កីឡាអន្តរជាតិ
អន្តរជាតិ
ស៊ីហ្គេម៖ ទីបំផុត ទីម័រខាងកើតឈ្នះបានមេដាយសំរឹទ្ធ១ហើយ
× ទីបំផុតទៅ កីឡាករ Quintas da Silva Jose Barreto បានរកមេដាយដំបូងឲ្យទីម័រខាងកើតក្នុងព្រឹត្តិការណ៍កីឡាស៊ីហ្គេមឆ្នាំ២០១៩នេះហើយ ក្នុងវិញ្ញាសាប្រដាល់សកល។ Jose Barreto ប្រកួតចាញ់កីឡាករថៃ Ammarit Yaodam ក្នុងប្រភេទទម្ងន់ស្រាលក្នុងវគ្គពាក់កណ្តាលផ្តាច់ព្រ័ត្រនៅថ្ងៃទី៨ ធ្នូ ដោយទទួលបានមេដាយសំរឹទ្ធ។
Jose Barreto បានក្លាយជាអត្តពលិករបស់ទីម័រខាងកើតដំបូងគេដែលរកបានមេដាយសំរឹទ្ធ ចាប់តាំងពីបើកការប្រកួតកីឡាអាស៊ានលើកទី៣០ ជាផ្លូវការនៅហ្វីពីនអស់រយៈពេល៩ថ្ងៃមកហើយនោះ។
បើទោះចាញ់កីឡាករថៃ Yaodam ដោយពិន្ទុក្នុងលទ្ធផល ១-៤ ប៉ុន្តែ Jose Barreto នៅតែធានាបានមេដាយសំរឹទ្ធ ពោលគឺសំរឹទ្ធផ្ទួនសម្រាប់វិញ្ញាសាប្រដាល់សកលប្រភេទទម្ងន់៥២គីឡូនេះ។
ក្តីរំភើបរីករាយមិនត្រឹមតែកើតឡើងចំពោះតែសមីកីឡាករខ្លួនឯង និងជនរួមជាតិទីម័រខាងកើតប៉ុណ្ណោះឡើង ប៉ុន្តែមេដាយសំរឹទ្ធមួយនេះក៏បានធ្វើឲ្យអ្នកគាំទ្រហ្វីលីពីនដែលជាម្ចាស់ផ្ទះបង្ហាញក្តីសប្បាយរីករាយ និងអបអរពីការឈ្នះនេះដែរ។
ក្នុងអំឡុងពេល Jose Barreto ប្រកួត អ្នកគាំទ្រហ្វីពីនយ៉ាងច្រើនទៅអង្គុយទស្សនា ដើម្បីគាំទ្ររូបគេក្នុងនាមជាអត្តពលិករបស់ទីម័រខាងកើត។
មិនតែប៉ុណ្ណោះ អ្នកគាំទ្រហ្វីលីពីនរាប់រយនាក់ផ្សេងទៀតបានប្រមូលផ្តុំគ្នានៅឯកីឡដ្ឋាន Ninoy Aquino ក្នុងក្រុងម៉ានីលដើម្បីបន្តគាំទ្រដល់អត្តពលិកទីម័រខាងកើតកីឡាការិនី Amorin Imbrolia Araujo dos Reis ខណៈដែលនាងបានចូលរួមប្រកួតវិញ្ញាសាតេក្វាន់ដូ។ អ្នកគាំទ្រហ្វីលីពីន សង្ឃឹមថាកីឡាការិនី Araujo dos Reis នឹងអាចរកបានមេដាយសំរឹទ្ធមួយទៀតសម្រាប់ទីម័រខាងកើតក្រោយចប់ព្រឹត្តិការណ៍កីឡានេះ៕
Tag:
SEA Games
ទីម័រខាងកើត
Quintas da Silva Jose Barreto
ហ្វីលីពីន
© រក្សាសិទ្ធិដោយ thmeythmey.com