កីឡាជាតិ
ជាតិ
U22 កម្ពុជាចាញ់វៀតណាម ៤-០ ដោយសល់ឱកាសដណ្តើមមេដាយសំរឹទ្ធជាមួយមីយ៉ាន់ម៉ា
ខ្សែប្រយុទ្ធកម្ពុជា រ៉ឹង ប៊ុនហៀង ត្រូវបានរារាំងដោយខ្សែការពារវៀតណាម Nguyen Thanh Chung និង Huynh Tan Sinh។ រូបថត CAMSOC
×![]()
ដោយ: ថ្មីៗ
U22 កម្ពុជា ចាញ់វៀតណាម ៤-០ នាជំនួបវគ្គពាក់កណ្តាលផ្តាច់ព្រ័ត្រនៃព្រឹត្តិការណ៍កីឡាស៊ីហ្គេមលើកទី៣០ នៅកីឡដ្ឋាន Rizal Memorial ក្រុងម៉ានីល ប្រទេសហ្វីលីពីន។ លទ្ធផលនេះ បាននាំឲ្យកម្ពុជាខកខានទៅកាន់វគ្គផ្តាច់ព្រ័ត្រ តែនៅសល់ឱកាសដណ្តើមមេដាយសំរឹទ្ធជាមួយមីយ៉ាន់ម៉ា ខណៈវៀតណាម ត្រូវប្រជែងមេដាយមាសជាមួយឥណ្ឌូណេស៊ី។
នៅតង់ទីមួយ Ha Duc Chinh បានលើកបាល់ឲ្យ Nguyen Tien Linh តែតបញ្ចូលទីគ្រាប់ទីមួយ ហើយ Duc Chinh ខ្លួន បន្ថែមបាន២គ្រាប់ នៅពាក់កណ្តាលតង់ និងនាទីបន្ថែម ដើម្បីឲ្យវៀតណាម នាំមុខ ៣-០។ នៅនាទី៦៩ Duc Chinh សម្រេចបានគ្រាប់ Hat-trick របស់ខ្លួន ដោយសារការទាត់បាល់ចេញពីជ្រុង។ នៅចុងម៉ោង កម្ពុជាបានបាល់ប៉េណាល់ទី ប៉ុន្តែការស៊ុតរបស់ កែវ សុខផេង ត្រូវបានរារាំង ដោយអ្នកចាំទីវៀតណាម។
ជ័យជម្នះ ៤-០ នេះ នាំឲ្យវៀតណាមឈានទៅវគ្គផ្តាច់ព្រ័ត្រជាមួយឥណ្ឌូណេស៊ី ដែលបានយកឈ្នះមីយ៉ាន់ម៉ា ៤-២ នៅម៉ោងបន្ថែម។ កម្ពុជាត្រូវតទល់ជាមួយមីយ៉ាន់ម៉ា សម្រាប់ការប្រកួតដណ្តើមយកមេដាយសំរឹទ្ធ។
ជំនួបកម្ពុជា និងមីយ៉ាន់ម៉ា ប្រព្រឹត្តទៅនាថ្ងៃអង្គារ ទី១០ ខែធ្នូ នាវេលាម៉ោង៣រសៀល នៅកីឡដ្ឋាន Rizal Memorial ដដែល មុនពេលដែលវៀតណាម ត្រូវតទល់ជាមួយឥណ្ឌូណេស៊ី សម្រាប់មេដាយមាស។ គូទាំងពីរសុទ្ធតែបានជួបគ្នានៅក្នុងពូលរៀងៗខ្លួន ដោយក្នុងពូល A មីយ៉ាន់ម៉ា ឈ្នះកម្ពុជា និងវៀតណាមឈ្នះឥណ្ឌូណេស៊ី ក្នុងពូល B ជាមួយនឹងលទ្ធផល ២-១ ដូចគ្នា។
ជម្រើស U22 កម្ពុជា៖ កែវ សុខសិលា (អ្នកចាំទី), កែន ច័ន្ទសុភ័ក្ត្រ, យ៉ើ សាហ្វី, អ៊ុក សុវណ្ណ, ឆេង ម៉េង, យ៉ើ មូស្លីម, អ៊ន ចាន់ប៉ូលីន, ម៉ៅ ពិសិដ្ឋ (ជា វេសលី ៧៩), ស៊ិន កក្កដា (សេត រ៉ស៊ីប ៦៩), រ៉ឹង ប៊ុនហៀង, កែវ សុខផេង៕
អត្ថបទទាក់ទង
នៅតង់ទីមួយ Ha Duc Chinh បានលើកបាល់ឲ្យ Nguyen Tien Linh តែតបញ្ចូលទីគ្រាប់ទីមួយ ហើយ Duc Chinh ខ្លួន បន្ថែមបាន២គ្រាប់ នៅពាក់កណ្តាលតង់ និងនាទីបន្ថែម ដើម្បីឲ្យវៀតណាម នាំមុខ ៣-០។ នៅនាទី៦៩ Duc Chinh សម្រេចបានគ្រាប់ Hat-trick របស់ខ្លួន ដោយសារការទាត់បាល់ចេញពីជ្រុង។ នៅចុងម៉ោង កម្ពុជាបានបាល់ប៉េណាល់ទី ប៉ុន្តែការស៊ុតរបស់ កែវ សុខផេង ត្រូវបានរារាំង ដោយអ្នកចាំទីវៀតណាម។
ជ័យជម្នះ ៤-០ នេះ នាំឲ្យវៀតណាមឈានទៅវគ្គផ្តាច់ព្រ័ត្រជាមួយឥណ្ឌូណេស៊ី ដែលបានយកឈ្នះមីយ៉ាន់ម៉ា ៤-២ នៅម៉ោងបន្ថែម។ កម្ពុជាត្រូវតទល់ជាមួយមីយ៉ាន់ម៉ា សម្រាប់ការប្រកួតដណ្តើមយកមេដាយសំរឹទ្ធ។
ជំនួបកម្ពុជា និងមីយ៉ាន់ម៉ា ប្រព្រឹត្តទៅនាថ្ងៃអង្គារ ទី១០ ខែធ្នូ នាវេលាម៉ោង៣រសៀល នៅកីឡដ្ឋាន Rizal Memorial ដដែល មុនពេលដែលវៀតណាម ត្រូវតទល់ជាមួយឥណ្ឌូណេស៊ី សម្រាប់មេដាយមាស។ គូទាំងពីរសុទ្ធតែបានជួបគ្នានៅក្នុងពូលរៀងៗខ្លួន ដោយក្នុងពូល A មីយ៉ាន់ម៉ា ឈ្នះកម្ពុជា និងវៀតណាមឈ្នះឥណ្ឌូណេស៊ី ក្នុងពូល B ជាមួយនឹងលទ្ធផល ២-១ ដូចគ្នា។
ជម្រើស U22 កម្ពុជា៖ កែវ សុខសិលា (អ្នកចាំទី), កែន ច័ន្ទសុភ័ក្ត្រ, យ៉ើ សាហ្វី, អ៊ុក សុវណ្ណ, ឆេង ម៉េង, យ៉ើ មូស្លីម, អ៊ន ចាន់ប៉ូលីន, ម៉ៅ ពិសិដ្ឋ (ជា វេសលី ៧៩), ស៊ិន កក្កដា (សេត រ៉ស៊ីប ៦៩), រ៉ឹង ប៊ុនហៀង, កែវ សុខផេង៕
© រក្សាសិទ្ធិដោយ thmeythmey.com
