កីឡាជាតិ
ជាតិ
ស៊ីហ្គេម៖កីឡាករគុនខ្មែរ ឡៅ ចិត្រា, វ៉ាន់ វឿន និងហ៊ឹម គឹមរៀង បានមេដាយសំរឹទ្ធម្នាក់១ ហ៊ឹម គឹមរៀង បានចាញ់កីឡាករថៃ Chittra Naruphon នៅវគ្គពាក់កណ្តាលផ្តាច់ព្រ័ត្រ។ រូបថត អគ្គនាយកដ្ឋានកីឡា
× ឈ្មោះកីឡាករគុនខ្មែរ ឡៅ ចិត្រា, វ៉ាន់ វឿន និងហ៊ឹម គឹមរៀង ត្រូវបានបញ្ចូលក្នុងបញ្ជីមេដាយផ្លូវការនៃព្រឹត្តិការណ៍កីឡាស៊ីហ្គេមលើកទី៣០នៅហ្វីលីពីន បន្ទាប់ពីពួកគេបានចាញ់ការប្រកួតនៅវគ្គពាក់កណ្តាលផ្តាច់ព្រ័ត្ររៀងៗខ្លួន កាលពីថ្ងៃសៅរ៍ ទី៧ ខែធ្នូ កន្លងមក។ មកដល់ពេលនេះ កម្ពុជាកើនមេដាយសរុប២៧ ក្នុងនោះមានមាស២ ប្រាក់៤ និងសំរឹទ្ធ២១។ ប្រដាល់សកល ក៏មានមេដាយសំរឹទ្ធ២ក្នុងដៃផងដែរ ប៉ុន្តែមិនទាន់ត្រូវបានបញ្ចូលក្នុងតារាងផ្លូវការឡើយ។
បន្ទាប់ពីបានយកឈ្នះកីឡាករឡាវ Banxabeth Soubinh កីឡាករគុនខ្មែរ ឡៅ ចិត្រា បានចាញ់កីឡាករថៃ Khundam Norapat នៅវគ្គពាក់កណ្តាលផ្តាច់ព្រ័ត្រក្នុងទម្ងន់៦៣.៥គីឡូក្រាម។
កីឡាករ វ៉ាន់ វឿន បានយកឈ្នះកីឡាករវៀតណាម Nguyen Quang Huy ក្នុងទម្ងន់៥៤គីឡូក្រាម តែចាញ់កីឡាករហ្វីលីពីន Lampacan Ariel Lee នៅវគ្គពាក់កណ្តាលផ្តាច់ព្រ័ត្រ។
រីឯកីឡាករ ហ៊ឹម គឹមរៀង បានចាញ់កីឡាករថៃ Chittra Naruphon នៅវគ្គពាក់កណ្តាលផ្តាច់ព្រ័ត្រទម្ងន់៤៨គីឡូក្រាមផងដែរ។
មកដល់ពេលនេះ មេដាយដែលកម្ពុជាទទួលបានផ្លូវការរួមមាន មាស២ ប្រាក់៤ សំរឹទ្ធ២១ សរុប២៧មេដាយ
កីឡា Arnis៖ មាស ១ ប្រាក់២ និងសំរឹទ្ធ១៧
-កីឡាករ យ៉ុង ម៉េងលី មាស១ ប្រាក់១
-កីឡាការិនី ស៊ីវ័ន្ត សូនីតា ប្រាក់១ សំរឹទ្ធ១
-កីឡាការិនី បូ ចន្ធី សំរឹទ្ធ២
-កីឡាការិនី យស់ សញ្ចនា សំរឹទ្ធ២
-កីឡាការិនី ខៀវ ចិន្តារ័ត្ន សំរឹទ្ធ២
-កីឡាករ ឌឹប ង៉ែត សំរឹទ្ធ២
-កីឡាករ មឿន ប៊ុនលី សំរឹទ្ធ២
-កីឡាករ សុខ ឈុន សំរឹទ្ធ២
-កីឡាករ ឆេម សីឡា សំរឹទ្ធ២
-កីឡាការិនី អេង ស៊ូម៉ាឡា សំរឹទ្ធ២
កីឡាប៉េតង់៖ មាស១ ប្រាក់១
-ក្រុមនារីបីទល់បី (ស្រ៊ាង សុរ៉ាឃីម, ឃួន យ៉ារី, ដួង ឌីណា និងវង ចន្ថា) មេដាយមាស ១
-វាយគូបុរស (សុខ ចាន់មាន និងយ៉ែម បូរ៉ា) មេដាយប្រាក់១
កីឡាសីប៉ាក់តាក្រ (សីដក់)៖ ប្រាក់១
-ក្រុមបុរស (នុត វិសាល, ហេង រ៉ាវុធ, ហួត សុវុត្ថា, ឈន សុខុម, ឈុំ ហាប់ឈុន, ជាតិ ខេមរិន្ទ) ប្រាក់១
គុនខ្មែរ៖ សំរឹទ្ធ៣
-កីឡាករ ឡៅ ចិត្រា សំរឹទ្ធ១
-កីឡាករ វ៉ាន់ វឿន សំរឹទ្ធ១
-កីឡាករ ហ៊ឹម គឹមរៀង សំរឹទ្ធ១
សូហ្វតិន្នីស៖ សំរឹទ្ធ១
-កីឡាការិនី ម៉េត ម៉ារីយ៉ាន សំរឹទ្ធ១
រង់ចាំពិធីបំពាក់ផ្លូវការ៖
ប្រដាល់សកល៖ សំរឹទ្ធ២
-កីឡាករ សៅ រង្សី សំរឹទ្ធ១
-កីឡាករ ស៊ីវ សុងម៉េង សំរឹទ្ធ១
Tag:
ស៊ីហ្គេម
SEAGames
គុនខ្មែរ
© រក្សាសិទ្ធិដោយ thmeythmey.com