កីឡាជាតិ
ជាតិ
ស៊ីហ្គេម៖ យ៉ុង ម៉េងលី ដណ្ដើមបានមេដាយប្រាក់ ខណៈ សុខ ឈុន បានមេដាយសំរឹទ្ធ លើប្រភេទកីឡា Arnis រូបពីហ្វេសប៊ុក Cambodia Sea Games 2023
× ភ្នំពេញ៖ កីឡាករជម្រើសជាតិកម្ពុជា យ៉ុង ម៉េងលី ទទួលបានមេដាយប្រាក់លើប្រភេទកីឡា Arnis ក្រោយប្រកួតចាញ់ម្ចាស់ផ្ទះហ្វីលីពីន នៅវគ្គផ្តាច់ព្រ័ត្រ លើវិញ្ញាសា Live Stick (គុនដំបងខ្លី) នៃព្រឹត្តិការណ៍កីឡាស៊ីហ្គេម លើកទី៣០ ។ ហ្វីលីពីន ដែលជាម្ចាស់ផ្ទះស៊ីហ្គេមនេះ ឈ្នះមេដាយមាស។
ដោយឡែកកីឡាករ សុខ ឈុន ដែលប្រកួតនៅក្នុងប្រភេទកីឡា Arnis នេះដែរ ប៉ុន្តែស្ថិតនៅកម្រិតទម្ងន់ខុសគ្នានោះ ក៏ឈ្នះបានមេដាយសំរឹទ្ធលើវិញ្ញាសា live Stick ។ នៅក្នុងវគ្គនេះ ម្ចាស់ផ្ទះហ្វីលីពីនមេដាយមាស និងមេដាយប្រាក់បានលើវៀតណាម និងកម្ពុជា ទទួលបានសំរឹទ្ធដូចមីយ៉ាន់ម៉ាដែរ។
សរុបបណ្តោះអាសន្នមកទល់ពេលនេះ កម្ពុជាដណ្តើមបានមេដាយ ប្រាក់ ២ និងសំរឹទ្ធ២ លើប្រភេទកីឡា Arnis នេះ។ Arnis ជាកីឡាប្រពៃណីរបស់ហ្វីលីពីន ដែលសម្តែងស្នៀតមេគុន និងប្រយុទ្ធកីឡាដំបងខ្លី៕
Tag:
Sea Game
ហ្វីលីពីន
គុនដំបងខ្លី
Arnis
© រក្សាសិទ្ធិដោយ thmeythmey.com