សម្តេច ហ៊ុន សែន៖ ជារឿងអកុសលដែលលាបពណ៌ និងបន្ទោស កែវ សុខផេង ពេលចាញ់

កីឡាជាតិ

ជាតិ

សម្តេច ហ៊ុន សែន៖ ជារឿងអកុសលដែលលាបពណ៌ និងបន្ទោស កែវ សុខផេង ពេលចាញ់

11, Dec 2019 , 8:50 am

រូបភាព

ដោយ: អ៊ូ សុខមាន (OU Sokmean)

ភ្នំពេញ៖ ជារឿងអកុសលមួយដែលកីឡាករកែវ សុខផេង រងការបន្ទោស និងលាបពណ៌ បន្ទាប់កម្ពុជា បានចាញ់មីយ៉ាន់ម៉ា ដោយបាល់ប៉េណាល់ទីនាការប្រកួតដណ្តើមយកលេខ៣ព្រឹត្តិការណ៍កីឡាស៊ីហ្គេម។ នេះជាការលើកឡើងរបស់ សម្តេច ហ៊ុន សែន ក្នុងពិធីប្រគល់សញ្ញាបត្រជូនដល់និស្សិតនៃសាកលវិទ្យាល័យឯកទេសនៃកម្ពុជា (CUS) នាព្រឹក ថ្ងៃទី១១ធ្នូ។ សម្តេច បានបញ្ជាក់ថា វិស័យកីឡា គឺ តែងតែមានការចាញ់-ឈ្នះ វាជារឿងធម្មតា។

អត្ថបទទាក់ទង

បេះដូងអ្នកគាំទ្រ! ក្រុម U22 ជាពិសេស កែវ សុខផេង ទទួលបានសារលើកទឹកចិត្តពេញហ្វេសប៊ុក

សោកស្តាយ! U22 កម្ពុជាខកឱកាសបានមេដាយសំរឹទ្ធ ក្រោយប៉េណាល់ទីចាញ់មីយ៉ាន់ម៉ា

ប្រមុខរដ្ឋាភិបាល បានថ្លែងយ៉ាងដូច្នេះ បន្ទាប់ពីមានករណីរើសអើងពីសំណាក់អ្នករិះគន់មួយចំនួនតូច ទៅលើ កែវ សុខផេង ក្រោយពេលដែល កីឡាកររូបនេះ ទាត់បាល់ប៉េណាល់ទីមិនបានសម្រេចនាជំនួបវគ្គពាក់កណ្តាលផ្តាច់ព្រ័ត្រជាមួយវៀតណាម ដែលបាននាំមុខកម្ពុជា ៤-០ ទៅហើយ។ ក្រុមអ្នករិះគន់ដែលមិនយល់ពីកីឡា បានផ្សាភ្ជាប់កែវ សុខផេង ទៅនឹងគ្រួសារខាងម្តាយដែលមានឈាមជ័រវៀតណាម៕