ស៊ីហ្គេម៖ សៀង ចន្ធា និង រ៉ឹង ប៊ុនហៀង ជាប់ជម្រើស១១នាក់ដំបូង ក្នុងជំនួបម៉ាឡេស៊ី

កីឡាជាតិ

ជាតិ

ស៊ីហ្គេម៖ សៀង ចន្ធា និង រ៉ឹង ប៊ុនហៀង ជាប់ជម្រើស១១នាក់ដំបូង ក្នុងជំនួបម៉ាឡេស៊ី

04, Dec 2019 , 2:57 pm

រូបភាព

ដោយ:

បើធៀបនឹងជម្រើស១១នាក់ដំបូងពេលប៉ះមីយ៉ាន់ម៉ា គ្រូបង្វឹកក្រុមជម្រើសជាតិអាយុក្រោម២២ឆ្នាំកម្ពុជា លោក Felix Dalmas បានផ្លាស់ប្តូរសមាសភាព៨រូបពេលប៉ះម៉ាឡេស៊ីនៅម៉ោង៣រសៀលថ្ងៃទី៣ ខែធ្នូ នេះ ក្នុងព្រឹត្តិការណ៍កីឡាស៊ីហ្គេមនៅហ្វីលីពីន។ ខ្សែប្រយុទ្ធ សៀង ចន្ធា ស្ថិតក្នុងជម្រើស១១នាក់ជាលើកដំបូង ក្នុងជំនួបចុងក្រោយប្រចាំពូល A នេះ។

បើតាមបញ្ជីឈ្មោះដែលបង្ហាញដោយសហព័ន្ធកីឡាបាល់ទាត់កម្ពុជា ជម្រើស១១នាក់ដំបូងរបស់ក្រុម U22 កម្ពុជា ដែលត្រូវតទល់ជាមួយម៉ាឡេស៊ីនៅរសៀលនេះរួមមាន អ្នកចាំទី កែវ សុខសិលា, ខ្សែប្រយុទ្ធ កែវ សុខផេង, សៀង ចន្ធា, រ៉ឹង ប៊ុនហៀង, អ៊ិន សូដាវីដ, ខ្សែបម្រើ អ៊ន ចាន់ប៉ូលីន, កាន់ ពិសាល, ខ្សែការពារ សឿត បារាំង, ទេស សម្បតិ្ត, អ៊ុក សុវណ្ណ និង សេត រ៉ស៊ីប។

បើធៀបនឹងជម្រើស១១នាក់ដំបូងពេលប៉ះមីយ៉ាន់ម៉ា លោក Felix Dalmas ផ្លាស់ប្តូរសមាសភាពចំនួន៨រូប ខណៈកាលណោះរួមមានអ្នកចាំទី ហ៊ុល គីមហ៊ុយ, ខ្សែប្រយុទ្ធ កែវ សុខផេង, ស៊ិន កក្កដា, ស៊ិន សុផាណាត់, យ៉ើ មូស្លីម, ខ្សែបម្រើ ម៉ៅ ពិសិដ្ឋ, អ៊ន ចាន់ប៉ូលីន, ខ្សែការពារ កែន ចាន់សុភ័ក្ត្រ, យ៉ើ សាហ្វី, អ៊ុក សុវណ្ណ និង ឆេង ម៉េង៕