កីឡាជាតិ
ជាតិ
Soccer League វគ្គ១/២នឹងកាន់តែតានតឹង ខណៈក្រុមទាំង៤អះអាងពីការត្រៀមខ្លួនបានល្អ
×![]()
ក្រោយឆ្លងកាត់ការប្រកួតជម្រុះដ៏ស្វិតស្វាញដែលមាន៧២ក្រុមចូលរួម ពានរង្វាន់ Soccer League ប្រចាំឆ្នាំ២០១៩ បានឈានដល់វគ្គពាក់កណ្តាលផ្តាច់ព្រ័ត្រ(១/២)។ ក្រុមទាំង៤រួមមានសហភាពសហព័ន្ធយុវជនកម្ពុជាខណ្ឌពោធិ៍សែនជ័យ, សុភីណាអែហ្វស៊ី, អាវតាអែហ្វស៊ី និងអាណាចក្របៃតង សុទ្ធតែបានអះអាងពីការត្រៀមខ្លួនបានល្អរៀងៗខ្លួន។ ប៉ុន្តែពួកគេហាក់រអាគ្នាទៅវិញទៅមក។ ស.ស.យ.ក ខណ្ឌពោធិ៍សែនជ័យត្រូវប្រជែងជាមួយអាណាចក្របៃតងនៅម៉ោង៥រសៀលនាពហុកីឡដ្ឋានជាតិ។
ការប្រកួតបាល់ទាត់ដណ្តើមពានរង្វាន់ Soccer League ប្រចាំឆ្នាំ២០១៩ វគ្គពាក់កណ្តាលផ្តាច់ព្រ័ត្រ នឹងមានភាពតានតឹង និងទាក់ទាញបំផុតសម្រាប់ទស្សនិកជន។ ដ្បិតគ្រូបង្វឹកក្រុមទាំង៤ដែលទទួលបានកៅអីឡើងមកវគ្គនេះ សុទ្ធតែបង្ហាញការតាំងចិត្ត ខ្ពស់ និងអះអាងពីការត្រៀមខ្លួនបានល្អរៀងៗខ្លួន។ តែយ៉ាងណា ពួកគេបានឲ្យតម្លៃ និងរអាគ្នាទៅវិញទៅមក។
ទោះបីស.ស.យ.ក ខណ្ឌពោធិ៍សែនជ័យបានយកឈ្នះគូប្រកួតជាបន្តបន្ទាប់ក្នុងវគ្គជម្រុះ និងជាក្រុមការពារតំណែងជើងឯកក៏ពិតមែន តែពួកគេមិនហ៊ានស្រាលសមត្ថភាពអាណាចក្របៃតង ដែលជាអតីតម្ចាស់ជើងឯកឡើយ។ ក្រុមនេះ ក៏មិនបង្ហាញភាពជឿជាក់ខ្លាំងថាអាចយកឈ្នះអាណាចក្របៃតង ដើម្បីឡើងទៅវគ្គផ្តាច់ព្រ័ត្រដែរ។
«យើងបានជួបការលំបាកច្រើនទម្រាំបានឡើងមកដល់វគ្គនេះ។ យើងបានត្រៀមខ្លួនរួចរាល់ហើយ ដើម្បីការជួបក្រុមអាណាចក្របៃតង ប៉ុន្តែយើងនៅមិនទាន់ដឹងថា យើងនឹងបានឡើងវគ្គផ្តាច់ព្រ័ត្រ ឬយ៉ាងណានោះទេ ព្រោះខាងគេ ក៏ត្រៀមខ្លួនបានល្អដែរ អ៊ីចឹងអ្វីដែលយើងរំពឹងទុកមុន គឺ៥០លើ៥០»។ នេះជាការលើកឡើងរបស់លោក ទៀង ទីនី គ្រូបង្វឹកក្រុមខណ្ឌពោធិ៍សែនជ័យ។
ជាមួយគ្នានេះ លោក ខែក ខេមរិន្ទ គ្រូបង្វឹងក្រុមអាណាចក្របៃតង ដែលមានគ្រូបង្វឹកពោរពេញដោយបទពិសោធនៅក្រោយខ្នងបាននិយាយថា ទោះបីក្រុមលោកទើបតែបញ្ចប់ការប្រកួតកាលពីពេលថ្មីៗ តែបានត្រៀមខ្លួនរួចរាល់ហើយក្នុងការប្រជែងដណ្តើមកៅអីឡើងទៅវគ្គបន្ត។ «យើងអាចនឹងមានការពិបាក ក្នុងការប្រមូលកម្លាំងមកវិញ ខណៈក្រុមយើងទើបប្រកួតវគ្គ៨ក្រុម កាលពីថ្ងៃអាទិត្យ ប៉ុន្តែយើងតែងតែមានឆន្ទៈ និងលេងដោយយុត្តិធម៌»។ នេះជាការលើកឡើងរបស់លោក ខែក ខេមរិន្ទ។
តាមរយៈវត្តមានរបស់លោកគ្រូ កែវ កុសល ដែលនាំលេងនៅលើទីលាន គឺបានផ្តល់ទំនុកចិត្តដ៏មុតមាំសម្រាប់អាណាចក្របៃតង ក្នុងការរារាំងការប្រយុទ្ធដ៏មុតស្រួចរបស់ខណ្ឌពោធិ៍សែនជ័យ។ នេះជាការបង្ហាញភាពជឿជាក់របស់លោក ខែក ខេមរិន្ទ។ ក្រុមការពារតំណែងជើងឯកខណ្ឌពោធិ៍សែនជ័យ ត្រូវប្រជែងជាមួយអាណាចក្របៃតង ក្នុងវគ្គពាក់កណ្តាលផ្តាច់ព្រ័ត្រវេលាម៉ោង៥រសៀលថ្ងៃទី៣ ខែធ្នូ នេះ នាពហុកីឡដ្ឋានជាតិ។
ដោយឡែក គ្រូបង្វឹកក្រុមសុភីណាអេហ្វស៊ីលោក វី លីកា បានអះអាងថា ក្រុមលោកបានត្រៀមខ្លួនរួចរាល់ហើយក្នុងការប្រជែងដណ្តើមកៅអីវគ្គផ្តាច់ព្រ័ត្រជាអាវតា។ ក្រុមទើបចូលរួមក្នុងពានរង្វាន់ Soccer League លើកដំបូងមួយនេះ រំពឹងថា ពួកគេនឹងទទួលបានលទ្ធផលល្អពីប្រកួត ដែលធ្វើឡើងនៅថ្ងៃទី៤ ធ្នូ វេលាម៉ោង៥រសៀលនៅពហុកីឡដ្ឋានជាតិ។
ជាមួយគ្នានេះ ក្រុមអាវតាហាក់មិនហ៊ានបង្ហាញភាពជឿជាក់ក្នុងការយកឈ្នះសុភីណាឡើយ តែពួកគេប្តេជ្ញាថា នឹងព្យាយាមរកវិធីសាស្ត្រដើម្បីឈានទៅវគ្គបន្ត។ «យើងមិនហ៊ានរំពឹងខ្ពស់ទេ សម្រាប់ការជួបក្រុមសុភីណា ក្នុងវគ្គនេះ ប៉ុន្តែយើងក៏មិនបាក់ទឹកចិត្តនោះដែរ គឺយើងនឹងព្យាយាមលេងទៅតាមអ្វីដែលយើងបានរៀបចំ ដើម្បីស្វែងរកឱកាសឡើងទៅវគ្គផ្តាច់ព្រ័ត្រដែរ»។ នេះជាការលើកឡើងរបស់កីឡាករ សោម សុវិសាល ប្រធានក្រុមអាវតាអេហ្វស៊ី៕
ការប្រកួតបាល់ទាត់ដណ្តើមពានរង្វាន់ Soccer League ប្រចាំឆ្នាំ២០១៩ វគ្គពាក់កណ្តាលផ្តាច់ព្រ័ត្រ នឹងមានភាពតានតឹង និងទាក់ទាញបំផុតសម្រាប់ទស្សនិកជន។ ដ្បិតគ្រូបង្វឹកក្រុមទាំង៤ដែលទទួលបានកៅអីឡើងមកវគ្គនេះ សុទ្ធតែបង្ហាញការតាំងចិត្ត ខ្ពស់ និងអះអាងពីការត្រៀមខ្លួនបានល្អរៀងៗខ្លួន។ តែយ៉ាងណា ពួកគេបានឲ្យតម្លៃ និងរអាគ្នាទៅវិញទៅមក។
ទោះបីស.ស.យ.ក ខណ្ឌពោធិ៍សែនជ័យបានយកឈ្នះគូប្រកួតជាបន្តបន្ទាប់ក្នុងវគ្គជម្រុះ និងជាក្រុមការពារតំណែងជើងឯកក៏ពិតមែន តែពួកគេមិនហ៊ានស្រាលសមត្ថភាពអាណាចក្របៃតង ដែលជាអតីតម្ចាស់ជើងឯកឡើយ។ ក្រុមនេះ ក៏មិនបង្ហាញភាពជឿជាក់ខ្លាំងថាអាចយកឈ្នះអាណាចក្របៃតង ដើម្បីឡើងទៅវគ្គផ្តាច់ព្រ័ត្រដែរ។
«យើងបានជួបការលំបាកច្រើនទម្រាំបានឡើងមកដល់វគ្គនេះ។ យើងបានត្រៀមខ្លួនរួចរាល់ហើយ ដើម្បីការជួបក្រុមអាណាចក្របៃតង ប៉ុន្តែយើងនៅមិនទាន់ដឹងថា យើងនឹងបានឡើងវគ្គផ្តាច់ព្រ័ត្រ ឬយ៉ាងណានោះទេ ព្រោះខាងគេ ក៏ត្រៀមខ្លួនបានល្អដែរ អ៊ីចឹងអ្វីដែលយើងរំពឹងទុកមុន គឺ៥០លើ៥០»។ នេះជាការលើកឡើងរបស់លោក ទៀង ទីនី គ្រូបង្វឹកក្រុមខណ្ឌពោធិ៍សែនជ័យ។
ជាមួយគ្នានេះ លោក ខែក ខេមរិន្ទ គ្រូបង្វឹងក្រុមអាណាចក្របៃតង ដែលមានគ្រូបង្វឹកពោរពេញដោយបទពិសោធនៅក្រោយខ្នងបាននិយាយថា ទោះបីក្រុមលោកទើបតែបញ្ចប់ការប្រកួតកាលពីពេលថ្មីៗ តែបានត្រៀមខ្លួនរួចរាល់ហើយក្នុងការប្រជែងដណ្តើមកៅអីឡើងទៅវគ្គបន្ត។ «យើងអាចនឹងមានការពិបាក ក្នុងការប្រមូលកម្លាំងមកវិញ ខណៈក្រុមយើងទើបប្រកួតវគ្គ៨ក្រុម កាលពីថ្ងៃអាទិត្យ ប៉ុន្តែយើងតែងតែមានឆន្ទៈ និងលេងដោយយុត្តិធម៌»។ នេះជាការលើកឡើងរបស់លោក ខែក ខេមរិន្ទ។
តាមរយៈវត្តមានរបស់លោកគ្រូ កែវ កុសល ដែលនាំលេងនៅលើទីលាន គឺបានផ្តល់ទំនុកចិត្តដ៏មុតមាំសម្រាប់អាណាចក្របៃតង ក្នុងការរារាំងការប្រយុទ្ធដ៏មុតស្រួចរបស់ខណ្ឌពោធិ៍សែនជ័យ។ នេះជាការបង្ហាញភាពជឿជាក់របស់លោក ខែក ខេមរិន្ទ។ ក្រុមការពារតំណែងជើងឯកខណ្ឌពោធិ៍សែនជ័យ ត្រូវប្រជែងជាមួយអាណាចក្របៃតង ក្នុងវគ្គពាក់កណ្តាលផ្តាច់ព្រ័ត្រវេលាម៉ោង៥រសៀលថ្ងៃទី៣ ខែធ្នូ នេះ នាពហុកីឡដ្ឋានជាតិ។
ដោយឡែក គ្រូបង្វឹកក្រុមសុភីណាអេហ្វស៊ីលោក វី លីកា បានអះអាងថា ក្រុមលោកបានត្រៀមខ្លួនរួចរាល់ហើយក្នុងការប្រជែងដណ្តើមកៅអីវគ្គផ្តាច់ព្រ័ត្រជាអាវតា។ ក្រុមទើបចូលរួមក្នុងពានរង្វាន់ Soccer League លើកដំបូងមួយនេះ រំពឹងថា ពួកគេនឹងទទួលបានលទ្ធផលល្អពីប្រកួត ដែលធ្វើឡើងនៅថ្ងៃទី៤ ធ្នូ វេលាម៉ោង៥រសៀលនៅពហុកីឡដ្ឋានជាតិ។
ជាមួយគ្នានេះ ក្រុមអាវតាហាក់មិនហ៊ានបង្ហាញភាពជឿជាក់ក្នុងការយកឈ្នះសុភីណាឡើយ តែពួកគេប្តេជ្ញាថា នឹងព្យាយាមរកវិធីសាស្ត្រដើម្បីឈានទៅវគ្គបន្ត។ «យើងមិនហ៊ានរំពឹងខ្ពស់ទេ សម្រាប់ការជួបក្រុមសុភីណា ក្នុងវគ្គនេះ ប៉ុន្តែយើងក៏មិនបាក់ទឹកចិត្តនោះដែរ គឺយើងនឹងព្យាយាមលេងទៅតាមអ្វីដែលយើងបានរៀបចំ ដើម្បីស្វែងរកឱកាសឡើងទៅវគ្គផ្តាច់ព្រ័ត្រដែរ»។ នេះជាការលើកឡើងរបស់កីឡាករ សោម សុវិសាល ប្រធានក្រុមអាវតាអេហ្វស៊ី៕
Tag:
បាល់ទាត់
Soccer League 2019
© រក្សាសិទ្ធិដោយ thmeythmey.com
