១៧ឆ្នាំក្រោយមក នាយយ៉ានសាកសួរពីជីវភាពរបស់អ្នកកោះកុង បន្ទាប់ពីមានស្ពានឆ្លងដៃសមុទ្រ

ជាតិ

១៧ឆ្នាំក្រោយមក នាយយ៉ានសាកសួរពីជីវភាពរបស់អ្នកកោះកុង បន្ទាប់ពីមានស្ពានឆ្លងដៃសមុទ្រ

08, Dec 2019 , 8:59 am

រូបភាព

ដោយ: នាយយ៉ាន

កោះកុង៖ ស្ពានកោះកុង ជាស្ពានឆ្លងដៃសមុទ្រវែងបំផុតនៅកម្ពុជា ដែលមានប្រវែងជិត២គីឡូម៉ែត្រ។ ស្ពាននេះត្រូវបានសម្ពោធឲ្យដំណើរការតាំងពីឆ្នាំ២០០២មកម្លេះ ពោលគឺមានអាយុកាល១៧ឆ្នាំមកហើយគិតមកទល់បច្ចុប្បន្ននេះ។ ស្ពាននេះមានអត្ថន័យណាស់សម្រាប់ខេត្តកោះកុង ដែលជាខេត្តមានសកម្មភាពទេសចរណ៍ ការធ្វើដំណើរ ការដឹកទំនិញជញ្ជូនផ្សេងៗ។ មិនត្រឹមតែក្នុងខេត្តកោះកុងប៉ុណ្ណោះទេ តែស្ពាននេះបានជួយសម្រួលការតភ្ជាប់ទៅប្រទេសថៃ ព្រោះថាស្ពានកោះកុង នៅមិនឆ្ងាយប៉ុន្មានពីព្រំដែននោះឡើយ។ នាយយ៉ានបានទៅដល់ និងជជីកសួរអ្នកនៅទីនោះ ដើម្បីដឹងថា ស្ពានដែលជានិមិត្តរូបរបស់ខេត្តកោះកុងមួយនេះ បានជួយអ្វីខ្លះដល់ប្រជាពលរដ្ឋ និងសកម្មភាពសេដ្ឋកិច្ចផ្សេងៗ។