានដែលជាក្រុមបាតតារាង មិនត្រូវបានរាប់បញ្ចូលឡើយ ដោយគិតតែលទ្ធផលស្មើ ១-១ ជាមួយអ៊ីរ៉ាក់ ស្មើ ៣-៣ ជាមួយប៉ាឡេស្ទីន និងជ័យជម្នះ ៣-០ លើអូម៉ង់ ដូច្នេះគូវែត មានតែ៥ពិន្ទុ (+៣)។
គូវែតស្ថិតក្នុងចំណោមក្រុមលេខ២ដែលខកចិត្ត ខណៈចិន សោកស្តាយខ្លាំងជាងគេ ដោយមាន៦ពិន្ទុស្មើកម្ពុជា ប៉ុន្តែមានផលសងត្រឹម +១។ ក្រុមផ្សេងទៀតដែលហាលអាវរួមមាន កូរ៉េខាងជើង ហ្ស៊កដានី លីបង់ និងគៀហ្សីស្ថាន ជាដើម។
កំណត់ត្រាបានបង្ហាញថា កម្ពុជាធ្លាប់បង្ហាញខ្លួនក្នុងព្រឹត្តិការណ៍ AFC U19 Championship ៣លើកកន្លងមក។ នៅទឹកដីម៉ាឡេស៊ី នាឆ្នាំ១៩៦៣ កម្ពុជាស្ថិតក្នុងចំណាត់ថ្នាក់លេខ៥ក្នុងពូល A ដែលមាន៦ក្រុម (ចាញ់ថៃ ៤-០, ឈ្នះម៉ាឡេស៊ី ១-០, ឈ្នះហ្វីលីពីន ៦-២ និងចាញ់ឥណ្ឌា ២-០ និងចាញ់ភូមា ៤-០)។
ឈានដល់ឆ្នាំ១៩៧២ នាទីក្រុងបាងកក ប្រទេសថៃ ក្នុងនាមជាក្រុមជម្រើសជាតិសាធារណរដ្ឋខ្មែរ កម្ពុជាស្ថិតនៅចំណាត់ថ្នាក់លេខ៣ពូល C ក្រោយចាញ់ភូមា ៥-០ ស្មើតៃវ៉ាន់ ១-១ និងចាញ់ឥណ្ឌូណេស៊ី ៣-០ ។
ដល់ឆ្នាំ១៩៧៤ នៅក្រុងបាងកកដដែល កម្ពុជាស្ថិតនៅក្នុងពូល C ទៀត ដោយចាញ់ម៉ាឡេស៊ី ២-១។ កីឡាករខ្មែរដែលបានស៊ុតបាល់បញ្ចូលទីពេលនោះ មានឈ្មោះថា សុក ស៊ីថា។ បន្ទាប់មកទៀត កម្ពុជាឈ្នះណេប៉ាល់ ៦-២ ដោយកីឡាករឈ្នះ តាំង យូខាន់ (Taing You Khan) និង ហ៊ុន ចាន់គី (Hun Chanky) សម្រេចបានម្នាក់ចំនួន៣គ្រាប់ មុនពេលចាញ់កូរ៉េខាងត្បូង ២-០។
កម្ពុជាស្ថិតក្នុងចំណោមក្រុមចំនួន៥ពីតំបន់អាស៊ាន
ក្រោមការដឹកនាំរបស់គ្រូបង្វឹកជប៉ុន លោក KOJI GYOTOKU កម្ពុជាបានចូលរួមជាមួយប្រទេសអាស៊ាន៤ទៀត រួមមាន ម៉ាឡេស៊ី ឥណ្ឌូណេស៊ី ឡាវ និងវៀតណាម ដែលឈានទៅជុំចុងក្រោយ រួមទាំងអូស្ត្រាលី ដែលជាសមាជិកសហព័ន្ធកីឡាបាល់ទាត់អាស៊ីអាគ្នេយ៍ (AFF) មួយទៀត។
កូរ៉េខាងត្បូងជាក្រុមដែលទទួលបានពានច្រើនជាងគេដែលមានរហូតដល់ទៅ១២លើក ខណៈអារ៉ាប៊ីសាអូឌីត ជាម្ចាស់ការពារតំណែងជើងឯក។ ៤ក្រុមចុងក្រោយ នឹងទទួលបានកៅអីទៅកាន់ព្រឹត្តិការណ៍ FIFA U20 World Cup ឆ្នាំ២០២១ នៅឥណ្ឌូណេស៊ី ដែលមានម្ចាស់ផ្ទះរង់ចាំរួចជាស្រេច៕
© រក្សាសិទ្ធិដោយ thmeythmey.com
