រដូវធ្វើប្រហុក ផ្អក ដល់ហើយ! ពលរដ្ឋអាចចុះទិញត្រីនៅតំបន់ជាប់ដងទន្លេសាប ដល់ថ្ងៃទី៩ ធ្នូ

ជាតិ

រដូវធ្វើប្រហុក ផ្អក ដល់ហើយ! ពលរដ្ឋអាចចុះទិញត្រីនៅតំបន់ជាប់ដងទន្លេសាប ដល់ថ្ងៃទី៩ ធ្នូ

05, Dec 2019 , 4:36 pm

រូបភាព

ត្រី ដែលប្រជានេសាទ ធ្វើការនេសាទបាននៅថ្ងៃទី៥ ធ្នូ ឆ្នាំ២០១៩។ (រូបភាពពីគណនីហ្វេសប៊ុករបស់លោក Eng Cheasan)

ដោយ: ឡាយ សុភាវតី

ភ្នំពេញ៖ ទឹកដែលហូរចេញពីបឹងទន្លេសាបស្រកចុះលឿន តាមដងទន្លេសាបនៅភូមិសាស្ត្ររាជធានីភ្នំពេញនិងខេត្តកណ្ដាល អាចឲ្យប្រជាពលរដ្ឋនេសាទត្រីបានច្រើន ចាប់ពីថ្ងៃទី៥ដល់ទី៩ ធ្នូ ឆ្នាំ២០១៩។

ក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា ប្រសិនបើផ្ទៃមេឃស្រឡះនិងគ្មានភ្លៀងកក់ខែទេនោះ ប្រជានេសាទនឹងអាចនេសាទត្រីបានច្រើន នៅអំឡុង៥ថ្ងៃនេះ។ «ពលរដ្ឋដែលមានបំណងចង់ធ្វើប្រហុក ផ្អក និងត្រីឆ្អើរជាដើម អាចទិញទុកផ្អក ប្រហុក ទុកឲ្យបានរួសរាន់ នៅតាមតំបន់ជាប់បឹងទន្លេសាប»។ នេះបើតាមសេចក្តីជូនដំណឹងរបស់ក្រសួងកសិកម្ម ចុះថ្ងៃទី៥ ធ្នូ៕