រថយន្ត
អន្តរជាតិ
×![]()
ដោយ: ធីតា
រថយន្តដែលបើកបរដោយខ្លួនឯង «Self-driving» ត្រូវដាក់ដំណើរការសម្រាប់ដឹកអត្តពលិកនាជុំវិញក្រុង New Clark City នាអំឡុងនៃព្រឹត្តិការណ៍ប្រកួតកីឡាស៊ីហ្គេមលើកទី៣០នៅហ្វីលីពីន។ បើតាមការផ្សាយរបស់ Manila Bulletin រថយន្តដែលមានចំនួន៣គ្រឿងនេះ ស្ថិតក្នុងដំណើរការសាកល្បក៣ខែ។
បង្កើតដោយក្រុមហ៊ុនអាមេរិក COAST Autonomous រថយន្តប្រភេទ Coast P-1 អាចផ្ទុកអ្នកដំណើរ១៤នាក់។ វាជាប្រភេទរថយន្តល្បឿនយឺត ដែលអាចដឹកនាំអត្តពលិកពីភូមិកីឡា ទៅកីឡដ្ឋានសម្រាប់អត្តពលិក និងមជ្ឈមណ្ឌលហែលទឹក ដែលមានការប្រកួតជាង២០០។
អាជ្ញាធរទទួលបន្ទុកផ្នែកបន្លាស់ប្តូរ និងអភិវឌ្ឍន៍ឧស្ម័ន (BCDA) បានអះអាងផងដែរ កន្លងមក រថយន្ត Self-driving ប្រភេទអគ្គិសនីនេះ ក៏បម្រើការដឹកក្រុមអ្នកគាំទ្រកីឡាផងដែរ។ រថយន្តនេះ ប្រើប្រាស់ប្រព័ន្ធផែនទីបច្ចេកវិទ្យា High-Definition 3D ហើយអាចរត់បានចម្ងាយប្រមាណ៤០គីឡូម៉ែត្រក្នុង១ម៉ោង។
នេះជាផ្នែកមួយនៃគម្រោងទីក្រុងឆ្លាត របស់អាជ្ញាធរហ្វីលីពីន និងដើម្បីបង្ហាញបណ្តាប្រទេសអាស៊ានដទៃទៀត នារយៈពេល១២ថ្ងៃពេញនៃព្រឹត្តិការណ៍កីឡាស៊ីហ្គេម ដែលត្រូវបញ្ចប់នៅថ្ងៃទី១១ ខែធ្នូ៕
© រក្សាសិទ្ធិដោយ thmeythmey.com
