ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាអន្តរជាតិ
អន្តរជាតិ
ស៊ីហ្គេម៖ ឥទ្ធិពលព្យុះ Kammuri រំខានកីឡា៨ប្រភេទ និងបង្ខំហ្វីលីពីនជម្លៀសពលរដ្ឋ ២សែននាក់
03, Dec 2019 ,
3:28 pm
រូបភាព
×
ដោយ:
ទេព ពិទូរ្យ
ឥទ្ធិពលព្យុះទីហ្វុង Kammuri បានបង្ខំហ្វីលីពីនជម្លៀសប្រជាជនខ្លួនចំនួនពីរសែននាក់នៅតាមតំបន់ឆ្នេរ និងតំបន់ភ្នំដោយសារការភ័យខ្លាចទឹកជំនន់ បាក់ដី និងរៀបចំបិទអាកាសយានដ្ឋានអន្តរជាតិសំខាន់ៗមួយចំនួនផង។ មិនតែប៉ុណ្ណោះ ព្យុះកំណាចនេះបានធ្វើឲ្យប៉ះពាល់ដល់ព្រឹត្តិការណ៍កីឡាស៊ីហ្គេម ឆ្នាំ២០១៩ (SEA Games 2019) រហូតត្រូវផ្លាស់ប្តូរការប្រកួតយ៉ាងហោចណាស់៨ប្រភេទកីឡា។
អ្នករៀបចំកម្មវិធីប្រកួតកីឡាប្រចាំតំបន់អាស៊ានលើកទី៣០ បានប្រកាសនៅថ្ងៃទី២ ខែធ្នូ ថាការផ្លាស់ប្តូរការប្រកួតត្រូវបានធ្វើឡើង បន្ទាប់ព្យុះទីហ្វុងដ៏កំណាច ត្រៀមនឹងវាយប្រហារលើកោះ Luzon ក្នុងក្រុង Subic នៅថ្ងៃទី៣ ធ្នូនេះ។
នៅក្នុងសេចក្តីប្រកាសព័ត៌មានមួយដែលបានចេញផ្សាយកាលពីល្ងាចថ្ងៃទី២ធ្នូ គណៈកម្មាធិការរៀបចំព្រឹត្តិការណ៍កីឡា PHISGOC និយាយថាការផ្លាស់ប្តូរទាំងនេះគឺដោយសារតែលក្ខខណ្ឌអាកាសធាតុ។
កីឡាដែលរងផលប៉ះពាល់ដោយសារព្យុះ Kammuri រួមមានបាល់ទះលើឆ្នេរខ្សាច់ ជិះក្តាបន្ទះលើទឹក ប៉ង់តាត្លុង ទ្រីយ៉ាត្លុង ឌូអាត្លុង ជិះទូកក្តោង បញ្ចសិលា កីឡាMuay ទូកកាណូ/កាយ៉ាក់ និងប្រណាំងទូកប្រពៃណី។
មិនត្រឹមតែមានការផ្លាស់ប្តូរការប្រកួតនោះទេ ក្នុងចំណោមកីឡាខាងលើ អ្នករៀបចំព្រឹត្តិការណ៍អះអាងថា ការប្រណាំងទូកក្តោងទាំងអស់ដែលត្រូវរៀបចំនៅចន្លោះពីថ្ងៃទី២ ដល់ថ្ងៃទី៤ ខែធ្នូ ត្រូវលុបចោលតែម្តង។
ក្រុមអ្នកឧតុនិយមហ្វីលីពីនផ្សាយនៅត្រឹមម៉ោង៥ល្ងាចថ្ងៃទី២ធ្នូ ថាព្យុះទីហ្វុងឈ្មោះ Kammuri បានធ្វើឲ្យតំបន់ភាគខាងត្បូង និងខាងជើងប្រទេស មានភ្លៀងធ្លាក់ និងខ្យល់បក់ខ្លាំងរហូតធ្វើឲ្យខូចខាតហេដ្ឋារចនាសម្ព័ន្ធ និងផ្ទះសម្តែងជាច្រើនខ្នង។
ដោយឡែកប្រជាជនជាង២សែននាក់ដែលស្ថិតនៅតំបន់ភ្នំ និងមាត់សមុទ្រក៏ត្រូវជម្លៀងចេញផងដែរ។ ព្យុះ Kammuri នឹងបន្តអុកឡុកក្នុងតំបន់មួយចំនួនទៀតក្នុងប្រទេសហ្វីលីពីនរហូតដល់ថ្ងៃទី៤ ធ្នូ។
គិតត្រឹមម៉ោង ៣រសៀលថ្ងៃទី៣ ធ្នូនេះ ម្ចាស់ផ្ទះហ្វីលីពីននៅតែនាំមុខគេក្នុងតារាងមេដាយបណ្តោះអាសន្ន ដោយរកមេដាយមាស ៤១ ប្រាក់២៤ និងសំរឹទ្ធិ៩១៥ សរុប៨០។ វៀតណាម ក៏នៅតែរក្សាលេខរៀងទី២ដូចគ្នា ដោយទទួលបានមេដាយសរុប៦០ ក្នុងនោះ មាស១៨ ប្រាក់២៤ និងសំរឹទ្ធិ១៨ តាមពីក្រោយដោយឥណ្ឌូណេស៊ីដែលរកបានមាស១០ ប្រាក់១៤ សំរឹទ្ធិ១៣, ម៉ាឡេស៊ី បានមាស១០ ប្រាក់២ សំរឹទ្ធិ៩, ថៃរកបានមេដាយមាស៧ ប្រាក់១០ និងសំរឹទ្ធិ១៦, សិង្ហបុរីបានមាស៥ ប្រាក់៩ សំរឹទ្ធិ១០, មីយ៉ាន់ម៉ា បានមាស១ ប្រាក់៥ សំរឹទ្ធិ១៨, ព្រុយណេបានមាស១ ប្រាក់៤ សំរឹទ្ធិ៤ កម្ពុជាបានមាស១ ប្រាក់៣ សំរឹទ្ធិ១៧ ឡាវបានសំរឹទ្ធិ២ ហើយនិងទីម័រខាងកើតនៅតែមិនទាន់មានមេដាយរាប់ដដែល៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
Kammuri
Sea Games
ហ្វីលីពីន
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
3 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
6 ម៉ោង
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
2 ថ្ងៃ
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
6 ថ្ងៃ
អត្ថបទពេញនិយមបន្ថែម