គ្រឿងក្នុងជ្រូកខូចគុណភាពជាង១តោន នាំចូលពីថៃ ត្រូវចាប់បាននៅបន្ទាយមានជ័យ

ជាតិ

គ្រឿងក្នុងជ្រូកខូចគុណភាពជាង១តោន នាំចូលពីថៃ ត្រូវចាប់បាននៅបន្ទាយមានជ័យ

03, Dec 2019 , 8:59 am

រូបភាព

រូបភាពពីទំព័រហ្វេសប៊ុករបស់ស្នងការដ្ឋាននគរបាលខេត្តបន្ទាយមានជ័យ

ដោយ: ឡាយ សុភាវតី

ភ្នំពេញ៖ គ្រឿងក្នុងជ្រូកជាង១តោន គ្មានគុណភាពដែលដឹកជញ្ជូនខុសច្បាប់ ត្រូវបានសមត្ថកិច្ចឃាត់និងដកហូតបាននៅភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ នៅថ្ងៃទី២ ខែធ្នូ ឆ្នាំ២០១៩។ នេះបើតាមស្នងការដ្ឋាននគរខេត្តបន្ទាយមានជ័យ។

សមត្ថកិច្ច បានឲ្យដឹងថា គ្រឿងក្នុងជ្រូកទាំងនោះ មាន១៦កេស ស្មើនឹង១០៩៥គីឡូក្រាម។ គ្រឿងក្នុងខូចគុណភាពទាំងនោះ បានដឹកជញ្ជូនតាមរថយន្តធ្វើដំណើររបស់ក្រុមហ៊ុន រិទ្ធិ មុនី។ តាមការបញ្ជាក់របស់សមត្ថកិច្ច គ្រឿងក្នុងជ្រូកទាំងនោះ អាចប៉ះពាល់ដល់សុខភាពអ្នកបរិភោគ ហើយបច្ចុប្បន្នវត្ថុតាងនិងជនសង្ស័យ ត្រូវបានយកទៅស្នងការដ្ឋាននគរបាលខេត្តបន្ទាយមានជ័យ ដើម្បីចាត់ការបន្តតាមនីតិវិធី៕